المحشي كرمب او الملفوف او صارمة بالتركية هههه

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • المحشي كرمب او الملفوف او صارمة بالتركية هههه

    تبث في 31/12/2010
    bent bladi


    السلام عليكم
    ماغاديش نطول عليكم ندخلو فالموضوع
    عملت محشي كرمب او ملفوف و حبيت نشارككم بالطريقة
    غادي نحتاجو لتقريبا رابعة الرز و نصف رابعة كفتة
    و واحد كرمب بحال الي فالصورة ماشي المدور لانه كيكون قاسح
    اما كمية الرز و الكفتة على حسب الاشخاص المهم كمية الكفتة نصف كمية الرز

    الطريقة:
    نديرو تقريبا واحد 2 او 3 معالق كبارزيت فالطنجرة و نضبف الرز على نار هادية و نحرك تقريبا 2 دقايق ثم نضيف مطيشة الحك (معجون الطماطم)
    و الملح و الفلفل الاسود تقريبا نص معلقة صغيرة و الكمون حثى هو نص معلقة و نعناع يابس شي معلقة صغيرة كيعطي طعم لديد
    و نحرك قليلا حثى يتجانس كلشي شي 7 دقايق
    من بعد نطفيو عليها و نضيف الكفتة و نخلط كلشي مزيان
    اوراق الكرمب كنزولو القلب و نبقاو نزولو ورقة ورقة و نسلقوهم تقريبا 3 دقايق فالماء الساخن مع الملح من بعد نقسمو الورقة و نحشيها و نلفها كيف ما وضحت فالصور
    فقاع الطنجرة نستفو بقايا الكرمب و نديرو الثوم مقطع انصاف و نوضع فوق اصابع المحشي مرتب و هدا باش ميلصقش فالطنجرة
    ونزيدو عليهم الماء الكافي الي يطيبو فيه ماشي بزاف الماء
    القياس عينك ميزانك و القليل من الزيت و الملح و نعملو صحن من فوقهم

    باش ميتحلش ملي يكون يطيب و نخليوه على نار هادية حثى ينشف من الماء من بعد نرشوه يالقليل من النعناع يابس
    يقدم مزين بالحامض او اوراق النعناع
    بالصحة و الراحة
    نتمنى تجربو هاد الطريقة راه كيجي لدييييييييييييد
    و على فكرة هادي طريقة تركية

    دعواتكم لي
    الملفات المرفقة

  • #2
    هاد الوصفة طلباتها مني ام امير نتمنى يكون الشرح مفهوم و بصحتكم

    تعليق


    • #3
      ماشاء الله عليك اختي رائعة و سهلة اول مرة نشوف هاد الملفوف ديما كنجيب المدور معمرني شفت هادا الله يجزيك بخير اختي تبارك الله عليك
      sigpic

      تعليق


      • #4
        شكرا اختي ام الياس على الرد فالحقيقة هداك المكور قاسح و كيجي اصعب شوية من هاد الطويل
        و لكن حثى هو ممكن يتستعمل غير كيعدب شوية و مكيجيش رطب بحال الاخر نتمنى تقلبي عليه و تجربيه كيجي لدييييييد

        تعليق


        • #5
          شكرا بزاف أخت نور الهدى، وصفة أكتر من رائعة أو ساهلة الله يعطيك صحة عليها تحياتي العطرة عزيزتي و سنة سعيدة

          تعليق


          • #6
            مشكورة أختي على الوصفة،جزاكي الله خيرا
            والله يعطيك الصحة

            تعليق


            • #7
              الله ياودي ام امير بالصحة و الراحة

              تعليق


              • #8
                العفو اختي بنت بلادي وشكرا على الرد

                تعليق


                • #9
                  وصفة غزالة الله يعطيك الصحة

                  تعليق


                  • #10
                    تبارك الله عليك اختي










                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X