إعـــــــلان

تقليص
لا يوجد إعلان حتى الآن.

ملف شامل لكيفية تحضير عجين اللوز,البرالين, عجين البيسطاش عجين.............

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ملف شامل لكيفية تحضير عجين اللوز,البرالين, عجين البيسطاش عجين.............

    السلام عليكم و رحمة الله
    ان شاء الله اليوم نقدم ليكم ملف خاص بكيفية تحضير
    عجين اللوز
    عجين البندق
    عجين البيسطاش
    برالين باللوز
    و كيفية تحضي طحين اللوز

    بالنسبة لهاد الملف من شحال هادي و انا باغا نحطو ولكن صراحة لان الوصفات لي كانت عندي هي كانت معقدة بزاف وكنت كنتردد دائما باش نحطها حتى لمؤخرا كنت كنبحث فالانترنت و لقيت مجموعة من الوصفات ساهلة و منين جربتها عجباتني النتيجة بزاف فقلت لا بد نحطهم ليكم
    كنشكر بالاساس الشاف لي خديت من عندو هاد الوصفات و هو فرنسي و حطيت الوصفات ديالو بعد اذنو طبعا

    اذن على بركة الله نبداو ب عجين البندق و سبق لي حطيتها فقط بغيت نخليها فهاد الملف باش يبقى شامل و مرجعية للانيقات
    على بركة الله غادي نحتاجو ل
    200 غ نوازيت بندق
    200 غ سكر كلاصي
    و ممكن تستعملوه حتى بدون سكرعلى حساب الحاجة
    اولا كنحمرو البندق فالفران
    و نزولو ليه القشرة ديالو



    و نديروه فالماكينة ونطحنو مزيان العملية كتاخد من 5 حتى ل 10 دقايق على حساب نوع الروبوت لي كتستعملو







    كنستمرو فالطحين حتى كيطلق البندق الزيت ديالو
    نخليكم مع الصور
    نوضعوه فقرعة دالزاج معقمة و نخليوه فالتلاجة
    [/QUOTE]

  • #2
    البرالين باللوز

    البرالين باللوز
    250 غ لوز بقشرتو
    130 غ سكر سنيدة
    2 م كبار ما



    اذن كنديروالسكر و الما فمقلاة و على نارمهيلة

    ثم منين دوب سنيدة ويبدا يغلي نضيفو اللوز



    و نبداو نحركو و نحركو حتى كيتحجر لينا السكراوبمعنى اصح كيتكريسطاليزا



    كنستمرو فالتحراك حتىكيبداالسكر كيتحرق و كيولي كرامل و بالتالي اللوزكيتحمر

    كنخدو ورق سلفيرزي وكندهنوه بالزيت و كنحطو فيه البرالين ديالنا تبرد



    منين كتبرد كنسروها









    و نديروها تطحن فالماكينةحتى كيطلق لوز الزيت ديالو و كتولي عجين
    ها هما الصور كتوضح المراحل

    بالنسبة للبرالين ممكن نخليوها غبرة ونستعملوها مع لا كريم فريش فالحلوى كتجي لذيدة او كنستعملوها كقاعدة مع مكونات اخرىفبزاف دالحلويات ان شاء الله نحطهم ليكم قريب
    [/QUOTE]

    تعليق


    • #3
      طحين اللوز او ما يسمى ب tant pour tant

      كيفية تحضير طحين اللوز او ما يسمى ب tant pour tant
      و لي كتدخل فتحضير العديد من الكيكات و الماكارون بصفة رئيسية

      اذن غادي نحتاجو ل 300 غ لوز مصلوق و ناشف مزيان
      انا شخصيا منين كنصلقو كنشفومزيان و نخليه يبات ليلة كاملة ففوطة و لغدا عاد كنشعل الفران على نار مهيلة و كنديرو ينشف تقريبا 10 حتى ل 15 دقيقة ولكن العافية تكون مهيلة بزاف

      من بعد كنطحنو فالطحانة دالوز حتى كيولي بودر بحال هاكا

      كنضيف عليه 300 غ سكر كلاصي كيخص تكون نفس الكمية


      و كنعاود نطحن مزيان حتى كيبان لينا راهو ولى غبرة





      كنغربلو فغربال يكون رقيق باش مايدزوش لينا الحبات لي ماطحنوش
      ها هو الطحين واجد
      و اللوزلي بقا فالغربال كنحتفظو به لاستعمالات اخرى ان شاء الله
      [/QUOTE]

