إعـــــــلان

تقليص
لا يوجد إعلان حتى الآن.

حلويات ماما الحبيبة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلويات ماما الحبيبة

    حلوة اللوز مزوقة بالمنقاش
    حلوة الكوك
    حلوة نسكافي و الشكلاط
    بقلاوة باللوز
    الملوزة

    بليغة بالزنجلان
    بريوات باللوز
    حلوة التمر
    كعبة
    حلوة اللوز

    انا حطيت ليكم المقادير ديال كل حلوة والصور لي حطيت ليكم حاليا هما لي كانو عندي في التيلفون حيت ماما كتخدم الحلوة لكاين شي عراسات و لا سبوع المهم لي بغا الحلوة او هاد الصور عندي شي شهرين هادي و مصورتش معاهم الطريقة الاشي وحدين و منين تعاود ماما تصاوبهم ان شاء الله نعاود نحط ليكم غير الصور اتفقنا :)
    حلوة اللوز مزوقة بالمنقاش

    نفس العجينة و العقدة ديال الكعبة و الطريقة راها بالصور و منين تطيب سقيها بالعسل وديريها فكويغطات

    حلوة الكوك
    400غ كوك
    400غ سنيدة
    6 ابيض البيض
    2 م ك كوفيتير
    فواكه معسلة للتزيين
    الطريقة
    نضرب بيض البيض بالضراب الكهربائي حتى يدير الرغوة وعاد زيدو عليه سنيدة بشوية بشوية مع التضراب حتى يولي كالميرانغ ثم نزيدوليه الكوك و الكوفيتير ونحلطو بمعلقة العود ثم هزي شوية ديال الخليط و ديريه في الجيب الحلواني ولا بقا تهزي غير بالمعلقة ولك الاختيار وديري الحلوة في لاطة مدهونة بالزيت و مرشوشة بالطحين و ديريها تطيب و بالصحة و الراحة

    حلوة نسكافي
    المقادير

    5ةةغ زبدة لذة
    4 م ك سكر كلاصي
    نصف خمارة اديال
    4 خنيشات نسكافي
    كيلو طحين تقريبا

    الطريقة

    تخدمي الزبدة مع القهوة مزيان حتى تذوب و زيدي السكر و الخميرة و الطحين حتى تحصلي على عجينة يسهل بسطها بالمدلك تدلكي العجينة بالمدلك حتى يبقى فالسمك ديالها 1 سنتيمتر ثم قطعيها بمرشم دائري ونديروها في لاطة تطيب و منين تطيب نغطسوها في شكلاط ذايب ونحطوها فونديرو فوق ميكة ونديرو فوقها نقطة ديال شكلاط ابيض و فوقه لوزة وكل وحدة تزوقها كيف ما بغات.

    بقلاوة باللوز
    المقادير
    نفس عجينة الكعبة

    الحشوة
    لوز مصلوق و محمر و مطحون
    6 م ك سكر كلاصي
    4 م ك زهر
    شوية القرفة

    الطريقة
    دلكي العجينة بالمدلك و ديريها في لاطة مدهونة بالزيت ثم ديري فوقها الحشوة و ديري فوقها العجينة تكون مطلوقة بالمدلك ودهنيها بالزيت و الزبدة مخلطين ثم قطعيها بسكين مربعات و غرسي فكل مربع لوزة و ديريها تطيب و منين تخرجيها من الفران سقيها بالعسل و ديريها فكويغطات

    الملوزة

    المقادير
    كيلو لوز مصلوق و مقشر و مطحون مع 500غ سنيدة
    قشور حامضة محكوكة
    5 دراهم مسكة حرة
    3 م ك زهر
    4 او 5 بيضات خصها تجي شوية رطبة باش تشقق
    2 خمارات اديال
    2 م ك عسل باش تحمر بزربة

    الطريقة
    خلطي المقادير كاملين وديريها على شكل غريبة وديري الوجه ديالها فسكر كلاصي مزيان(سكر كلاصي طحنيه مزيان فطاحونة ديال العطرية هادا هو السر ديال ماما باش كيبقا سكر كلاصي شاد فالغريبة) وديريها في الفران لتحت باش تشقق غير تشقق تلعيها لفوق و الفران يكون عافية مهيلة

    ودعيو معا ختكم باش ربي يكملي زواجي بخير و على خير و متنساوش ماما حتى ربي يفرجها عليها

    بليغة بالزنجلان
    المقادير

    250غ فورص
    250غ زنجلان مغسول و منقي و محمر
    كاس ماء الزهر
    2 بيضات
    الطريقة

