إعـــــــلان

تقليص
لا يوجد إعلان حتى الآن.

البيبوش=الحلزون=اغرار=escargot

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البيبوش=الحلزون=اغرار=escargot

    طريقتي في طبخ البيبوش اول حاجة كنقوم بها هي غسل البيبوش حبة حبة بالشيتة ديال السنان و اللي داخلة نتكوهابشي شوكة حتى تدخل باش نعرفوها حية الا ما دخلاتش وما بان والو نلوحوها .ومنين نساليو الغسيل مزيان نخليوه يقطر فشي شبكة ونغطيوه لحقاش كيهرب دغيا كيف عارفين تلقاي كوزينة مزوقة تعاود تجمعي من جديد هههههه بلا ما نطول عليكم نبداو نطيبو على بركة الله كناخد طنجرة كبيرة شوية ) لحقاش كيفيض( نديروا فيها البصلة مشلضة تشحر شوية ونزيد عليها مطيشة رقيقة والقسبور والماعدنوس والعطرية والملح يتقلاو شوية ونمرقو على حساب نصف الطنجرة ونزيدو عليها العشوب ديال البيبوش اللي كنلقاوها عند العشاب من بعد ما نغسلوهم ونعقدوهم فشي كتانة رقيقة ونخليوهم يغليو مزيان حتى يطلقو ريحتهم ونخويو البيبوش بعد ما نقولو 3 المرات باسم الله الله اكبر ومنين كيقرب يطيب كنيزيد 4حبات بطاطا صغار مقشرين بلا ما يتقطعو ومنين كيوجد هههههمممم وليدات كيحماق عليه ريوكهم كتنزل قبل مانحط ليهم منها كتاكلي بيبوش ديال الدار وعارفة شنو فيه كنتمنى تعجبكم وصفتي خصوصا و انها سايرت اجيال ومازال يعني الماضي والحاضر والمستقبل انشاء الله و هاذي مبادرة مني بديت الاولى بغيت كاع البنات يعطيونا الطريقة ديالهم لحقاش كاينين بزاف الطرق باش نستافدو كاملين

  • #2
    [gdwl] [/gdwl][gdwl]
    فين الردود حتى وحدة ما مهتمة بالبيبوش كيعجبكوم غير تاكلوه فالكورنيش هههههههههه
    [/gdwl]

    تعليق


    • #3
      اختي بستانة بكثر خوفي من البوبوووووووش خفت نقل الموضوع هههه
      لم اذقه ابدا...


      وحي القبور

      http://www.anaqamaghribia.com/vb/sho...098&highlight=

      تعليق


      • #4
        سمحيلي الحبيبة راه انت نصبتي بالبربوش راه ماشي هادي الطريقة

        تعليق


        • #5
          انا نشرب في زنقة ويني نطيب انا منقدرش كيبقى فيا

          شكرا ازين

          تعليق


          • #6
            اختي بستانة اشكرك واحترم ذوقك ولكن لاتستعمل الخضر في هده الشهيوة ولكن نكتفي باالعطرية الازمة
            ( ازعتر /الشيبة /الفلفلة السودانية/الكروية/حبة حلاوة/عود عرق السوس/وريقات النعناع/قشرة برتقالة
            الملح/ورقة سيدنا موسى.هده طريقتي لتحضيره اتمنى ان تجربيها
            إِنَّ الَّذِينَ آمَنُوا وَعَمِلُوا الصَّالِحَاتِ وَأَقَامُوا الصَّلَاةَ وَآتَوُا الزَّكَاةَ لَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ ﴿٢٧٧﴾

            تعليق


            • #7
              مشكورة أختي بستانة
              مع خالص إحترامي لذوقك و وصفتك الشهية البابوش
              وتبقى وصفة الأخت ام حكيم هي المتداولة في طهى البابوش
              مع كل الأ عشاب التي ذكرت ومشكورة أختي أم حكيم







              تعليق


              • #8
                [bor=ff3300]
                شكرا اخواتي على تعليقاتكم الرائعة وصراحة حتى انيا عندنا فدارناكنت كنعرفو بذيك الطريقة بالعطرية والبلول وصافي وعمري ما طيبت ذاك الوقت كانت الوالدة الله يرحمها اللي كطيب انا كنت غير كناكل ولكن منين تزوجت رجعت انا الكوزينة علماتني عجوزتي الله يرحمها طريقتهم بالخضرة وراجلي كيحماق على [gdwl]بطاطا فالبابوش وغير جربوها راه تعجبكوم حتى انتما [/gdwl]
                [/bor]

                تعليق


                • #9
                  حرام عليك اختي ام الحلوين ما بغتيش تنقلي موضوعي وتمارة ديالي انا فين تمشي وانا بهاد الكلفيي دالعربيةما كنقول حتا نلقا الحرف والبابوش ما عندك مناش تخافي منووالله حتى زوين ههههههههههه

                  تعليق


                  • #10
                    [align=center]
                    والله أختي منعرف ، أنا بعدا عمري ما كليتوم ، وعاد كاين لي كيقولوا حراااام حيت هما حيين هايداك و كتسيبيهوم في الماء طايب :( والله أعلم..
                    [/align]
                    [img3]http://www.anaqamaghribia.com/up//uploads/images/anaqamaghribiae039cf4eff.gif[/img3]
                    [img3]http://www.anaqamaghribia.com/up//uploads/images/anaqamaghribia2253889c71.gif[/img3]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X