أنيقاتي مربى البرتقال روووووووووعة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أنيقاتي مربى البرتقال روووووووووعة

    [ALIGN=CENTER][TABLETEXT="width:70%;background-image:url('http://www.anaqamaghribia.com/vb/backgrounds/24.gif');border:6px double firebrick;"][CELL="filter:;"][ALIGN=center]
    بسم الله الرحمن الرحيم
    السلام عليكم و رحمة الله تعالى و بركاته
    اهلا وسهلا انيقاتي كديرين لباس عليكم ايوا يلالياتي حماتي تشهات مربى البرتقال و قلت نتحدى العكز لي فيا و كفضت على يدياتي و نضت درتوا و منقولش كي جا غزال و الله العظيم ..................
    ندوزا المقادير ياك ......................
    * كيلوا برتقال

    * كيلو سكر سنيدة (نقصوا شوية راه منين طاب جاني حلو شوية)


    * قشرة برتقالة محكوكة

    * قشرة حامضة


    * قشرة برتقالة


    * عاشقة كبيرة ماء الزهر


    الطريقة :

    بديت في الاول نقيت البرتقال و حاولت نتخلص من القشرة البيضاء قدر المستطاع قطعتوا طريفات و قطعت قشرة البرتقال و قشرة الحامض قطع طوال


    ثم زدت عليه السكر سنيدة و زدت معلقة كبيرة من ماء الزهر


    و خلطت مزيان باش كاع الطريفات يوصل ليهم السكر و حتفضت بالخليط لمدة ليلة كاملة
    و هذه صورتو في الصباح


    حولت الخليط لاناء اكثر اتساع باش ما نحتاج نقلب الخليط و حطيتوا على نار عادية و خيليتوا يغلا


    منين غلا بدات كتطلع رغوة خليوتوا شوية و خديت مغيرف صغير و بديت كنزول هذيك الرغوة و نحتفظ بيها حتى انتهيت من طهو المربى يعني مدة الطهو تتراوح ما بين 45 دقيقة حتى لساعة



    اخذت الخليط من فوق النار حطيتوا يرتاح شوية و طحنتوا في الطحانة اليدوية الثقوب كبيرة و زدت عليه هديك الرغوة لي كنت كنزول حيث هذيك هي السيرووووووووو
    و هاهو الشكل النهائي بالصحة و الراحة




    بصحتكم و راحكتكم انيقاتي ياربي يكون عجبكم ........ :) :)
    [/ALIGN]
    [/CELL][/TABLETEXT][/ALIGN]




  • #2
    الله يعطيك الصحة جاك كيحمق روعة بارك الله فيك
    Sartrouville78500sigpic

    تعليق


    • #3
      المشاركة الأصلية بواسطة أم توأم مشاهدة المشاركة
      الله يعطيك الصحة جاك كيحمق روعة بارك الله فيك

      الله يعطيك ما تمنيتي اختي و جزاك الله كل خير على الكلمات الطيبة بارك الله فيك



      تعليق


      • #4
        الله يعطيك صحة ان شاء الله نجربه





        لا اله الا الله محمد رسول الله


        نادمة على ما فات سابقا

        تعليق


        • #5
          تبارك و ماشاء الله على للا الحادكة غزاااااالة هاد المربى غزاااااالة و كتشهي الله يخلي ليك دوك اليديدات و الله يحرمهم على النار يا ربي امين و الله يجعلو فميزان حسناتك انشاء الله
          [/QUOTE]

          تعليق


          • #6
            الله يعطيك صحة

            تعليق


            • #7
              المشاركة الأصلية بواسطة نادمة على ما فات مشاهدة المشاركة
              الله يعطيك صحة ان شاء الله نجربه
              و الله يعطيك ما تمنيتي اختي و بارك الله فيك



              تعليق


              • #8
                المشاركة الأصلية بواسطة oum hedayah مشاهدة المشاركة
                تبارك و ماشاء الله على للا الحادكة غزاااااالة هاد المربى غزاااااالة و كتشهي الله يخلي ليك دوك اليديدات و الله يحرمهم على النار يا ربي امين و الله يجعلو فميزان حسناتك انشاء الله

                بارك الله فيك اختي ام هداية الله و الله يكثر من امثالك و الله اختي دعيوات كتفرح قلبي الله يعطيك ماتمنتي و يفرحك بالعزيز عليك :):):):):):)



                تعليق


                • #9
                  المشاركة الأصلية بواسطة yasmine22 مشاهدة المشاركة
                  الله يعطيك صحة
                  الله يبارك فيك اختي و يعطيك ماتمنيتي



                  تعليق


                  • #10
                    لهلا يخطيك علينا اختي الحبيبة والله يحقق ليك كل ما تمنيتي ويحفظ ليك وليداتك امين الالة المرضية والله يلا فرحتيني حيث قلتي وجدتيه لحماتك ونعم الاخلاق الله يكثر من امثالك ويجيب ليا شي بنت العائلة فحالك لانس يا ربي امين

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X