كلاص جد رائع من مطبخي الخاص و بالصور و بالتفصيل الممل

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كلاص جد رائع من مطبخي الخاص و بالصور و بالتفصيل الممل

    ثبت في 28/5/2009 ام الحلوين

    السلام عليكم و رحمة الله و بركاته

    كيف حالكن عزيزاتي الانيقات
    أتمنى أن تكونوا في تمام الصحة و العافية
    أنا عضوة جديدة معكم و هذه أول مشاركة لي
    و هي عبارة عن كلاص راه كيجي رائع و كيحمق
    و اللي ذاقو عندي كيسحابو مشري و هو بيني و بينكم من اختراعي
    ايوا كنتمنى ايعجبكم وجربوه و ردوا عليا لخبار

    المقادير : (كتخرج تقريبا 18 حتى 20 كورة ديال الكلاص)


    4 بيضات
    280غ سنيدة
    نصف كاس صغير ماء
    نصف لتر قشدة طرية
    1 خنيشة ديال لحليب نيدو
    3 فاني
    ملون غذائي أحمر
    ملون غذائي أخضر
    نكهة البيستاج
    نكهة الفريز

    للتزيين :

    قشدة طرية
    سنيدة
    رقائق اللوز
    حب الملوك
    (يبقى التزيين اختياري على حسب الرغبة)

    الطريقة :

    أول شيء نأخذ القشدة


    و نضربها على شكل شانتي



    حتى يتضاعف حجمها على هذا الشكل


    ثم نضعها في الثلاجة لحين الاستعمال
    نأخذ كسرونة و نضع فيها السنيدة + الماء و نترك الكل فوق نار متوسطة




    حتى يصبح الخليط مثل السيرو لكن عاقد و خاثر على السيرو بحيث يشكل لنا فقاعات في السطح



    نم نأخذ البيض


    و نبدأ في تضريبه بالضراب الكهربائي


    و نحن نضيف السيرو المحضر على شكل خيط رفيع


    كما نفعل في طريقة تحضير المايونيز ثم نستمر حتى انتهاء السيرو و يتضاعف حجم البيض و يصبح مرغوي


    و نستمر في التضراب حتى يصبح الخليط دافئ نوعا م لاننا سنضيف اليه القشدة و لكي لا تهوى بفعل الحرارة
    نضيف القشدة و نضرب بالضراب حتى تتجانس مع خليط البيض


    ثم نضيف حليب نيدو غبرة و نخلط من جديد


    نأخذ الخليط الذي حصلنا عليه و نقسمه على 3 أواني لكي ننسم الكلاص


    الاول نضيف اليه الفاني


    الثاني نكهة البيستاج+الملون الاخضر


    الثالث نكهة الفريز+الملون



    ثم نضع الاواني في المجمد حتى يجمد الكلاص تماما (على الاقل 6 ساعات أو حسب جودة تبريد المجمد و في الغالب ما أصنعه في المساء و أتركه في المجمد ليلة كاملة
    فحتى مذاقه يكون ألذ من استهلاكه في نفس اليوم)

    الان نمر للتزيين نأخذ كسرونة و نضع فيها سنيدة مقدار نصف كأس صغير تقريبا


    و نضعها فوق نار جد مهيلة و نتركها تذوب لنحضر الكراميل


    عندما تذوب تماما على هذا الشكل



    نضيف القشدة مع التحريك السريع لكي لا يتكور لنا السكر و نتركه على جنب ليأخذ درجة حرارة الغرفة
    (لم أصور هذه الخطوة لانها تريد السرعة و لا يمكنني التوقف لكي لا يفسد الكراميل و يتكور)
    نأخذ رقائق اللوز و نضعها في مقلة طيفال أنا درتوا في الفراح أي مقلة التقيلة بدون دهن


    و نتركه على نار هادئة مع التحراك المستمر حتى يتحمر نتركه على جنب.


    نضرب قليل من القشدة على شكل شانتي مع اضافة قليل من السنيدة و نضعه في الثلاجة لحين التقديم

    هاهو الكلاص بعد أن جمد

    الفاني


    البستاج


    و الفريز


    نأخذ كؤوس التقديم و الملعقة الخاصة بالكلاص و نعمل كرة من كل نوع أي من الفاني و الفريز و البستاج
    ثم بواسطة جيب حلواني أو البوش نضع القشدة من فوق و نزينها بقليل من الكراميل
    ثم نرش رقائق اللوز و نزين من فوق بحبة ملوك
    و هاهو الكلاص ديالنا واجد ايوا متعو ليا راسكم و وليداتكم و مالين الدار و بصحتكم و راحتكم



    و هذا لاول وحدة غدي ترد


    اذا كان أي سؤال أو استفسار أنا موجودة
    و آسفة عن عدم جودة الصور حيث مصوره غير بالبورطابل

    و متنساونيشش من صالح دعائكم بأن يسهل لينا الله أنا و راجلي أمورنا


  • #2
    تبارك الله عليك غزال انا سبقت اخديت حقي

    تعليق


    • #3
      روعة تباركيلاه عليك أنا khedit حقي منو






      Brune de CASA

      تعليق


      • #4
        تبارك الله عليك باين غزال غدي نجربو إن شاء الله و لكن ما فهمتش المرحلة لي كضيفي فيها الكريم شانتيي على البيض , والله يسر لك أمورك أنت وراجلك

        تعليق


        • #5
          الله يعطيك الصحة اختي

          و مرحبا بيك و سطنا

          بالحق انا ما غاديش نكذب و نقول راني خديت حقي انا خاصني النوض نجربو و بالخف ههههههههه

          شكــــــــــــــــــــرا





          تعليق


          • #6
            الف شكر فالحقيقة هدا وقتو الله يكثر خيرك و جازيك بالخير.غادي نجربو و رد عليك لخبار

            تعليق


            • #7
              السلام عليكم ورحمة الله وبركاته
              مشكوووووورة والله يعطيك الف عافيه
              ثبت ي تاريخه


              وحي القبور

              http://www.anaqamaghribia.com/vb/sho...098&highlight=

              تعليق


              • #8
                [frame="2 80"]
                تبارك الله عليك و على التاويل وعلى الوصفة و على طريقة الشرح كلشي كلشي كلشي فن الله يعطيك الصحة
                غير الى جات على خاطرك مافهمتش حاجة وحدة
                واش الكاراميل كتزيدي ليه القشدة الطرية و كتحركي الى كان اه اعطيني المقدار بالضبط شحال
                و مشكووووووووووووووووووووووورة
                [/frame]





                تعليق


                • #9
                  تبارك الله عليك

                  كلاص معتبر الله يعطيك الصحة

                  ان شاء الله نجربو في اقرب وقت

                  تعليق


                  • #10
                    مشكوووووور والله يعطيك الف عافيه

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X