البسيس على الطريقة السوسية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البسيس على الطريقة السوسية

    هاد الوصفة كنقدموها غالبا عند الإحتفال بالأعراس ملي كنزورو العروسة ف الصباحية، وفي إمكان كل سيدة أنها تعملو ف البيت ديالها وكيعجب الأطفال بزاف وعلى فكرة هو صحي والكل كيعرف الفوائد ديال حبوب الشعير .
    نبداو على بركة الله :
    كتاخدي سيدتي حبوب الشعير كتغسليه وتنقيه ثم كتعمليه ف طنجرة كبيرة مع إضافة الماء الكافي وتسلقيه . ومن بعد تشمسيه ف السطاح .
    ملي ينشف مزيان كطيبيه ف المقلة حتى يتحمر وإلى المطحنة، ملي تجبيه مطحون لك الإختيار تغربليه أولا تخليه بالنخالة ديالو .
    إليك سيدتي الوصفة ديال البسيس :
    المقادير :
    دقيق الشعير لي وجدنا
    الزبدة بلدية أو العادية
    العسل
    اللوز للتزيين إختياري
    في إناء كتوضغي القدر الكافي ديال الطحين وتدوبي الزبدة وتبداي تعجني بها الطحين مزيان يكون شويا ناشف مايكون جاري وعينك ميزانك، كتضيفي عليه العسل حتى يتعقد الخليط وتسرحيه ف تبصيل وزينيه بحبات اللوز أو الجوز وإلى الثلاجة ملي يعقاد قطعيه مربعات، وعمري معاه شي براد ديال أتاي مشحر وبالصحة والراحة . قدميه للضيوف وأما متأكدة غادي يعجبه.
    إوا قبلوا عليا .

  • #2
    tbarkalah 3lik fkartini fih allah ijazik b alkhir hta hna kandiroh bzaf f anhar 3 sabahiya

    تعليق


    • #3
      باسم الله الرحمان الرحيم
      الخيراد اميم اكميسربح ربي ايللي .

      تعليق


      • #4
        تبارك الله عليك أختي الله يعطيك الصحة أنا فايت لي كليت هاد البسيس عند واحد السيدة راه غزال.

        تعليق


        • #5
          اول مرة كنسمع بهده الوصفة واكيد غادي يكون لديد،لكان غير كانو الصور
          الله يعطيك الصحة وتبارك الله عليك

          تعليق


          • #6
            أكم إسامه ربي إني أمين , تسكتيتاغتيد مآنشك أيداس كيغ









            تعليق


            • #7
              تبارك الله عليك


              تعليق


              • #8
                ماشاء الله عليك حبيبتي وصفة جيدة سبق لي وتذوقتها حقا انها لذيذة
                كانت تحضرها لنا واحد السوسية صحبة ماما الله يرحمها -اعني امي-
                ذاك السوسية الله يطول في عمرها ويخليها لوليداتها ووليدات وليداتها
                مشكورة اختي على الطبق الله يجازيك كل خير

                تعليق


                • #9
                  sigpic[IMG]https://fbcdn-s

                  تعليق


                  • #10
                    شكرا لكن أخواتي على الردود والله إلا شجعتوني حيث كانت هادي أول مساهمة لي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X