صوص كريمة البطاطة اللذيذة من مطبخي بالمراحل و الصور كالعادة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • صوص كريمة البطاطة اللذيذة من مطبخي بالمراحل و الصور كالعادة

    تبث في 28/04/2010
    bent bladi



    السلام عليكم ورحمة الله وبركاته








    حبيباتي ان شاء الله تعجبكم هاد الوصفة






    هي من وصفاتي المفضلة للصوص





    و مكنستغناش عليها خصوصا فالسلطات
    بدل استعمال المايونيز و الكريمات الغنية بالمواد الدهنية
    فهاد الكريمة هي البديل و كتجي لذيذة و كتبقى مدة فالثلاجة









    نخليكم مع المقادير و الطريقة












    المقادير:






    ربطة قزبر و معدنوس منقية و مغسولة
    3 بطاطات متوسطة الحجم مبخرة او مسلوقة
    زلافة صغيرة او 3 معالق كبيرة قزبر حبوب
    ملعقة كبيرة موتارد
    ملعقة كبيرة خل
    ملعقة صغيرة ملح
    3 معالق كبيرة نيدو غبرة
    3 فناجين صغيرة ماء
    3 ضروس كبيرة ثوم










    الطريقة:

    بعد متكون البطاطة تبخرات او تسلقات كنقيوها و نقطعوها طريفات صغار

    و كناخذو ربطة القزبر و المعدنوس كنڭرضوها طراف كبار بسيقانها و وراقها

    و كناخذو الثوم كنحكوه

    و كنديرو كل المقادير فالخلاط
    كنبداو اولا بالقزبر و المعدنوس مڭرضين طراف كبار بسيقانها و وراقها











    مع الثوم محكوك و القزبر حبوب و الملح





    و الخل و الموتارد و فنجان ماء





    و كنطربو الكل حتى كيولي خليط متجانس تماما






    ثم كنضيفو البطاطة




    و الحليب البودرة و 2 فناجين الماء المتبقية




    و كنطربو الكل حتى كنحصلو








    على خليط كريمي ثقيل و كثيف





    متجانس اخضر اللون








    كنكبوه فقرعة معقمة





    و كتغلق مزيان










    و كنحفظوه فالثلاجة



    و نستعملوه كصوص او كريمة ترافع المشاوي
    او السلطات او المقبلات
    او ننسمو بيه سلطاتنا بدل المايونيز و الفينيڭريت العادية










    التقديم:


















    اما كنقدمو بطبق جانبي مرفق للسلطات و المشاوي و المقبلات





    للتغميس او الدهن
    او كنخكط بيه السلطات و المشاوي مباشرة



    و بالصحة و الراحة











    ملاحظة :

    طبعا غتكولو لاحظتو اني مستعملت لا زيت لا زبدة

    لكن للي بغات ممكن تظيف ملعقة دانون مسوس او تعوض بيه الفنجانين ديال الماء
    او تدير فنجانين ديال الماء و فنجان ديال الكريم فريش او جبن او فرماج
    يعني لإغناء الطعم اكثر و اعطاء الصوص شكل كريمي اكثر

    و ممكن اضافة اي نوع اعشاب منسمة كتفضلوها
    و تيقوني كيجي احسن 100 مرة من المايونيز




    ان شاء الله تعجبكم الوصفة و تجربوها
    و بإذن الله نحط ليكم طرق اخرى لعمل صوصات او كريمات صحية و اقتصادية و طبعا لذيذة تنوعو بيها اطباقكم





    اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

    الله يرزقنا و إياكم خيرات الدارين و لا يحرمنا من طيبات الجنة و نعيمها

    دمتن في رعاية الكريم

    اختكن أمنــار

    أم ريـَّــان

    وعليكم السلام ورحمة الله وبركاته

    التعديل الأخير تم بواسطة أم أســامة و إيمــان; الساعة 19-02-2013, 20:25.


    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    zwina bazaf

    تعليق


    • #3
      ماشاء الله عليك مشرفتي،الله يعطيك الصحة

      تعليق


      • #4
        تبارك الله عليك الحادكة ديالنا، لهلا يخطيك علينا

        تعليق


        • #5
          مشكورة اختي وجزاك الله خيرا
          توقيع مخالف

          تعليق


          • #6
            صوص روعة تبارك الله عليك غادينعملها انشاء الله
            sigpic

            تعليق


            • #7
              تبارك الله عليك و لا تحرمينا من جديدك
              sigpic

              ma petite loulou

              تعليق


              • #8
                وعليكم السلام ورحمة الله وبركاته

                بارك الله بكن حبيباتي

                نورتو الصفحات

                الف شكر على الردود

                كل باسمها



                و يجزاكم عني خيرات الدارين
                على الدعوات الطيبة يا طيبات


                ان غبت عنكم
                و ساغيب في يوم من الايام
                فاتمنى من العلي القدير
                ان يكون لي نصيب خير بما خطته يدي
                يصلني بدعائكم لي
                اينما كنت فوق الارض او تحتها


                أمنارAmanarre
                أم ريان و كاميليا
















                فهرس اطباقي المصورة (متجدد ان شاء الله)




                ترقبن جديد وصفاتي المصورة بإذن الله



                تعليق


                • #9
                  تبارك الله وصفاتك مميزة كالعادة
                  نجربه إن شاء الله







                  تعليق


                  • #10
                    تبارك الله عليك روعة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X