تورتيلا بسلطة البيكو مع اطباق تانية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تورتيلا بسلطة البيكو مع اطباق تانية

    السلام عليكم
    جربت البارح او اول مرة التورتيلا و جات فنة و هشيشة

    العجين
    2 كيسان و نصف دقيق
    نيدو
    ملح
    شوية سكر
    شوية الزيت ربع كاس
    شوية الخميرة ديال الحلوة
    و عجنتها بالماء و خليتها واحد ربع ساعة عاد عملتها كويرات صغار
    و من 5 دقائق ورقتهم بزاف
    و دهنت المقلة بشوية الزيت غير اول مرة و بديت كنطيبهم





    فاش كملت غطيتهم بتوب نقي و درتهم في بلاستيكة بين ما كلمت الحشوة
    عبارة عن بصل و فلفلة بالالوان انا درت غير الخضراء ماكنتش عندي الباقي
    و صدور دجاج مقطعين طوال
    و العطرية ملح - ابزار- شوية سودانية- كامون-

    و السلطة مطيشة مقطعة صغيرة - بصلة مقطعة صغيرة - شوي القزبور -شوية الزيتون مقطع دوائر و حار
    ملح انا زدت فيها شوية الكامون -زيت

    خص مقطع رقيق بزاف للحشو

    كندهن الخبز بشوية مايونيز و نحط الحشوة تم شوية الخص مقطع رقيق بزاف و في الاخر السلطة و نلويهم و نشدهم بعود ديال السنان



    في هاد الصورة درتهم في بابيي المنيوم و سديت عليهم و درتهم يسخنو قبل لفطور

    و الله الى جاو واعرين و رطبين و لداد نتمنى يعجبوكم



    درت معاها بعجين العشر دقائق خبزة محشية

    بصلة مشلضة و الربيع و دجاج مقطع في الاخر زدت عليه البيض و خليته طاب

    قسمت العجين على 2
    سرحت الاولى في الطاوة و حشيتها و غطيتها بالعجين التاني و سديت الجناب مزيان
    و زينتها بشوية العجين و دهنتها بصفار البيض
    و درتها تطيب كتجي رطبة لان عجين 10 دقائق صراحة روعة بزاف



    ما ننسى واحد الطورطة بلباط بريزي
    سرحتها في المول و تقبتها و حطيت عليها تفاح مقطع رقيق بزاف و دردرت عليها شوية سنيدة و دخلتها تطيب
    من بعد خويت عليها لكريم باتسيير و زينتها بالبنان مقطع و شوية الخوخ
    و دهنتها بالكونفتير بالمشماش طايب مع شوية الماء و مصفي



    تفضلو مرحبا بيكم مع واحد طبق ديال ورق العنب محشي

  • #2
    ماشاء الله 20 مشاهدة و لا رد واحد شكرا لكل الاخوات على تشجيعهم

    تعليق


    • #3
      tbarakllah alik okhti alllah ya3tik saha radi njarabhoum nchallah

      تعليق


      • #4
        تبارك الله ماشاء الله الحداكة و البنة باينة ان شاء الله دايزها الكلام ....سمحيلي مفهمتش مزيان العنوان ؟؟؟واقيلا اختي شمالية؟او لا

        تعليق


        • #5
          okhty tbarkallah 3lik majhoud tistahelin nchakrouk 3lih
          walaki, ya okhty khobez torteya kiji bi dra machi bi d9I9 forss

          ida konti tibghi t3mli nit tortya mexicaine
          merci beaucoup

          تعليق


          • #6
            تبارك لله عليك الزين
            مشكوووووورة والله يعطيك الف عافيه





            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            شاركي الموضوع

            تقليص

            يعمل...
            X