اللي بغات تسخن...... مقروط بحبة البركة ......الشانوج

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اللي بغات تسخن...... مقروط بحبة البركة ......الشانوج

    اخواتي العزيزات بغيت ليكوم الخير بتقديمي هاد الحلوة
    هاد المقروط مشهور عندنا في آسفي...... يا الله يا العيالات .....الحادكات راه البرد هادا
    انا صايبتو لولدي لانه عيا ما يصرط في الدوا والكحة ما بغاتش تفرق عليه وانا نشمر على دراعي وعاوني المساعد ديالي الشرعي يعني زوجي ......... هههههههههه

    ها المقادير
    - نص كيلو طحين فورص
    - نص كيلو سميدة رقيقة
    - كاس كبير سميدة غليضة
    - 2 كسان صغار زيت
    - كاس صغير جلجلان مطحون
    - شوية قرنفل مطحون تقريبا معلقة كبيرة
    - شوية ملح
    - شوية المساخن راهم عند العطار مطحونين تقريبا 3 معالق كبار
    - 1 كوزة محكوكة
    - معلقة كبيرة قرفة مطحونة
    - معلقة صغيرة سكين جبير
    - 100 غرام حبة البركة يعني الشانوج منقي ومغسول ومطحون
    - معلقة كبيرة خميرة الخبز
    - شوية الزعفران حر في كاس ديال ماء الزهر
    - قرعة صغيرة ماء زهر

    - 1 لتر زيت للقلي
    - عسل

    الطريقـــــــــــــــــــة
    نجبدو الاصالة والمعاصرة يعني القصعة ونديرو الزيت وكاس تاع الزهر والمقادير كلهم ونبدى نخلط
    مع الصلاة على النبيء وخدمي العضلات دليك .... دليك مرة مرة زيدي شوية ازهر حتى توقف العجينة تكون بحال عجينة المخرقة ثم عملى يا لالا كرصات صغار ..... كل كرصة سرحيها بالمدلك بحال المقروط العادي وبداي تقطعي بالموس معينات وحطيهوم في طاوة وملي تكملي يا لالا غزالي ديري مقلة
    كبيرة انا عندي مول كبير ديال الحلوى كبيت فيه لتر الزيت وملي حما بديت كنقلي واللي طابت كنرميها في العسل اللي وجدت حنى هو طيبتو جا غزال الا بغيتو المقادير حتى تزاوكو فيا عاد نكتبو ليكوم.
    وملي يبرد المقروط ويتصفى من العسل ديريه في طاوة بلاستيكية وعمليه في الفريكو
    لانه الا بقا على برا كاي ينشف ملي تبغيه جبدي منو شوية وردي الباقي
    خسارة عندي مشكل مع تحميل الصور.
    اوا بالصحة والراحة

  • #2
    تبارك الله و ما شاء الله عليك أختي ريحانة
    الله يعطيك الصحة.عجبني المقروط ديالك و لكن اللي عجبني أكثر هي روحك الطيبة ما شاء الله .طريقتك في وصف المقادير و الطريقة مميزة و كتبين على روح المرح .ربي يفرحك باللي تتمناي في خاطرك و يجازيك كل الخير على الوصفة .هادي ماشي حلوة هادي راها دوا و الله يشافي وليدك و يشافي جميع المرضى.
    شكرا بزاااف الحبيبة و ننتظر منك المزيد من الوصفات أللا الحادكة.
    يستحق التقييم

    تعليق


    • #3

      تعليق


      • #4
        تبارك الله عليك هدا ما يصلاح فهاد البرد الله يشافي وليدك وجميع مرضى المسلمين

        تعليق


        • #5
          ما شاء الله تبارك الله
          الله احفظ ابنك من كل شر
          اي مشكل عندك في التحميل ...رهن اشارتن للمساعدة


          وحي القبور

          http://www.anaqamaghribia.com/vb/sho...098&highlight=

          تعليق


          • #6
            شكرا اختي الله يعطيك الصحة









            تعليق


            • #7
              شكرا أختي على الوصفة وتبارك الله عليك
              الله يشافي ابنك ويعطيه الصحة والعافية وجميع المرضى إن شاء الله
              لا إله إلا الله محمد رسول الله

              اللهم لك الحمد والشكر يا رب العالمين
              اللهم إني استودعتك طفلي فاحفظه من كل شر وسوء إنك أنت خير الحافظين



              [IMG]
              [IMG]

              تعليق


              • #8
                اخواتي شكرا على مروركن الله يطول عمركم ويعطيكوم ما تمنيتو
                دابا نكتب ليكوم اسماء المساخن والطريقة والله الا كاي يسهل الله سبحانه
                ملي كاتخدهوم المرا في الخصوبة ديال الولادة وبالتجريب
                اوا غاديا نمشي نخدم تاني العضلات...... الى العجينـــــــــــــة........راكوم عارفين المغاربة عزيز عليهم الخبز
                اوا لهلا يخطينا طحيـــــــــــــــن

                تعليق


                • #9
                  تبارك الله و ما شاء الله عليك أختي ريحانة
                  الله يعطيك الصحة ويعفو ليك لى وليدك



                  تعليق


                  • #10
                    ما شاء الله عليك اختي تبارك الله عليك


                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X