    نخلط الزنجلان و الدقيق و ماء الزهر و البيض جمعيها مزيان دلكيها بالمدلك تتولي رقيقة ثم قطعيها مربعات و ديريها على شكل بليغة و قليها فالزيت سخونة و طفيها فالعسل

    البريوات

    نفس عقدة اللوز ديال الكعبة
    الورقة

    الطريقة راها بالصور


    حلوة التمر
    مقادير العجينة
    250غ الزبدة
    2 كيسان صغار ديال سكر كلاصي
    2كيسان صغار ديال الزيت
    2 بيضات
    كاس من الياغوت فاني
    2 خمارات اديال
    الطحين الكافي للخليط

    الحشوة
    التمر المعجون تزيدي عليه شوية القرفة ويمكن ليك تزيدي معاه شوية ديال اللوز مصلوق و محمر في الفران و مجروش

    الطريقة
    تخدمي الزبدة مع السكر جيدا و تزيدي عليهم الزيت و البيض و الياغورت و الخميرة و الطحين شيئا فشيئا حتى تحصلي على عجينة متماسكة ثم ديري منها كويرات صغار و تبسطهم بيدك و ديري وسطهم كويرة صغيرة ديال تمر و تجمعي العجينة بيدك على شكل كويرة وديريها في الملعقة المخصصة لهذه الالحلوة باش تاخذ الديكور ديال المرشم و من بعد نقريها فوق المائدة باش تطيح الحلوة ديريها في طاوة مدهونة و دخليها للفران تطيب ومنين تخرج مرمديها في سكر كلاصي و هي سخونة .كتجي روعة في المداق و كذوب في الفم.
    راني حطيت ليكم الصورة ديال المعلقة باش صاوبت هاد الحلوة

    الكعبة
    مقادير العقدة
    كيلو د اللوز مصلوق و مقشر
    450غ سنيدة
    5 دراهم مسكة حرة ديال العبار وطحنيها مع شوية ديال سنيدة باش تولي غبرة ومتاخدوش هاديك لي فالخنيشات حيت هاديك غير صالبان
    125غ زبدة مدوبة
    شوية الزهر

    العجينة

    500 الفورص ديال الحلوة
    100غ الزبدة لذة
    2 م ك زيت
    م ك العسل
    شوية الملح
    ماء الزهر حتى تجمع العجينة خصها تجي متماسكة باش كتجي واقفة الكعبة و الطريقة راها بالصور

    حلوة اللوز

    نفس العجينة و العقدة ديال الكعبة والطريقة راها بالصور ومنين تطيب سقيها بالعسل وديريها فكويغطات

    تتمة صور الحلويات
    الملفات المرفقة

  • #2
    مشكوووووور والله يعطيك الف عافيه












    تعليق


    • #3
      tbarkalah 3la mamakallah ikhaliha lik o tchofak 3rosa incha allah

      تعليق


      • #4
        ربي يخليك الزين شكرا هلى مروركم

        تعليق


        • #5
          حلويات غزالة الله يعطيها الصحة و يخليها لك
          ممكن اختي تنزلي انا المقادير الله يعطيك الجنة

          تعليق


          • #6
            ربي يخليك اختي واخا الزين حتى الغد ان شاء الله دبا مشغولة غير نزلت الصور اوكي الزين

            تعليق


            • #7
              تبارك الله
              بغينة الطريقة
              و شكرا

              تعليق


              • #8
                شكرا على المرور ديالكم غدا ان شاء الله نزلكم المقادير

                تعليق


                • #9
                  تبارك الله عليك كلشي زوين.الى كان ممكن اختي تعطينا المقادير

                  تعليق


                  • #10
                    تبارك الله عليك وعلى ماماك هادشي رائع ممكن اختي تحطي لينا المقادير والطريقة

                    تعليق


                    • #11
                      راااااااااااااااااااااااااائع اين المقاديييييييييييييييييييييييييييييييييييييييييييييييير
                      :s8476:

                      تعليق


                      • #12
                        مشكوووووور والله يعطيك الف عافيه

                        تعليق


                        • #13
                          مشكوووووور والله يعطيك الف عافيه

                          تعليق


                          • #14
                            غدا ان شاء الله نحطلكم المقادير
                            وشكرا على المرور ديالكم

                            تعليق


                            • #15
                              حلويات رفيعة عفاك عتقينا بالمقادير الله يخليلك ماماك ويرزقها الصحة والعافية

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X