سيكار ديال كاوكاو روعة فالمداق

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سيكار ديال كاوكاو روعة فالمداق

    كيشرفني نشارك معاكم ألبنات و هدي أول مشاركة ليا و كنتمنى تشجعوني المهم بلا منطول عليكم حبتليكم 1 سيكار يستاهل دوقكم ألغزالات
    نبداو بالمقادير
    • اولا و هادا هو السر فالمداق الرائع ؛ الورقة ديال سوبر مارشى هديك لي كتباع فالبلاستيك و كتكون متقبة شوية.
    • كاوكاو مكلى ومقشر و مطحون .

    • شكلاط و كوك لالتفنيد.

    كناخدو كاوكاو و نضيفو شوية سكر كلاصي و غير شوية زيت باش يتجمع تم نديروه صبيعات تم من بعد نقطعو الورقة على شكل مستطيلات العرض ديالها 10 ستم و الطول 15 ستم تقريبا,نحطو صبيعات فى البداية ديال المستطيل نجمعو شوية الجناب و حنا كنلويو,نساليو نقليوهم فزيت سخونة ,من بعد نسقطروهم مزيان بلا ميبردو نغمسوهم فشكلاط دايب ف حمام مريم تم نهزوهم دغيا بلا ميشربو بزاف شكلاط نفندوهم فالكوك تم هاهوما يبردو و يكونو واجدين. سمحولي بزاف مدرجتش صور راني جديدة فالمنتدى و كيف كتعرفو و مريتو كلكم من هاد المرحلة ديال البداية وخصوصا الكتابة عتى كلافيي ديال العربية واخا هيا لغتنا و كنعتزو بيها ولكن االله يسمح لينا باقين مقصرين فحقها. بالنسبة للامقادير المضبوطة أنا كندير عيني ميزاني و ممكن تبداو ب ساشي 1 ديال الورقة و 1/2 كلغ كاوكاو .

  • #2
    زوينة ماشاء الله عليك اختي

    واهلا وسهلا بك معنا

    تعليق


    • #3
      تبارك الله عليك أختي ومرحب بيك بيننا نورتينا

      تعليق


      • #4







        تعليق


        • #5
          مرحبا بيك اختي معانا المنتدى نور
          وتبارك الله عليك اكيد غادي يجي لديد،مشكورة اختي
          والمرة الجاية نزلي المراحل مصورة باش نتبثو ليك الموضوع،وننتظر المزيد

          تعليق


          • #6
            شكرا على التشجيع و أكيد غادي ىدرج الصور انشاء الله وخا نعرف نصايب 1 اخر على قبلكم ألحبيبات لأنكم تستاهلو غير صبرو عليا شويا نسالي 1 لكوموند ديال 1 الناس كيف كتعرفو خاص الوحدة منا مقيدة بالوقت,غير سمحولي وصبرو معايا الله يخليكم

            تعليق


            • #7
              شكوووورة أختي تبارك الله عليك

              تعليق


              • #8
                تباك الله عليك باينة لديدة
                ننتظر الصورغي بلاتي عليك
                sigpic

                تعليق


                • #9
                  تبارك الله عليك الحبيبة .
                  بلا صور باينة زوينة و كتشهي.الله يعطيك الصحة و يجازيك بخيرات الدنيا و نعيم الجنة.
                  ننتظر جديدك بشوق كبير.

                  تعليق


                  • #10
                    تبارك الله عليك اختي الله يعطيك الصحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X