اجيو الغزالات تشوفو حليواتي ديال العيد عواشركم مبروكة تفضلو مرحبا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اجيو الغزالات تشوفو حليواتي ديال العيد عواشركم مبروكة تفضلو مرحبا

    السلام عليكم اخواتي الحبيبات
    ان شاء الله تكونو بخيروعلى خير انتوما والاسرة الكريمة وان شاء الله تكون من الفائزات بهاد الشهر الكريم
    انا جيت وجبت معايا طبيسلات الحلوة الي وجدت هاد اليومين وان شاء الله الحلوة الي باقي ما عدلت نزلها ليكم ملي نعدلها ادا كتاب ناوية نزيد 2 شكيلات د اللوز وديال السابلي ان شاء الله نقدر نعدلها ونوريهالكم
    المهم باش ما نطولش عليكم
    هادي هي حلوتي ما تدققوش ف الفنيسيون ههههههههه راه غير بالزربة على حسب الوقت










    شكرا اخواتي على اردود الطيبة والله يزين ايامكم ويخليكم ليلي
    المهم ان شاء الله نزل المقادير ملي نسالي لاني دابا مشغولة شوية حتى ن اليل ان شاء الله ونزل كل مرة حاجة
    الاخت شيماء هانا الحبيبة المقادير ديال السابلي
    رباع كيلو الزبدة + رباع كيلو السكر نخدمهم مزيان نزيدو كاس الزيت و 3بيضات ممكن تنسميه بحامضة محكوكة او ساشي ديال فلان هاداك ديال الشينوس ههههههههه هاد البيسكوي عملت فيه 200 غرام اللوز مطحون بقشوره ممكن تستغني على اللوز ادا ماكانش موجود
    بعدا المرات كنضيف كاس صغير الكوك كيعطي حتى هو مداق مزيون
    المهم من بعد كنضيفو خميرة الحلوة والدقيق على حسب الخليط كتجي رطبة والعجين تكون خفيفة شوية
    ندردرو الدقيق فوق السطح ونطلق بالمطلق ونقطعها كيف بغينا اما دوائر او قليبات او على حسب المرشم الي بغينا
    وملي تطيب نلصقها اما بالكنغتير او الشكلاط او الكراميل
    هادي ملي خرجتها من الفران دردرت عليها السكر كلاصي عاد لصقتها بالكنفتير د التوت
    ممكن من بعدا تخرج تعملها الشكلاط الابيض وتزوقها بعقيق او بالشكلاط ملون بالملونات المهم الزواق على حسب الوجود

    طريقة اخرى كنعملها وكتعجبني ف المداق ادا ما فيا ما نزوق كنطلق العجين فوق السطح العمل وكنطرب البيض وندهنها بششوية البيض وندردر عليها الكوك مزيان وعاد كنرشمها وندخلها تطيب وعاود نجمع العجين ونطلق الي بقالي مرة تانية ونعمل نفس العملية وملي كتخرج كنلصقها بالكنفتير او الكراميل نسلي كتجي لديييييييييدة



    الحلوة البليغة والصريرة نفس العقدة ونفس العجينة ديال الكعاب
    العقدة نص كيلو اللوز مسلوق ومطحون مع رباع كيلو السكر وكنضيفو نص كاس صغير الزبدة دايبة و2 معالق كبار ما زهر وشوية المسكة ادا توجدت ورشة قرفة
    العجينة نص كيلو الدقيق و ملعقة كبيرة السكر كلاصي ونص كاس الزبدة دايبة ونص كاس المزهر وبيضة صغيرة
    بالنسبة للبليغة كنعملو قضيب العقدة وكنطلقو العجين ونعملو قضيب اللوز ونليوو العجين على القضيب ونلصقوه مزيان ونقطعوه معينات خص التقطيعة تكون مايلة نوقفو المعين وعاد نضغطو على واحد الجهة باش تجي فحال البليغة
    ونرشموها ونخليوها حتى الغدا عاد نطيبوها

    غادي نشوف الا كان شي صور نجيبها ليكم

    هاهي الصور جبتها ليكم فيها الشرح واضح








    صفحة الدروس الحصرية لفن الحلويات و الطرطات المناسبات
    http://www.anaqamaghribia.com/vb/sho...=443791&page=4



  • #2
    شكرا اختي تبارك الله عليك الله يخليك بغيت المقادير

    تعليق


    • #3
      تبارك الله عليك هادشي غزال الله يعطيك الصحة, ممكن اختي المقادير الله يخليلك كل ما اعز عليك














      تعليق


      • #4
        تبارك الله اختي الله يعطيك الصحة نزلي لينا الطريقة والمقادير

        تعليق


        • #5
          تبارن الله اعليك

          تعليق


          • #6
            ختي تبارك الله عليك
            عافاك بغيت مقادير السابلي الله يحفضك بالزربة

            تعليق


            • #7
              عيدك مبارك حلويات جميلة

              تعليق


              • #8
                تبارك الله عليك هادشي غزال الله يعطيك الصحة

                تعليق


                • #9
                  اختي المحترمة ممكن اعرف مقادير هده الحلويات

                  تعليق


                  • #10
                    حلوة الكموسة او الصريرة
                    كنطلقها بالمطلق ما تكونش رقيقة بزاف غلط من الكعاب كنفضل نقطعها مربعات بالناعورة حسن من الدوائر باش ما نبقاش نجمع العجين الي كيبقى ف جناب انا كنعملها مربعات وكنعمل الحشوة كويرة د اللوز ف الوسط وكنجمع لفوق باش تتشكل كموسة وكتبقى ليلة وكنتقبوها بالابرة ونطيبوها وملي تخرج اما نعلموها فالعسل او ندهنوها بالناباج

                    اما البريوات كنعمل 350 غرام اللوز مصلوق ومطحون و150غرام اللوز مسلوق ومقلي ومطحون
                    وشوية الزبدة والما زهر ونعملهم بريوات ونطيبهم ف الفران ونعملوهم ف العسل




                    صفحة الدروس الحصرية لفن الحلويات و الطرطات المناسبات
                    http://www.anaqamaghribia.com/vb/sho...=443791&page=4


                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X