سابلي قشور الليمون بالزنجلان من كوزينتي بالصور كالعادة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سابلي قشور الليمون بالزنجلان من كوزينتي بالصور كالعادة

    تبث في 13/10/2010
    bent bladi



    السلام عليكم ورحمة الله وبركاته












    اليوم عنقدم ليكم سابلي ساهل ماهل


    و مقاديرو بساط و المذاق لذيذ
    بالنسبة للناس للي عزيز عليهم الزنجلان و اللمون طبعا:



    سابلي قشور الليمونبالزنجلان













    المقادير :





    200 غرام زبدة لينة
    150 غرام سكر ڭلاصي
    ملعقة فانيلا
    كنشري روح الفانيلا (غبرة ماشي السكر فاني) بالعبار احسن و نكهتها اقوى من الساشي
    2معالق كبيرة ماء زهر
    2 معالق كبيرة خل
    4 معالق كبيرة قشر الليمون محكوك رقيق


    بيضة واحدة
    15 سنتيليتر زيت
    500 غرام دقيق الحلويات الممتاز
    ملعقة كبيرة خميرة الحلوى
    ملعقة صغيرة مايزينا
    50 غرام زنجلان














    الطريقة :


    في إناء كنطربو الزبدة مع السكر ڭلاصي




    حتى الحصول على خليط كريمي ابيض



    ما يسمى پوماد




    ثم كنضيفو الزيت


    و كنطربو مرة اخرى

    ثم كنضيفو البيضة



    و نطربو الكل مزيان حتى يتجانس و يعطينا كريمة موس ثقيلة


    ثم نضيفو قشر الليمون




    و نخلطو الكل حتى يتجانس الخليط



    ثم نضيفو 2معالق كبيرة ماء زهر و 2 معالق كبيرة خل
    و نخلط



    ثم كنضيفو الدقيق المنخول


    بشوية بشوية



    مع الفاني و خميرة الحلوة و المايزينا ،





    و نستمرو فإضافة الدقيق



    بشوية بشوية




    مع العجن



    حتى الحصول على كرة متجانسة مكتلصقش فاليدين






    كنسخنو الفرن بدرجة حرارة 180°



    و كنبداو فتحضير السابلي



    كنحطو العجينة ديالنا على سطح العمل النظيف








    كنضيفو ليها الزنجلان




    و نعجنها حتى يتمازج معاها




    ملاحظة مضفتش الزنجلان فاول العجين باش ميشربش السوائل و
    يجي مندي
    كنبغيه يحافظ على طراوتو و يجي السابلي مڭرمل اكثر




    و كنطلقوها بالمدلك





    ثم كنبداو فتشكيل السابلي ديالنا باي شكل كتفضلو
    حسب المراشم للي عندكم




    انا عملتو بشكل شميسة

    و كندردر شوية زنجلان على كل قطعة



    وجدت الطاوة فرشتها بورق الزبدة



    و بديت كنستف فيها السابلي
    حاولو تهزوه بشي ملعقة او سباتيل
    باش يحافظ على شكلو و ميكونوش فيه طباع الصبيعات




    و دخلتو للفرن المسخن من قبل
    على درجة حرارة 180 °
    بين 10 او 15 دقيقة حسب السخونية ديال كل فران
    خليتها حتى بردات و ستفتها فعلبة حافظة





















    التقديم :






    قدموها بالصحة و الراحة



    اما بشكلها العادي او الى بغيتو تزينوها حسب الذوق






    كتجي هشيشة و و لذيذة بنكهة قشر الليمون و تڭرميلة الزنجلان















    ملاحظة :




    هاد المقادير كتعطيكم اكثر من نصف كيلو ممكن تضاعفوها لو بغيتو كمية اكبر
    ممكن تحتافظو بيها مدة طويلة
    فعلبة حافظة محكومة الاغلاق لو عملتوه بكمية كبيرة

    و ايضا ممكن بدل قشر الليمون تستعملو قشر الحامض
    حتى هو كيجي غزال
    و بدل الزنجلان ممكن تستعملو اي حاجة
    كاوكاو او لوز او كاجو او بيستاش او بندق او ڭرڭاع ...مهرمشين رقيق
    او حتى الشكلاط او النافع او حبة حلاوة ...
    يعني العجينة كتبقى واحدة و التنويع فالمنكهات
    حسب الذوق و المتوفر في كل مطبخ












    اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد


    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

    الله يرزقنا و إياكم خيرات الدارين و لا يحرمنا من طيبات الجنة و نعيمها

    دمتن في رعاية الكريم

    اختكن أمنــار

    أم ريـَّــان

    وعليكم السلام ورحمة الله وبركاته




    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    تبارك الله عليك اختي
    باين لذيذ
    sigpic
    عن أبي هريرة رضي الله عنه أن النبي صلى الله عليه وسلم قال
    (من أشد أمتي لي حبا ، ناس يكونون بعدي ، يود أحدهم لو رآني ، بأهله وماله)
    صحيح مسلم

    تعليق


    • #3
      تبارك الله عليك
      sigpichttp://hh7.net/

      تعليق


      • #4
        تبارك الله عليك
        sigpic

        تعليق


        • #5
          تبارك الله على مشرفتنا والبسكوي جا في وقتو،غادي ناخدلك هدا الطبسيل للكوطي هههه


          الله يعطيك الصحة

          تعليق


          • #6
            http://www.anaqamaghribia.com/pic/im...am2w5chxqm.gif

            تعليق


            • #7
              و عليكم السلام ورحمة الله وبركاته


              بارك الله فيكن جميعا حبيباتي

              كل باسمها

              ردودكن فرحاتني

              الله يفرح قلوبكم

              و يجزاكم عني خيرات الدارين

              على دعواتكن الطيبة ياطيبات


              الله لا يحرمني منكن




              ان غبت عنكم
              و ساغيب في يوم من الايام
              فاتمنى من العلي القدير
              ان يكون لي نصيب خير بما خطته يدي
              يصلني بدعائكم لي
              اينما كنت فوق الارض او تحتها


              أمنارAmanarre
              أم ريان و كاميليا
















              فهرس اطباقي المصورة (متجدد ان شاء الله)




              ترقبن جديد وصفاتي المصورة بإذن الله



              تعليق


              • #8
                had sabli zwin o sahel o ldid akid ghanjarbo tbarkllah 3lik

                تعليق


                • #9
                  تبارك الله عليك و الله يعطيك الصحة
                  http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

                  تعليق


                  • #10
                    ماشاء الله عليك تسلم يداك اختي امنارسابلي غزال وباين لذيذ غير من قواموا
                    تبارك الله عليك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X