حلوياتي لهدا العيد

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلوياتي لهدا العيد

    بسم الله الرحمان الرحيم حلوياتي لهدا العيد اتمنى ان تعجبكم ادا اعجبتكم واردتم المقادير فانا في الخدمة سامحوني فانا لا اجيد التعبير






















    وعليكم السلام ورحمة الله وبركاته الله يبارك فيكم بالنسبة لحلوة المرشم المقادير هي
    250غرام زبدة لدة
    2كيسان سنيدة
    كاس زيت
    كاس ماء الزهر
    2بيضات
    زلافة كبيرة جنجلان محمر+كاوكاو او لوزمحمر مهرمش+زبيب مقطع
    2خمارات
    دقيق حسب الخليط +سكر كلاصي للتفنيد
    نخلط الكل جيدا خاصها تكون مرخوفة باش تكون هشيشة نصنع منها كويرات > نرصها في لاطة مزيتة ثم نضغط عليها بالمرشم وتدخل الفرن متحمرهاش بزاف ملي تخرجيها تبرد شوية وتكتري ليها سكر كلاصي هاد المقادير مجربة واللهم
    مقادير الفقاض خديتها من عند واحدالاستادة تكون في النادي النسوي وانا واعود بالله من قولة انا كنديرو احسن منها بشهادة الجميع
    7بيضات
    2 خمارات
    زلافة صغيرةلوز مقطع
    كاس زبيب مقطع
    1/2زيت
    250غ سنيدة
    1/2 كاس ماء الزهر
    كيلو فورص مزيان
    الطريقة>نطرب البيض مع السنيدة جيدا نضيف الزيت مع الاستمرار في الخلط +ماء الزهر +لوز+زبيب+فورص واخيرا الخمارات >نغسل ايدنا تم ندهنها بالزيت وفي سطح املس او رخامة نبدء في تشكيل العجين مثل الكوميرات انا كنقسم العجين الى5 حيت عندي لاطة كبيرة كنحطوهم لاطة مزيتة كنقادهم مزيان باش نديرو نفس القياس ندخلوها فران سخون ؤنقص النار
    يتمر شوية ونزلوه اسفل ملي يشد راس كنخرج ونخليه يبرد
    من بعد كنقطع لبد ميتهرس شوية فتقطاع حمريه مكنحبش الفقاص البيض دخليه الفران مرة اخرىيتحمر شوية جربي نصف المقادير سمحو لي على الاطالة
    حلوة الكوك والسميدة
    خديت المقادير من كتاب نادية الجهري
    600غ سميدة رقبقة
    زلافة كبيرة زيت
    400غ سكر كلاصي
    500غ كوك
    8بيضات
    قشرة حامضة محكوكة
    2خمارت
    سكر كلاصي للتفنيد+ماء الزهر
    في قصرية نضع الكوك +السميدة+الزيت +الخميرة+الحامض >نخلطهم جيدا
    في انية اخرى كنطرب البيض+السكر كلاصي جيدا وهدا هو سر نجاح الوصفة
    نضيفه الى الخليط الاول الى متجمعاتش العجينة نضيف كاس فورص هدي من عندي
    كنفزك ايدينا بماء الزهر و نشكل كرات شوي صغيرة نفندو وجها في السكر كلاصي مزيان تصصف في لاطة عليها ورق الزبدة حيت كتلصف
    كنقص عليها النار كتحمر شوية

    مقادير حلوة الكوك او(ريشبوند) رائعة
    250غ زبدة ماركرين
    2كيسان زيت
    3بيضات
    قشور حامضة
    2 خمارات
    كيلو قورص
    250غ سنيدة
    للتزيين =كونفتير+كوك
    في قصرية ندلك الزبدة والسنيدة مزيان +نضيف الزيت +البيض + قشور حامضة
    نضيف الدقيق واخيرا الخمارات نصنع منها كويرات صغار حيت كتنفخ
    ونديروها في لاطة مزيتة
    ندهنوها بالكونفتير ونلصق كل جوج ونفندوهم في الكوك
    هاد اعجين صنعت من حلوة القلوب في الصورة
    كنسرحو العجين بالدلاك ثم نقطعه بمرشم القلب او اي مرشم ب3احجام
    نلصقها بالكونفتير +ندردرو عليها السكر كلاصي
    التزيين حسب الرغبة
    الملفات المرفقة

  • #2
    المشاركة الأصلية بواسطة مليكة بحدو مشاهدة المشاركة
    :s10532:بسم الله الرحمان الرحيم حلوياتي لهدا العيد اتمنى ان تعجبكم ادا اعجبتكم واردتم المقادير فانا في الخدمة سامحوني فانا لا اجيد التعبير
    عواشرك مباركة أختي بصحة والراحة راكي شهيتينا فيهم
    راه مكياين والو أنا مبان لي لا حلوة لا والو

    تعليق


    • #3
      لقد اخطءت ارجو مساعدتي بارسال مشاركتي لمنتدى الحلويات التقليدية

      تعليق


      • #4
        غزاااااااااااااااااااااااااااااااالين اختي الله يعطيك الصحة غير عتقينا بالمقادير الله يجازيك بخير وخصوصا الحلوة المشقة وديال المرشم والفقاص.

        تعليق


        • #5
          السلام عليكم ورحمة الله وبركاته
          تبارك الله عليك أختي .بلاطو مشهي.تسلم الأيادي

          تعليق


          • #6
            تبارك الله عليك
            الله يعطيك الصحة
            هدشي غزال ومتول
            يارب تحفظ دوك لديات

            تعليق


            • #7
              تبارك الله عليك
              الله يعطيك الصحة


              تعليق


              • #8
                المشاركة الأصلية بواسطة Um mayssoune مشاهدة المشاركة
                تبارك الله عليك
                الله يعطيك الصحة
                هدشي غزال ومتول
                يارب تحفظ دوك لديات
                الله يحفضك ويبارك فيك
                الملفات المرفقة

                تعليق


                • #9
                  تبارك الله عليك حبيبتي هاد الشي رااااااااائع ماشاء الله و لا قوة الا بالله
                  الله يعطيك الصحة

                  تعليق


                  • #10
                    tbarkalla h3lik khti, hadchi ghzal allah y3tik saha,, lmarjo magadir

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X