حلاوياتي ديال العيد متجدد باذن الله للانيقات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلاوياتي ديال العيد متجدد باذن الله للانيقات

    السلام عليكم و رحمة الله تعالى و بركاته انيقاتي
    كيدايرين لاباس عليكم ان شاء الله تكونو فاحسن الاحوال يا ربي امين
    يلاه بديت حليوات ديال العيد و قلت نشارككم بيهم اخواتي
    و ان شاء الله يكون الموضوع متجدد فين مادرت شي حاجة غادي نزلها باذن الله

    على بركة الله الحلوى الاولى غادي نحتاجو ليها

    التمر ممسوح بمازهر

    لوز مقلي
    كوكو محمر
    شكر كلاصي
    شوية دالقرفة
    م زبدة ذايبة

    شكلاط ذايب

    اذن كنطحنو كوكو محمر و اللوز مقلي و القرفة و سكر كلاصي و نضيفو عليهم للزبدة حتى يتجمع لينا اللوز

    نعمرو به التمر ندخلوه للثلاجة يشد راسو



    ثم نغطسوه فالشكلاط و نديرو عليه شوية دكوكو و ندخلوه للثلاجة

    هاهو منين وجد بالصحة و الراحة
    غير واحد النصيحة اخواتي الل غادي تستعملو حليوات دالشكلاط من الافضل من مورا ماينشفو ديرهم فبواطا دالبلاستيك ونسدو عليهم و ندخلوهم للثلاجةلو الشكلاط كيحتاج 3 ايام باش ينشف و مايبقاش يدوب بسرعة
    اما الا كنتو غادي تستعملو بديل الشكولا فهو كينشف داك الساعا و مايحتاجش للتلاجة



    الحلوة التانية هي سابلي لي سبق و حطيتها ولكن هاد المرة دخلت عليها نكهات بالاضافة لعجين اللوز
    اذن على بركة الله غادي نحتاجو

    150 غ زبدة فحرارة المطبخ
    90 غ سكر كلاصي
    بيضة مخفوقة
    250 غ طحين او اكثر على حسب نوعية الطحين

    روح اللوز فرمبواز فاني






    اذن على بركة الله نطربو الزبدة و السكر كلاصي لا بغينا نضيفو تقريبا ربع كاس صغير زيت ثم نضيفو بيضة مخفوقة و نكملو التطراب
    ثم نغربلو الطحين و نبداو نضيفوه بشوية بشوية






    منين نجمهو العجين نقسموه على 3 و نضيفو النكهات ديالنا

    نعجنو شوية ثم نديروه فبلاستيك غذائي و ندخلوه للثلاجة لمدة 30 دقيقة

    ثم نخرجو لعجين و نطلقوه بالمدلك و نقطعو الاشكال لي بغينا
    ندخلوه للفرن متوسط الحرارة حتى يطيب
    نوجدو عجين للوز
    150 غ لوز مسلوق
    150 غ سكر كلاصي
    قطرات من روح اللوز
    م زبدة ذايبة او م ك شراب للذرة corn syrup


    نطحنو جميع العناصر حتى تكون عندنا عجينة بحال هاكا

    نطلقوها بالمدلك و بنفس المقاطع لي قطعت بيهم لحجين دالسابلي
    نقطعو عجين اللوز

    اذن ناخدو قطعة سابلي
    نديرو شوية دالكونفيتير او شكلاط او نستلي

    و نديرو القطعة دعجين اللوز من فوق

    انا هنا ستعملت البودراللامعة فوق من عجين اللوز

    نتمنى تعجبكم و ان شاء الله نزلاشكال اخرى فنفس الصفحة فالعشية
    في امان الله

    حلوة بالشكلاط
    المقاديرعلى بركة الله
    لوز مقلي
    سكر كلاصي
    زبدة فحرارة المطبخ
    م عسل

    كورني ديال لاكلاص مهرمش
    شكلاط لتفنيد

    اذن على بركة الله نطحنواللوز و شكر كلاصي و كورني

    نضيفو العسل والزبدة

    نديرهم كويرات و نخليوالخليط مرخوف شوية
    ندخلهم للثلاجة يشدو راسهم شوية

    ندوبوالشكلاط ونفندهم فيه
    نزوقهم بالشكلاطا لابيض وهاهما بالصحة والراحة

    فقاص

    150 غ لوز
    200غ زبدة
    150 غ زبيب
    ربع كاس مازهر
    2 بيضات
    125 غ سنيدة اوحسب الذوق
    2 م خميرة دالحلوى
    الطحين حسب الخليط مابين 400 تال 500 غ

    على بركة الله نطربو الزبدة و سنيدة

    نضيفو البيض و نطربو

    ثم نضيفو اللوز الزبيب ومازهر

    ثم نبداونضيفوالطحين بشوية بشوية

    ومانساوش لخميرة

    لعجينة ماتكونش قاصحة
    نديروها حريبلات

    ندخلوها للفرن تقريبا 20 دقيقة او حتى تبان لينا تنفخات

    نخرجهم من الفران يبردو شوية و نلويوهم فبلاستيك غذائي و ندخلوهم للثلاجة حتى يبردو مزيان

    نقطعوهم بالشكل لي بغينا

    ندخلوهم للفرن يتحمرو
    بالصحة و الراحة
    ماتنساونيش من صالح دعائكم
    في امان الله
    [/QUOTE]

  • #2
    تبارك الله عليك وماشاء الله وربي يدومها عليك نعمة يا أغلى أنيقة
    [IMG]http://up.hawaaworld.com/up/sites/up.hawaaworld.com/files/links/178f142c53fec2b59e249c721799b18b.jpm"][/URL] [/CENTER]
    [

    تعليق


    • #3
      ربي يخليك الحبيبة نورتيني بطلتك الجميلة والله
      شكرا جزيلا لك
      [/QUOTE]

      تعليق


      • #4
        الله يعطيك الصحة

        تعليق


        • #5
          المشاركة الأصلية بواسطة هدى_00 مشاهدة المشاركة
          الله يعطيك الصحة
          شكرا جزيلا لمرورك الجميل اختي بارك الله فيك
          [/QUOTE]

          تعليق


          • #6
            حليوات غزالين. تبارك الله عليك احبيبة. ننتظر المزيد . الله يعطيك الصحة







            تعليق


            • #7
              تبارك الله عليك
              هاد الشي غزااال
              شهيتيني

              تعليق


              • #8
                rezaline lah ye3etike seha

                يرجى الكتابة بالاحرف العربية اختي و شكرا جزيلا لك
                sigpic




                تعليق


                • #9
                  تبارك الله عليك وماشاء الله

                  تعليق


                  • #10
                    شكرا لك وتبارك الله عليك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X