البقولة مع السبانخ طبق للانيقات عامة وفكرة للمغتربات خاصة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البقولة مع السبانخ طبق للانيقات عامة وفكرة للمغتربات خاصة

    [glow1=FF99CC]03 02 09[/glow1]



    الصراحة اول مرة نتعلم البقولة خديت الفكرة من اختي عاشقة الجنة وشرحات ليا المقادير والطريقة بالتفصيل والحمد لله دابا عرفت ليها وتعلمت ليها وكنقوليها شكراا غاليتي على مجهوداتك الملحوضة دائما

    وانا اليوم حضرتها مع السبانخ وطبعا لا يخفا علينا ما تحمله هدة النبتة من فيتامينات ومقويات وحديد يفيد اجسامنا وعقولنا

    والان ندخلو في الطريقة مباشرة

    قبطة بقولة طبعا تنقيها مزيان وتنقعيها في بانيو عامر بالماء باش تخلي التراب ووكل ما علق بها ونشفوها في فوطة ناشفة



    وهذه السبانخ les epinards
    طبعا حتى هي مغسولة ومنقية مزيان

    نقطعو الكل تقطيع صغير جداا واكيد كيعذب شوية ولكن معليش راه البقولة هادي ههههه
    هي عندها طريقتين اما مصلوقة او مفورة وطبعا مفورة كتكون صحية اكثر انا فورتها في l'autocuiseur
    مع طريفات الحامض والثوم والملح




    وهاهي من بعد ماوجدات



    وهنا هام للمغتربات
    طبعا شحال من وحدة فيكم كتبقا تشهى البقولة في الغربة ولكن مكينش فين تلقاها هاذا الطريقة سهلة جدا باش تكون عندك البقولة في ثلاجتك وقت ما حتاجيتيها تلقايها
    فاش تكوني في المغرب شري كمية كبيرة منها وطبعا غسلي ونقي وفوري وقسمييها في بلاستيكات متل هادو صحيين



    وجمعيها بطريقة مقفلة جيدا



    بالنسبة لطريقهم طويلة ممكن تكونجليها قبل مدة السفر وتديها معاك ممكن تصبر حتى 4 ايام بلا ثلاجة وحتى عام في الكونجيلاتور



    وطبعا فاش تبغيها تجبدي حسب عدد الافراد والرغبة بالنسبة للشرمولة
    زيت الزيتون
    زيتون مرقد في الحار
    عصير حامض
    الثوم انا استعملت غبرة
    الكامون والملح
    وصلصة الحار
    وشوية الربح والسودانية الا كانت موجودة عندك
    وطبعا نخليوها فوق النار مدة كافية باش تشحر مع العطرية لي درنا



    ونقدما مع الزيتون بالصحة والراحة

    اللهم اني استودعك نفسي وزوجي واهلي وجنيني و مالي يا من لا تضيع ودائعه

  • #2
    ممممممممم طبسيلي هادا انا تنحماق على البقولة وسبقت ليه
    تبارك الله على طباختنا الكبيرة

    تعليق


    • #3
      تبارك الله عليك
      sigpicيَـآ رَب ُ ،’
      لآ تَجعَلْ آلدُنيَـآ ، تُفَرقُ بَينَ قلبيِنِ مَـآ تعَـآنقَـآ إلآ مِنْ أجْلِكْ ،’

      تعليق


      • #4
        جبتيلي الجوع مع مازال ما تغديت ;) الله يعطيك الصحة الزين








        سَهِرَتْ أعْينًٌ ونامت عيونفي أمور تكون أو لا تكون
        فَادْرَأِ الهمَّ ما استطعتَ عن النفس
        فحِمْلانُك الهمومَ جنون
        إن رَباًّ كفاك بالأمس ما كانسيكفيك في غد ما يكون





        تعليق


        • #5
          [quote=أم سندس;513667]ممممممممم طبسيلي هادا انا تنحماق على البقولة وسبقت ليه
          تبارك الله على طباختنا الكبيرة[/quote


          الله يبارك فيك ويكبر بيك غاليتي شكراا لك
          اللهم اني استودعك نفسي وزوجي واهلي وجنيني و مالي يا من لا تضيع ودائعه

          تعليق


          • #6
            المشاركة الأصلية بواسطة safiya+ مشاهدة المشاركة
            تبارك الله عليك
            اللهيبارك فيك حبيبتي منورة اكيد
            اللهم اني استودعك نفسي وزوجي واهلي وجنيني و مالي يا من لا تضيع ودائعه

            تعليق


            • #7
              المشاركة الأصلية بواسطة يـاسـمـيـن مشاهدة المشاركة
              جبتيلي الجوع مع مازال ما تغديت ;) الله يعطيك الصحة الزين
              مرحبا بيك الزين ديالي تغداي عندي شكراا لك ولمرورك الطيب كما العادة
              اللهم اني استودعك نفسي وزوجي واهلي وجنيني و مالي يا من لا تضيع ودائعه

              تعليق


              • #8
                الله يرحم والديك طبعا اللى فى غربة نلقو صعوبة فى الشهيوات بحال اليقولة واللقبم والخرشوف والقوق ويطاطا قصبيةوالورقة البسطيلة عللى العموم شكرا
                sigpichttp://www.anaqamaghribia.com/pic/images/euh5oe5meyo2nkmgj1ah.jpg

                تعليق


                • #9
                  السلام عليكم ورحمة الله تعالى وبركاته

                  تبارك الله عليك الزين ديالي عرفتي ليها الله يعطيك الصحة شكرا لك

                  تعليق


                  • #10
                    شكرا أختي ليلى فكرة رائعة كتعجبني بزاف وفعلا هنا ما كنلقها قليل فاش نلقاها ولكن كانعوضها بالسبانخ حتى هي كاتعجبني بزاف معالكفتة والروز رائع
                    تبارك الله عليك الحبيبة وربي إحفضك ويجازك كل خير

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X