حلوة غزالة لعيد الفطر من مطبخ سفيرة الأناقة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلوة غزالة لعيد الفطر من مطبخ سفيرة الأناقة

    بسم الله الرحمن الرحيم
    اللهم صل على محمد وعلى آله وصحبه أجمعين
    السلام عليكم ورحمة الله وبركاته
    كيف عاملين وجدتو شي حليوات العيد حايرة ومعرفتي مديري حلوة اقتصادية والمداق رائع وساهلة في التحضير متتاخدش الوقت بزاف وديكور جديد ورائع وهي من حلويات امينة سامي الله يطول لينا في عمرها انا سميتها حلوة قنية :p تتشبه لأرنب هههه

    المهم ندوز للمقادير

    -250 غ زبدة
    -250 غ سنيدة
    -كاس العنبة ديال الزيت
    -4 بيضات
    -خمارة
    -فاني
    -قرصة ملح
    -طحين الفورص الممتاز مغربل / حسب الخليط
    *التزين*
    شكلاط اسود
    وعقيق الملون يستحسن يكون فلون واحد اي بحال لون النقرة
    ورقائق الوز

    *الطريقة *

    نخلطو مزيان الزبدة وسنيدة حتى تولي بحال كريم خدميها فالقصرية بيديك تتحسي بسنيدة دابت تم نظيفو الزيت والبيض وحدة وحدة ماشي دقة وحدة تضيفي البيض البيضة لي ضفتي حركي بديك وعاد زيدي الاخرى ت الفاني وقريصة الملح و الطحين والخمارة شوفي اختي العجين تكون ماقسحة مامرخفة تكون شادة راسها مع العجين تتجي لينة انا فرشت السولوفا التحت وغطيتها بيه وسرعتها بالدلاك بهاد الشكل

    تم بديت نطبع


    وشديت الطاوة دهنتها بالزيت غير شوية وسخنت الفران مزيان ودخلتها ليه


    حظي معها باش محمرش بزاف تبقى بيضة

    وفاش نكملو الطياب ديالها نحطوها فشي طبسيل ونبداو التزين


    ناخد الشكلاط ندير وا فحمام مريم وشوية الزيت حتى يدوب ونبدا نغطس غير نصف الحلوة بهاد الشكل

    نهزها شوية تسقطر من الشكلاط


    ونشد بلاطو ولا طابلة كبيرة وندير ليه سولوفان ونبدا نحط الحليوة ومباشرة التزين نحط 2 بيلات مقاربين شوية ونشد رقائق اللوز نخالفهم بحال لي فالصورة العملية ساهلة

    وهاهي وجدة
    هالشكل النهائي ديالها


    اما *الملاحضات* ضروري منها باش الاخطاء لي وقعنا فيهم حنا تجنبوهم انتما
    حداري تقولي ندير شي 3 فالشكلاط عاد نبدا الزواق راه الا نشف شوية الشكلاط ميشدوش دوك البيلات ورقائق اللوز :confused: من الاحسن لي غطستيها زوقيها
    بالصحة والراحة
    اوى كيف جيتكم انا والقنية ديالي ههه :o





  • #2
    أللا تبارك الله عليك مللي درتيها مزيان ما عندما ما نقولو

    تعليق


    • #3
      السلام عليكم ورحمة الله وبركاته سبحانك اللهم وبحمدك ، أشهد أن لا إله إلا أنت أستغفرك وأتوب إليك

      تعليق


      • #4
        تلميدتك اختي امينة والله اختي حتى افتاقدناك غبرتي علينا نزلي لينا الجديد اختي وبرعينا الله يسهل عليك شكرا لك اختي




        تعليق


        • #5
          nadia270 مرورك اسعدني شكرا لك




          تعليق


          • #6
            تبارك الله عليك وعلى الغالية أمينة

            تعليق


            • #7
              المشتاقة الى الفردوس شكرا على المرور والله يبارك فيك وفي الاخت امينة




              تعليق


              • #8
                تبارك الله عليك

                تعليق


                • #9
                  sigpic

                  تعليق


                  • #10
                    تبارك الله عليك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X