لي بغات تصايب دانون ف الدار. وصفة ساهلة و الطريقة بالصووور.

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لي بغات تصايب دانون ف الدار. وصفة ساهلة و الطريقة بالصووور.

    ثبت في 28/7/2009 بواسطة ام رزان

    [blink]
    بسم الله الرحمن الرحيم
    السلام عليكم ورحمة الله وبركاته
    [/blink]

    كيف دايرين لاباس عليكم. البارح درنا دانون انا و الوالدة ديالي و اليوم حبيت نحط ليكم المقادير و الطريقة. يالاه نبداو.
    المقادير
    2.5 لتر من الماء( 1+ 1.5)
    250 غرام سنيدة
    1 ياغورت مسوس
    1 خنيشة فاني
    400 غرام حليب غبرة
    الطريقة
    نأخد 1 لتر من الماء و نزيد ليه 250 غ سنيدة و نخليهم فوق عافية مهيلة حتي يدوب السكر.





    في هده الأثناء ناخد اناء اخر كيفما كان.(أنا كنت زربانة درت غير ف الكوكوط) نعمل فيه 1.5 لتر من الماء ثم نضيف 1 فاني+ 1 ياغورت مسوس+ 400 غرام سنيدة و نخلط بالخلاط اليدوي




    هنا ملي ضفت ياغورت


    و الحليب غبرة


    دابا غادي تكون سنيدة لي درنا ف الأول مع الماء راه دابت و غادي نضيفوها علي الخليط الثاني و ما نساوش نحركو مزيان

    ملي يتخلط نعمروه ف كيسان ضروري تكون عندهم الغلاقة. بحال هادوك ديال الشكلاط و نحطوه ف شي بلاصة دافئة و بعيدة على مجرى الهواء و نغطيوه مزيان و نخليوه ليلة كاملة حتى يروب و يشد راسو
    هههه



    في الصباح التالي ندخلوه للثلاجة يبرد و من بعد نقدموه بالصحة و الراحة. راه تايجي غزال و ما فيهش بزاف د الحلاوة. غادي نوفرو الفلوس ديال دانون كل نهار. ههههه. و نزيدكم راه تايصلاح حتى لرمضان المبارك الله يدخلو علينا بالصحة و السلامة.
    هادا الشكل النهائي.



    سمحو ليا ايلا التصاور ما ياينينش حيت صورت غير بالبورطابل.

    [blink]السلام عليكم ورحمة الله وبركاته[/blink]







  • #2
    tbarkillah 3lik o safi hanitina min michtra danon

    تعليق


    • #3
      شكراا اختي تبارك الله عليك انا شحال من مرة صاوبتو ولكن مكيصدقش ليا
      ***** همـــــــــــ روح ســـــــــــة *****


      تعليق


      • #4
        السلام عليكم ورحمة الله وبركاته

        الله يعطيك ولأمك الصحة والعافية

        تبارك الله عليكم

        اكيد غادي يجي زوين من ايديكم


        تعليق


        • #5
          تبارك الله عليك
          اللهم لا اله الا انت لك الحمد و لك الشكر على نعمتك

          اللهم احفظ ابني من كل الشرور وارزقنا و المسلمين الخير من عندك

          امين يا رب

          تعليق


          • #6
            اختي بغيت نبهك راك عوض ماتكتبي 400غ حليب كتبتي سنيدة حاولي تغيريها باش مايتلفوش الاخوات او تبارك الله عليك.

            تعليق


            • #7
              تبارك الله عليك اختي ساهل ماهل وكيف قلتي هو احسن من دانون لي تيتباع شي مرات يخرج حامض وهو عاد جديد

              مشكوووووووووووووووووووووووووووووورة بزاااااااااااااااااااااااااااااااااف


              تعليق


              • #8
                مشكوووورات حبيباتي على الردود ديالكم.

                و شكرا للاخت عزة الأم على التنبيه. راه 400غ د الحليب ماشي سنيدة.






                تعليق


                • #9
                  ختي واش الخليط الاول لي فيه غي الما والسكر نضيفوه سخون بزاف للخليط التاني ولا حتى يبرد

                  شكرا
                  (ربي اجعلني مقيم الصلاة ومن ذريتي ربنا وتقبل دعاء)

                  تعليق


                  • #10
                    شكرا اختي وصفة ساهلة وفي المتناول الله يعطيك الصحة
                    fati-basmaسابقا
















                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X