إعـــــــلان

تقليص
لا يوجد إعلان حتى الآن.

حلوياتي لعيد الفطر السعيد

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلوياتي لعيد الفطر السعيد


    oum hedayah
    9-13-2010






    أهلا أخواتي و عيد مبارك سعيد،ينعاد عليكم وعلى الامه الاسلاميه

    بالخير و البركه و السلام .

    هدا طبسيل حليواتي لعيد الفطر نتمنى يعجبكوم.









    نبداو على بركة الله مع المقادير والطريقة نتاع كل حلوة


    1-صابلي باللوز:

    خرجت منها 2 نتاع الشكيلات

    250g زبدة

    250g سكر

    4 صفار بيض

    1/2 كاس زيت

    1 سكر لفاني

    قبصة ملح

    1/2 م ص خمارة الحلوى

    دقيق حسب الخليط

    للتزيين:

    بياض بيض

    رقائق اللوز

    كورن فليكس مهرمش

    شكلاط ابيض واسود


    كنخدمو الزبدة مع السكر ولفاني مزيان كنزيدو صفار البيض والزيت وفي

    الاخير خمارة الحلوى،قبصة ملح والدقيق لييكفينا وخاص تكون العجينة

    لينة

    كنرشو الطاولة بالدقيق ونبداو نرشمو بالمرشم ونسدفوهم في لاطة

    الفرن والدوائر المثقوبة كندهنوها ببياض البيض ونرشوهم برقائق اللوز

    وندخلوهم الفرن

    منين يطيبو نخليو الحلوى تبرد وناخدو دائما الدوائر المثقوبة ونزينوهم

    بالشكلاط الابيض دائب ونخليوهم ينشفو

    من بعد نلصقوهم بالكونفتير

    اما الشكل الثاني قطعتو على شكل مربع ومنين طاب لصقتو بالكونفتير

    وغمست الجناب في الشكلاط اسود دائب وكورن فليكس وزينت وجهه

    بخطوط من الشكلاط






    2 حلوىبالتمر(لرشيدة أمهاوش):

    انا درت نصف المقادير

    500 كاوكاو محمر ومطحون

    500 من التمر

    310 دقيق

    200 gسنيدة

    4 خمارات حمرين

    250 زيدة دائبة

    للتزيين:

    شكلاط دائب

    كاوكاو محمر ومهرمش


    كنخلطو الكاوكاو مع الدقيق ،السكر،الخمارة والتمر(استعملت نتاع

    العلبة)مزيان ونضيفولهم الزبدة دايبة ونخلطو الكل مزيان

    كنفرغو الخليط في مول ملبس بورق الطبخ ونبسطوح مزيان بيدينا

    وندخلوه الفرن 180د حتى يتنفخ شوي ونخرجو المول من الفرن ونعاودو

    نضغطو عليه بالملعقة وندخلوه مرة ثانية مدة 15د

    نخليوه يبرد ونخويو عليه الشكلاط دايب ونرشو عليه الكاوكاو ونخليوه

    يبرد ونقطعوه

    كيجي رائع في المداق مكانش لي مخداش من عندي المقادير


  • #2
    الله بعطيك الصحة
    اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

    تعليق


    • #3


      3- صابلي باللوز وبتي فور:

      500غ لوز مفسخ

      250غ سنيدة

      شوي مسكة حرة

      1 م ك زبدة

      2 م ك ماء الزهر

      3 بيض

      قشور حامض محكوك

      بالنسبة للباط كنحتاجولها؛

      250غ دقيق

      125غ زبدة

      100غ سكر

      1/2 م ص خمارة حمراء

      1 بيضة

      للتزيين:

      شكلاط دائب

      ناباج


      كنطحنو اللوز مع السكر مزيان 2 مرات حتى كيولي رطب كنضيفولو الزبدة والمسكة الحرة والبيض

      وقشور الحامش ونخلطو مزيان ونوضعوه في جيب الحلواني ونوضعوه جانبا

      كنخلطو مقادير لباط مزيان كنورقوها ونقطعوها بمرشم ونوضعوها في لاطة الفرن ونزينو الوجه ديالها

      بوريدات من عقدة اللوز وندخلوهم الفرن

      واللوز ليشاط لينا كنديروه على شكر وريدات دائما بواسطة الجيب الحلواني ونزينوهم بالفواكه المعسلة

      او على شكل طولي ونزينوهم بحبات من اللوز وندخلوهم الفرن

      منين يطيبولنا الحلوات بزوج ندهنوهم مباشرة بالناباج ونزينو حلوة الصابلي واللوز بالشكلاط دائب على

      شكل خطوط

      تعليق


      • #4


        4- حلوى بالكاوكاو:

        العجين؛

        500غ دقيق

        1 م ك كونفتير

        قبصة ملح

        1 م ك سكر كلاصي

        1 بيضة

        125غ زبدة

        1 كاس ماء الزهر

        ماء حسب الخليط

        الحشو:

        عقدة نتاع الكاوكاو

        للتزيين:

        عسل

        سكر كلاصي


        كنخلطو مقادير العجين مزيان حتى كنحصلو على عجينة متماسكة

        ورطبة،نخليوها ترتاح مدة 20د

        كنورقوها وكنوضعو قضيب من عقدة الكاوكاو يكون شوي غليض ونلويو

        عليه العجين.نبسطوه شوي ونقطعوه على شكل مائل



        والشكل الثاني كنورقو العجينة ونوضعو وسطها قضيب رقيق من عقدة

        الكاوكاو ونلويو عليه العجين ونبسطوه مزيان(الطول ديالو يكون فيه 13cm

        والعرض تقريبا 2cm)ونقطعوه من الفوق بالسكين قطع بلا منوصلو للاخر

        ونبداو نلويوه على نفسو وغادى يعطينا شكل وردة





        كندخلوهم الفرن حتى يطيبو

        منين طيب الحلوى كنسقيو الوردات بالعسل والمعينات كنفندوهم في

        السكر الكلاصي

        واي استفسار انا موجودة.في امان الله

        تعليق


        • #5
          المشاركة الأصلية بواسطة الخالة نجاة مشاهدة المشاركة
          الله بعطيك الصحة
          العفو مشرفتي الله يسلمك ويحفضك
          وشكرا لمرورك الطيب

          تعليق


          • #6
            الله يعطيك الصحة مزيدا من التالق

            تعليق


            • #7
              تبارك الله عليك الله يعطيك الصحة

              تعليق


              • #8
                تبارك الله عليك اختي

                تعليق


                • #9
                  تبارك الله عليك عجبنى شكل الوردة مبتكر

                  تعليق


                  • #10
                    تبارك الله عليك




                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X