      تعليق


      • #4
        عجين البيسطاش

        عجين البيسطاش

        125 غ بيسطاش
        70 غ سكر
        4 م ك دالما
        40 غ بودرة اللوز
        3 م ك زيت
        نقيطات من روح اللوز


        اذن كنحمرو البيسطاش

        و نديروالسكر و الما يغلي على نا مهيلة حتى يذوب السكر و يبدا يغلي الما

        نديرو البيسطاش فزلافة تكون مقاومة للحرارة و نضيفو السيرو ديالناو







        نبداو نحركوحتى يتكريسطاليزا بحال هاكا و نخليوه يبرد











        نطحنوه مع العناصر المتبقية اللوز الزيت و روح اللوز
        حتى يولي بحال هاكا
        [/QUOTE]

        تعليق


        • #5
          عجين اللوز

          عجين اللوز
          120 غ لوز مصلوق وناشف
          120 غ سكر سنيدة
          40 غ كليكوز
          ربع كاس صغير دالما
          ملون ابيض
          ملونات اخرى غذائية حسب الرغبة



          كنطحن الوز مزيان





          ندير السكر يغلي و الما و الكليكوز حتى تجانس العناصر لمدة 10 دقايق على نارمهيلة

          ندير اللوز المطحون فزلافة مقاومة للحرارة




          و نضيف عليه السيرو و نخلطو و نخليه حتى يبرد تقريبا 2 حتى ل 3 دالساعات او ممكن ديروه فالتلاجة
          ثم نديروه مرة اخرى تطحن و نضيفو الون الابيض

          كنضيفو اللون الابيض باش نحصلوعلى عجين لونو باهت باش حيت نضيفو الالوان الاخرى ما تتاترش باللون المصفر فاللوز


          ها هو منين وجد

          وهنا منين ضفت الالوان لي انا باغا
          [/QUOTE]

          تعليق


          • #6
            الله إجازيك خير الدارين أختي طريقة مبسطة و واضحة




























            تعليق


            • #7
              السلام عليكم ورحمة الله وبركاته
              ماشاء الله وتبارك الله عليك اختي ام هداية
              الله يجازيك كل خير حبيبتي على الشرح الرائع والمفصل هاد العجائن كنحتاجوهم في بزااف الوصفات الحلويات والتحضير منزلي احسن من الجاهز من ناحية المذاق وغادي يطلعوا لينا ارخص

              تعليق


              • #8
                ماشاء الله عليك الله يعطيك الصحة












                تعليق


                • #9
                  المشاركة الأصلية بواسطة riman مشاهدة المشاركة
                  الله إجازيك خير الدارين أختي طريقة مبسطة و واضحة
                  شكرا جزيلا حبيبتي بارك الله فيك
                  [/QUOTE]

                  تعليق


                  • #10
                    المشاركة الأصلية بواسطة didou86 مشاهدة المشاركة
                    السلام عليكم ورحمة الله وبركاته
                    ماشاء الله وتبارك الله عليك اختي ام هداية
                    الله يجازيك كل خير حبيبتي على الشرح الرائع والمفصل هاد العجائن كنحتاجوهم في بزااف الوصفات الحلويات والتحضير منزلي احسن من الجاهز من ناحية المذاق وغادي يطلعوا لينا ارخص
                    و عليكم السلام و رحمة الله تعالى و بركاته حبيبتي ديدو
                    الله يبارك فيك اختي و الله يجازيم بكل خير على مرورك الكريم
                    نعم اختي كيتقامو احسن و ارخص من ديال الزنقة واهم حاجة انهم طبيعين ومافيهم حتى شي مادة حافظة وبالنسبة لينا لي كنخدمو من الدار ضروري منهم حبيبتي
                    شكرا جزيلا لمرورك اختي
                    [/QUOTE]

                    تعليق


                    • #11
                      المشاركة الأصلية بواسطة souka26 مشاهدة المشاركة
                      ماشاء الله عليك الله يعطيك الصحة
                      شكرا جزيلا لك اختي
                      [/QUOTE]

                      تعليق


                      • #12
                        merci okhti

                        تعليق


                        • #13
                          تبارك الله عليك اختي

                          حسبي الله لا اله الا هو توكلت وهو رب العرش العظيم


                          اللهم اشفي ابني شفاء لا يغادر سقما

                          تعليق


                          • #14
                            تبارك الله عليك الله احفضك ويرعاك الله اجازيك

                            تعليق


                            • #15
                              شكرا لك اختي oum hidayah اطلب منك وريدات شي شكيلات بعجينة اللوز الله يجزيك بخير
                              sigpic

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X