شهيواتي دياول لغدا وبالتفصيل الممل جدا مع الصور طبعا بصحتكم وراحتكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شهيواتي دياول لغدا وبالتفصيل الممل جدا مع الصور طبعا بصحتكم وراحتكم

    01-04-2009, 04:43 AM ثبت الموضوع ام الحلوين



    السلام عليكم حبيباتي اليوم جبت ليكم الغدا ديالي غير جمعت ليهم هما الطبلة ووجدتها ليكم يا حبيباتي هانتما هادي هي الطبيلة ايوا مرحبا بيكم ما تحشموش مدو ايديكم على اللي قسم مولانا عاد نبدا نفسر ليكم الشهيوات اللي فيه




    مربعات بطاطا معمرين
    تناخدو بطاطا تنسلقوها





    وتنرفسوها باش نحصلوا على عجين



    من بعد تنضيفوا عليها الملح وشوية الربيع مقطع



    تنشحرو في مقلاة شوية البصلة والثومة مع الربيع والحوت أو الدجاج أو الكفتة... أنا هنا استعملت السلمون المدخن هداك علاش ما زدتش الملح نهائيا



    وقطعت الفرماج الأحمر على شكل أصابع طوال ورقاق شوية



    تنوضعوا نصف عجين البطاطا على فيلم غذائي ونسرحوه على شكل حربول طويل ونعملوا فيه حفرة من الوسط بالطول




    من بعد تنحطوا وسطوا العمارة ديالت الحوت


    وتنحطوا فوقهم الفرماج



    من بعد تنحطوا فوقو النصف لاخر ديال بطاطا ونغطيوا بيه


    من بعد ندوروه شوية باش يتنسق الشكل ديالو ونقطعوه على شكل مربعات



    ندوزوهم في الدقيق ثم البيض ثم الشابلير




    ونصففوهم في طاوة ديالت الفرن وندخلوهم حتى يتحمرو واللي بغا يقليهم تيجيو أحسن مذاقا ولكن هكدا صحيين



    وهذا المنظر النهائي


    بالصحة والراحة


    أما الوصفة الثانية فهي الكريعة معمرة ومقلية أو مشوية في الفرن


    تناخدو الكريعة تنقطعوها على 2 من العرض ومن بعد بالطول لشرائح رقيقة
    فوق من كل شريحة تنحطوا شريحة ديال الفرماج وأخرى ديال الكاشير



    وطرف آخر ديال الكريعة



    تندوزوها في الدقيق,البيض ثم الشابلير



    تنصفوها في طاوة وتندخلوها للفرن أو تنقليوها


    وبالصحة والراحة



    أما الشي لاخر اللي كاين في الصورة غير فيلي ديال الحوت درت عليهم شوية الزيت البلدي والملح وشويتهم في الفرن وشلاضة بالخس ومطيشة والفجل وشوية الزيتون مرقد


    يالله شكون اللي غادية تقول بسم الله هي اللولة

  • #2
    جزاك الله خيرا اختي ام سندس اطباقك رائعة جدا ما شاء الله


    وحي القبور

    http://www.anaqamaghribia.com/vb/sho...098&highlight=

    تعليق


    • #3
      الوصفة زوينة . غير بقات فيا البطاطا الي رفستيها
      لكل الاخوات المسلمات

      تعليق


      • #4
        بسم الله . هممممممممممممم هدشي غزال تبارك الله عليك أختي ، شهيوة و آش من شهيوة :)

        تعليق


        • #5
          [align=center]
          الله يعطيك الصحة الزين

          عجبوني مربعات البطاطا و القريعات

          بانة فنين

          تبارك الله عليك

          [/align]

          تعليق


          • #6
            تبارك الله عليك اطباق كلها ابتكار ما شاء الله
            عجباتني البطاطا بزاف ان شاء الله نجربها

            تعليق


            • #7
              المشاركة الأصلية بواسطة ام الحلوين مشاهدة المشاركة
              جزاك الله خيرا اختي ام سندس اطباقك رائعة جدا ما شاء الله
              جزاك الله بكل الخير يأم الحلوين دائما تشجيعاتك تزيدني حماسا

              تعليق


              • #8
                المشاركة الأصلية بواسطة nisme مشاهدة المشاركة
                بسم الله . هممممممممممممم هدشي غزال تبارك الله عليك أختي ، شهيوة و آش من شهيوة :)

                غير مدي ايدك وقبلي علينا ما تحشميش أختي nisme

                تعليق


                • #9
                  المشاركة الأصلية بواسطة شهنوزة مشاهدة المشاركة
                  الوصفة زوينة . غير بقات فيا البطاطا الي رفستيها

                  لباس منين غير رفستها ما شفتي كاع كون طحنتها ما يبقى فيها مسكينة ما يتشاف مجرمة مع راسي ههههه

                  تعليق


                  • #10
                    المشاركة الأصلية بواسطة ghazala maghribia مشاهدة المشاركة
                    [align=center]
                    الله يعطيك الصحة الزين

                    عجبوني مربعات البطاطا و القريعات

                    بانة فنين

                    تبارك الله عليك

                    [/align]

                    الله يبارك فيك حبيبتي غزالة مغربية

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X