حلوى غزالة بمناسبة اللوك الجديد للمنتدى من عند ديدو

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلوى غزالة بمناسبة اللوك الجديد للمنتدى من عند ديدو



    ثبت بتاريخ 04-12-2009 ام الحلوين

    حبيباتي بعد غياب اعتبره طويلا بالنسبة لي عن قسم المطبخ عدت و معي هاته الحلوى الرائعة في المنظر وكذلك في المذاق اتمنى ان تنال اعجابكن و تكون الطريقة موضحة
    نبدأ على بركة الله المقادير والطريقة
    المقادير:
    العجين
    400 غ دقيق
    150غ من الزبدة المدابة
    قبصة ملح
    كاس ماء زهر
    فاني
    ماء دافئ عند الضرورة الا متجمعش ليكم العجين
    الحشوة:
    نصف كيلو اللوز
    250غ سنيدة
    بياض بيضة
    2 معالق من الزبدة
    نكهة الفريز
    ملون وردي او احمر حسب الموجود عندك
    يمكن ليك تبدلي اللون وحتى النكهة انت وذوقك
    الطريقة:
    للعجين:
    نخلط الزبدة و الدقيق و الملح و ماء الزهر نخلط جيدا حتى نحصل على عجين متجانس و رطب ثم ندلك العجين جيدا في حالة كان العجين مزال متجمعش ضيفي شوية الماء الدافئ ثم نديرو العجين في بلاستيكة ونخليوها ترتاح
    هاد العجين كنستعملها مع جميع حلويات اللوز حتى الكعب كنصايبو بنفس العجين
    الحشوة:
    نسخن الماء جيدااا ثم نكبوه على اللوز نخليوه 5 دقايق ونبداو نقشروه لانه كاين البعض كيعملو اللوز والماء فوق العافية باش يتصلق هاد الطريقة خاطئة كتغمل الحلوى دغيا
    من بعد منقشروه نسرحوه في بلاطو حتى ينشف مزيان
    ثم نطحنوه مزيان ونديروه في طاوة ونزيدو عليه السكر ثم نعاودو نطحنوه انا درت ليكم الطريقة باش تعرفو الطريقة الصحيحة ديال العقدة
    لما نطحنو اللوز نزيدو عليه 2 معالق ديال الزبدة لي تكون مرخية شوية+بياض بيضة +النكهة ونخلطو مزيان ثم نضيفو الملون
    دابا العقدة وجدات

    فوق طاولة مرشوشة بالدقيق نسرحوا العجين بالمدلك مزيان حتى تولي رقيقة بزاف الا كانت عندك الالة ديال توراق غادي تسهل عليك
    ثم من عقدة اللوز نعملو حربل طويل ورقيق رقيق باش تجيكم الحلوى مزيانة ثم نعملوه فوق العجين ونلويو العجين لوية وحدة على اللوز حتى يولي عندنا سكار طويل ثم نقطعو السيكار عن باقي العجين

    نبسطه قليلا ونعبرو بالمسطرة انا درت 17 سنتمتر باش يجيك القياس هو هاداك ديال الحلوى ماشي شي كبير شي صغير

    ثم بالسكين نعملو شريطات بحال الصورة
    ثم نلويو على راسها حتى تعطينا هاد الوريدة

    نترك الحلوى تقريبا 12 ساعة لانوا لما دخليها الفران تبقى على شكلها هاد الطريقة خاص تكون مع جميع حلويات اللوز لان اللوز كيتنفخ لما كتخليه مدة الحلوى كتحافظ ليك على شكلها
    لما نخرجوها من الفران ندهنوها بالناباج او تخليها هاكداك انت واختيارك
    نتمنى تكون الطريقة واضحة لاني كتبت بالتفاصيل باش تجيكم الحلوى هي هاديك
    بالصحة والراحة


    وهاد البوكي لاحسن واروع مشرفات مطبخ



  • #2
    [marq="2;right;2;scroll"]تبارك الله عليك أزين هاد شي زوين وراكي فنانة [/marq]
    [BIMG][link=http://pregnancy.baby-gaga.com/][image noborder]http://tickers.baby-gaga.com/p/dev114pr___.png[/image][/link][/BIMG]

    تعليق


    • #3
      بسم الله الرحمن الرحيم
      جزاك الله خيرا غاليتي ديدو منورة المطبخ و ما تغيبي عنا
      الله يعطيك الصحة


      وحي القبور

      http://www.anaqamaghribia.com/vb/sho...098&highlight=

      تعليق


      • #4
        السلام عليكم ورحمة الله تعالى وبركاته
        للا تبارك الله عليك الله يجزيك بكل خير رااااااااائعة ماشاء الله
        [/QUOTE]

        تعليق


        • #5
          المشاركة الأصلية بواسطة rahmato lah مشاهدة المشاركة
          [marq="2;right;2;scroll"]تبارك الله عليك أزين هاد شي زوين وراكي فنانة [/marq]
          الف شكر حبيبتي اسعدني مرورك انتي لي غزالة
          الله يبارك فيك ويحفضك

          تعليق


          • #6
            المشاركة الأصلية بواسطة ام الحلوين مشاهدة المشاركة
            بسم الله الرحمن الرحيم
            جزاك الله خيرا غاليتي ديدو منورة المطبخ و ما تغيبي عنا
            الله يعطيك الصحة
            الف الف شكر حبوبتي على المرور الرائع
            وشكرا على التثبيت لهلا يخطيك


            تعليق


            • #7
              تبار الله عليك الحادكة غزالة وتتشهي

              تعليق


              • #8
                المشاركة الأصلية بواسطة oum hedayah مشاهدة المشاركة
                السلام عليكم ورحمة الله تعالى وبركاته
                للا تبارك الله عليك الله يجزيك بكل خير رااااااااائعة ماشاء الله
                الله يبارك فيك الزين شكرا على المرور

                تعليق


                • #9
                  تبارك الله على الحادكة

                  تعليق


                  • #10
                    سيري يا فدوى الله يخليك لماماك وباباك راك تبارك الله عليك وخلاص راه قبيلة بنتي لي داخلة قلت ديدو ما تكون غير تتحط في شي حليوة الله يعطيك الصحة في لويداتك يالفنانة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X