إعـــــــلان

تقليص
لا يوجد إعلان حتى الآن.

ماكرون بالكوك بالصور طبعا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ماكرون بالكوك بالصور طبعا





    اش اخباركم لباس عليكم وكيعيدتو بخير،اوا بقي شي حولي ولا كملتوه

    هههه.بالصحة والراحة وعقبال العام الجاي ان شاء الله



    اليوم غادي نحط ليكم ماكرون كانت دوزتهم شميشة وجاو فنين وهده اول

    تجربة لي،اوا بلا منطول عليكم






    (انا درت غير نصف المقادير)

    300g سنيدة

    225g بياض بيض

    300g سكر كلاصي

    225g بودرة اللوز

    75g كوك

    الحشو:

    170g شكلاط ابيض

    60g كريم فريش

    60g كوك





    كناخدو ميزان الكتروني وكنشعلوه ونبديو نديرو بياض البيض





    من بعد كنضربوه بالضراب الكهربائي مع سنيدة حتى كيولي مورانك وشاد في راسو




    كنخلطو الكوك،بودرة اللوز والسكر كلاصي



    وكنضيفوهم على 3 مرات وهنا كنخلطو بسباتول غير بشوي باش

    ميحبطتش لينا بياض البيض





    كناخدو جيب الحلواني وكيكون عادي فيه 1cm،كنعمروه بالخليط



    وكنوضعوه في لاطة نتاع الفرن ملبسة بورق الطبخ على شكل دائري وكنبعدو بين كل وحدة ووحدة



    ونخليوهم يرتاحو حتى كيحبط الراس ديالهم(تقريبا 1/2 ساعة)

    كندخلوهم فرن مسخن من قبل على درجة 120د ونخليوهم حتى يطيبو تقريبا 20د

    (ضروري الفران يكون في المروحة باش ميجيوش مقرقشين من الفوق)





    كنحضرو الحشو:كندوبو الشكلاط على حمام مائي ونضيفولو الكريم فريش والكوك ونخلطو الكل





    هاهو شكل ماكرون من التحت كيف كيكون



    صافي كنلصقو كل زوج بالحشو ومنضغطوش عليهم بجهد باش ميتهرسوش

    ملاحظات مهمة:

    1 انا مدرتش كمية سنيدة كلها حيت كاين السكر بزاف،ضربت بياض البيض غير مع 2 م ك سنيدة

    2 والكوك من الاحسن يكون مطحون حيت جاباين في الماكرون


    نتمنى نكون فدتكوم ويعجبوكم راهم كيجيو لداد متشبعيش منهوم





    وصفار البيض ليبقالي درت بيه طارط بالحامض،غادي نحطها في قسم الطورطات والكيك


  • #2
    تبارك الله عليك والله الا صدقو ليك جاوك غزالين 5نجمات تستاهليهم

    تعليق


    • #3
      تبارك الله عليك اختي

      تعليق


      • #4
        ماشاء الله

        تبارك الله عليك

        الله يعطيك الصحه أختي

        وعيد مبارك سعيد

        تعليق


        • #5
          بسم الله ما شاء الله ماكرو دايزو الكلام عطاك الله الصحه دائما مميزه في وصفاتك










          عِندمَا تُمسكُ سَيفاً لِتقْتُلني ..

          إحذرْ أن يَجْرَح يَدُكَ فتُؤلمُنِي ..

          تعليق


          • #6
            تبارك الله عليك أختي صدقوا ليك غزالين الله يخلي ليك دوك الايديات



            تعليق


            • #7
              السلام عليكم
              تبارك الله عليك تطبيق ممتاز تسلم الايادي
              بغيت غير نسول اختي بالنسبة للفران بالمروحة واش ضو او غاز
              واش كتشعلي المروحة و الحلوة داخل الفران
              حيتاش بغيت نشريه و بغيت معلومات عليه و جزاكي الله خيرا
              سرعة الايام مخيفة!
              ما إن أضع رأسي على الوسادة إلا وأشرق نور الفجر..
              ما إن أستيقظ إلا وحان موعد النوم..
              تسير أيامنا و لا تتوقف !
              وأقول في نفسي : حقاً السعيد من ملأ صحيفته بالصالحات ..
              - والسؤال الذي أقف عنده بماذا ملئت صحيفتي !؟
              وهل أنا أسير للأمام أم للخلف !؟
              يا ترى ما هو وزني عند الله!؟
              أقف وأحاسب نفسي فالأيام تمشي بسرعة ولن يبقى إلا العمل الصالح
              فتن الدنيا تموج بنا والأحداث تتسارع من حولنا والأموات يتسابقون أمامنا..
              "
              " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

              تعليق


              • #8
                تبارك الله عليك اختي
                الله يعطيك الصحة و يجازيك بكل خير

                تعليق


                • #9
                  تبارك الله عليك مشرفتي
                  إن شاء الله نجربهوم





                  تعليق


                  • #10
                    الله يعطيك الصحة أختي بنت بلادي .الماكرون باين بنييييييين وكيذوب فالفم ممممممم شهيتيني فيه أختي
                    بالصحة والراحة عزيزتي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X