إعـــــــلان

تقليص
لا يوجد إعلان حتى الآن.

ڤيرين او كاسات نخلة الفواكه بثلج الكوكو بالصور المفصلة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ڤيرين او كاسات نخلة الفواكه بثلج الكوكو بالصور المفصلة



    السلام عليكم ورحمة الله وبركاته







    ڤيرين او كاسات نخلة الفواكه بثلج الكوكو






    حبيباتي هاد الديسير للي كنت قدمت لضيافي فهاد الموضوع


    الكتف معسل و محمر و مخضر بالفواكه و المكسرات بالصور






    و واعدتكم نحطو
    راه ساهل ماهل و ممكن تنوعو فالمكونات حسب المتوفر عندكم



    واخا يكون غير تفاح و ليمون راه يكفي و يوفي
    لان الڤيرين كتعطينا امكانية التفنن و من حاجات بسيطة كنعملو ديسير مميز

    نحليكم مع المقادير و الطريقة










    المقادير:



    الناس جاوني على غفلة و مكانش عندي الديسير كثير
    غير القياس للي شاط لينا
    و مجاتش تخرج نتقدى قدام الناس فعملت بالمتوفر

    كان عندي
    البعويد
    التفاح
    الخوخ
    (حبات كبيرة )

    الفريز مجمد
    و الليمون
    (البرتقال) عصرتو عادي
    كوك يابس محكوك للتزيين
    ڭرڭاع







    الطريقة:

    ج
    د بسييييطة مايخلعكم الشكل




    بعد مكنغسلو الفواكه: التفاح و بعويد ( الاجاص) و الخوخ
    افضل يكونو حبات كبار باش يعطيوكم شكل القوس
    كنقيوها من العلف و الزريعة
    و كنقطعوها على ترونشات رفيعة على شكل نصف دائرة




    كناخذو الڤيرين او الكويسات ديالنا



    و كنبداو العمل



    كنعملو اولا ترونشات البعويد فاسفل الكاس
    و نتبعو ليها من ترونشات التفاح ثم ترونشات الخوخ



    و كنوزعوها على جنبات الكاس على شكل عروش
    كيف مبين فالصور



    و كنزرعو بين الترونشات الڭرڭاع مقطع




    و وضعت فالوسط حبة فريز انا استعملت المجمد هو للي كان عندي




    و نسقيو الكل بعصير الليمون (البرتقال) حتى يعمرو الفراغات الباقية فالكاس









    ثم كنرشو الكل من ال
    فوق بشوية كوكو محكوك جاهز




    باش كيعطينا شكل شجرة جوز الهند او نخلة طاح عليها الثلج ههه


    دخليها للثلاجة لحين التقديم او قدميها مباشرة







    التقديم:














    بالصحة و الراحة




    ملاحظة :


    الفكرة بسيطة و سهلة ولكن فالتقديم كتبهر الضيوف و اهل البيت
    يعني طريقة اخرى لتقديم الديسير
    و ممكن عملها حتى بالنسبة للاطفال للي مكيبغيوش ياكلو الفواكه
    ممن تبدعي فالاشكال باش تعجب وليداتك و ضيوفك



    اكثر شي كنعمل الڤيرين فالضيافة لما كيجيوني ناس على غفلة
    و مكيكونش عندي الديسير واجد بالكثرة فالدار والى الوقت فاش نتقدى
    يعني معنديش باش نعمر الطبسيل والا باش نحضر شي ديسير كيك او بڤرواز
    فالڤيرين كتعتق لانه ولو بكمية قليلة ديال الفواكة
    ممكن تعملي ديسير يكفي الكل
    بلى متحاشمي
    مع ضياف الغفلة هههه


    غير التفاح و الليمون راه يعطيوك كويس يعمر العين الى مكانوش يعمرو الطبسي هههه




    ان شاء الله تكون اضافة جديدة و مفيدة ليكم حبيباتي




    اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد





    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال





    الله يرزقنا و إياكم خيرات الدارين و لا يحرمنا من طيبات الجنة و نعيمها





    دمتن في رعاية الكريم





    اختكن أمنــار





    أم ريـَّــان

    وعليكم السلام ورحمة الله وبركاته



    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    و عليكم السلام و رحمة الله حبيبة ام ريان
    تبارك الله و ماشاء الله و لا قوة الا بالله
    الله يرضي عليك ا حبيبة و الله يعطيك الصحة
    غزاااااااااااااااااااااااااااااااااال ماشاء الله
    ثبت بتاريخه اختي
    تقبلي مروري
    [/QUOTE]

    تعليق


    • #3
      السلام عليكم ورحمة الله وبركاته
      تبارك الله عليك أختي أمنار .ديسير مشهي الله يعطيك الصحة.تسلم الأيادي عزيزتي

      تعليق


      • #4


        تعليق


        • #5
          غزال وساهل تبارك الله عليك دائما وصفاتك مميزة الله يحفظك


          تعليق


          • #6
            اللهم اني لا اسالك رد القضاء و لكني اسالك اللطف فيه


            تعليق


            • #7
              وعليكم السلام ورحمة الله وبركاته

              بارك الله بكن حبيباتي

              نورتو الصفحات

              الف شكر على الردود

              كل باسمها



              و يجزاكم عني خيرات الدارين
              على الدعوات الطيبة يا طيبات


              ان غبت عنكم
              و ساغيب في يوم من الايام
              فاتمنى من العلي القدير
              ان يكون لي نصيب خير بما خطته يدي
              يصلني بدعائكم لي
              اينما كنت فوق الارض او تحتها


              أمنارAmanarre
              أم ريان و كاميليا
















              فهرس اطباقي المصورة (متجدد ان شاء الله)




              ترقبن جديد وصفاتي المصورة بإذن الله



              تعليق


              • #8
                السلام عليكم ورحمة الله وبركاته
                سبق لي وقلت ليك تبارك الله عليك وسعدات لي دايرت في داره والله يرحم لي علمك
                وها انا نعودها ليك تبااااااارك الله عليك
                كلشي ديالك كيهبلني

                تعليق


                • #9
                  تبارك الله عليك و الله ديسير غزال و كيشهي الله يعطيك الصحة

                  تعليق


                  • #10
                    وعليكم السلام ورحمة الله وبركاته

                    بارك الله بكن حبيباتي
                    نورتو الصفحات

                    الف شكر على الردود
                    كل باسمها



                    و يجزاكم عني خيرات الدارين
                    على الدعوات الطيبة يا طيبات


                    ان غبت عنكم
                    و ساغيب في يوم من الايام
                    فاتمنى من العلي القدير
                    ان يكون لي نصيب خير بما خطته يدي
                    يصلني بدعائكم لي
                    اينما كنت فوق الارض او تحتها


                    أمنارAmanarre
                    أم ريان و كاميليا
















                    فهرس اطباقي المصورة (متجدد ان شاء الله)




                    ترقبن جديد وصفاتي المصورة بإذن الله



                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X