إعـــــــلان

تقليص
لا يوجد إعلان حتى الآن.

عجين صابلي كنخرجو منه 4 اشكال

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عجين صابلي كنخرجو منه 4 اشكال

    االسلام عليكم انيقاتي بغيت نعطيكم واحد المقادير ديال صابلي كنت سمعتهم في اللقاء المفتوح شحال هدي وجربتهم وجاو غزالين ولاو هم المعتمدين عندي في الصابلي كنت حابة نزل الصور ولكن للاسف معندش الكاميرا
    نبداو بمقادير العجين
    كيلو الا ربع الزبدة انا كنستعمل اللدة اي 3 ديال الباكيات
    2كيسان العنبة الزيت
    2كيسان سنيدة
    3بيضات
    2خمارات الحلوة
    الدقيق حسب الخليط
    الطريقة
    نجمعو المقاديركلها ما عدا الخميرة وتكون العجينة خفيفة شوية المهم كيف كنعجنو الصابلي عادي نقسموها علي 4 ونحطو كل قسم في اناء .دبا ندوزو كل شكل بوحدو
    الشكل الاول
    غنحتاجو150غ اللوز افلي 2ابيض البيض 2ملاعق صغار القرفة
    كناخدو قسم من العجين نخلطو معاه القرفة ونصف باكية الخميرة الحلوة ونشكلوها بحال غريبة ندوزوها في ابيض البيض تم في اللوز افلي من نكملو ندخلوها الفران تطيب منحمروهاش بزاف تم ندهنوها بالعسل منالفق باش تج عاطية اللمعان
    الشكل الثاني
    كنخلطو قسم من العجين مع 4ملاعق ديال الكاكاو ونصف باكية خميرة الحلوة وندعكو مزيان ثم نشكلو كويرات في حجم الزيتونة نضغطو عليهم حتى نبسطوهم المهم نحصلو على داءرة صغيرة ورقيقة وندخلوهم يطيبو نردو البال دغيا كيطيبو من بعد نلاصقو كل 2بنسلي طايب كارميل ونخرجو شوية مع الجناب وندوزوهم في الفرمسيل بلالوان المنظر ديالها كيجي زوين
    الشكل التالت
    كنخلطو العجين مع كاس العنبة مخلط فيه شوية زنجلان واللوز محمر ومهرمش ونصف باكية خميرة الحلوة
    نشكلوها على شكل كعبات اي بحل الشكل ديال كعب غزال منكبروهمش بزاف ندخلوهم يطيبو تم ندوزو النصف ديالها في الشوكلاط دايب وكورنفلكس مهرمش وبعد ماينشف ندوزو النصف الاخر في سكر كلاصي راه المنظر ديلها كيجي راقي
    الشكل الاخير
    كنخدو الجزء لبقى كنزيدو ليه الخميرة لبقات ونشكلوه على شكل كويرات في حجم الكركاعة ندوزوهم في ابيض البيض تم في اللوز مهرمش اوكاوكاو مهرمش نحفرو في السط حفرة بالاصبع وندخلوها الفران غير شي 10د تم نعاودو نحفرو نفس الحفرات ونخليوها تكمل طيابها تم نعمرو ها بخليط الكونفتير هدا الخليط هو عبارة عن كاس منالمربى يكون جاري و2ملاعق سنيدة وشوية الملون احمر نغليوهم ونستعملهم
    سمحو لي الا طولت عليكم ولكن حاولت نشرح ليكم بالتفصيل وصدقوني راه كتخر ج كمية مهمة من كل شكل تبارك الله والصلاة على سيد المرسلين:s11556:


  • #2
    تبارك الله عليك الغزاااااااالة


    تعليق


    • #3
      الله يبارك فيك الحبيبة

      تعليق


      • #4
        تبارك الله عليك
        والله اعطيك الصحة
        باينة غادي تتجي واعرة
        ان شاء الله المرة الجاية تحطي لينا مواضيع بالصور
        شكرا
        strasbourg

        67













        تعليق


        • #5
          بالفعل راه كتجي غزالة شكرا عزيزتي لمرورك على موضوعي فور توفري على كامرا سوف انزل الصور ان شاء الله

          تعليق


          • #6
            تبارك الله عليك احبيبة اكيد غادي يكونو زوينين شكرا جزيلا للمشاركة وفانتظارالمزيد من عندك اختي
            [/QUOTE]

            تعليق


            • #7
              تبارك الله عليك

              تعليق


              • #8
                تبارك الله عليك
                يا رب ان عظمت ذنوبي كثرة
                فقد علمت ان عفوك اعظم
                ان كان لا يرجو لا محسن
                فمن ذا الذي يدعو المجرم

                تعليق


                • #9
                  تبارك الله عليك احبيبة اكيد غادي يكونو زوينين شكرا جزيلا للمشاركة وفانتظارالمزيد من عندك اختي

                  تعليق


                  • #10
                    ما شاء الله تبارك الله عليك









                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X