إعـــــــلان

تقليص
لا يوجد إعلان حتى الآن.

ديسير بالروز و الحليب, بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ديسير بالروز و الحليب, بالصور

    oum hedayah
    7-15-2010

    السلام عليكم و رحمة الله و بركاته،

    كيف دايرين البنات مع هاد الصهد ؟ دبتو ولا مازال؟ هههه أنا بعدا بقا فيا غير شوية ههههه
    درت هاد الديسير البارح ، صدق زوين و تبردنا بيه، قلت نشاركو معاكوم ، شوية التغيير مزيان.

    المقادير:

    1 كاس صغير (ديال حياتي) روز بودرة، كيتباع عند العطارة
    1 كاس صغير سكر سنيدة أو كلاصي
    7 كيسان صغار (نفس القياس) حليب سائل
    2 ساشيات فانيل (أو شوية مازهر)
    شوية قرفة
    شكلاط للتزيين





    الطريقة:

    كناخدو كاسرولة، نديرو فيها الحليب + السنيدة، نخلطو مزيان. نديروها فوق عافية مهيلة. نضيفو الفانيل، القرفة (اختياري)، ثم الروز المطحون، نخلطو مزيان بالطراب اليدوي.

    نبقاو نحركو الخليط ديالنا بدون انقطاع باش ما يلصقش لينا، حتى يختار و يعقاد.



    نكونو دايرين الشكلاط من قبل فالثلاجة (10 د كافية) باش يقصاح شوية و نقدرو نحكوه بلا ما يتعجن لينا، أو نقشروه بالموس.



    ناخدو كويسات التقديم، نوضعو فيهوم شوية الشكلاط محكوك



    ثم خليط الروز

    عاود شوية الشكلاط



    ثم خليط الروز



    من بعد، كنزوقوه بشوية كاكاو





    و ندخلوه للثلاجة، خاص يبقى على الأقل 4 ساعات و يقدم بالصحة و الراحة



    ملاحظة: هاد الكمية كتعطي 5 كويسات، إلا بغيتي ديري كتر عبري بشي حاجة أكبر (كاس كبير أو زلافة، المهم تحترمي العبار : 1 عبار روز مطحون + 1 عبار سكر + 7 عبار حليب)


    إيوا كيف جاكوم الديسير؟؟؟؟؟









  • #2
    تبارك الله عليك
    من السهل أن يحترمك الناس .. ولكن من الصعب أن تحترم نفسك

    تعليق


    • #3
      المشاركة الأصلية بواسطة مغربية معتزة مشاهدة المشاركة
      تبارك الله عليك
      الله يبارك فيك أختي، شكرا على مرورك







      تعليق


      • #4
        ممممممممممممممم،باينة كيجي بنين

        تعليق


        • #5
          كنتمنى تجربيه أختي و تردي عليا الخبار







          تعليق


          • #6
            تبارك الله عليك اختي
            غزاااااااااااااااااااال و لديد الله يجازيك بكل خير يا ربي امين
            [/QUOTE]

            تعليق


            • #7
              الله يبارك فيك أختي، و أنت معي في الجزاء
              شكرا على التثبيت







              تعليق


              • #8
                تبارك الله عليك

                تعليق


                • #9
                  اختي شكرا لك الي ما لقيتش روز بودره وخا ندقه

                  تعليق


                  • #10
                    شكرا

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X