مثلتات بالفواكه المعسلة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مثلتات بالفواكه المعسلة

    تبث في 28/04/09
    bent bladi





    هادي حلوة سهلة وسريعة التحضير وتتجي بنينة وزوينة فالمنظر :)

    وخا سمحوليا الصور غير واضحة لأني صورت غير بالويب كام

    المقادير
    250g زبدة
    250g سنيدة
    2 بيضات
    4 الى 5 ملاعق مربى المشماش
    نصف خمارة
    فانيلا
    نص كيلو الدقيق
    الفواكه المعسلة


    الكلاساج
    4البيضات
    250g سنيدة
    125g الكوك
    ملعقة كبيرة كاكاو (اختيارية)
    شوية ديال سكر كلاسي (للتزيين)

    الطريقة
    تنخلطو الزبدة مع سنيدة ثم البيض والدقيق ونصف خمارة,الفانيلا

    تنديروالعجينة فلاطا مفرشين فيها ورق الزبدة مدهون بالزيت ومرشوش بالدقيق( تندوزو الكف ديال يدينا فالدقيق باش تيجينا التكراص دالعجينة ساهل وما تلصقش لينا العجينة فاليد)

    تندهنو العجينة بالمربى



    تندردرو عليها الفواكه المعسلة


    بالنسبة للكلاساج تنفرقو أبيض البيض عن الأصفر وتنخلطو مع كل واحد نصف الكمية ديال سنيدة ثم تنضيفو الكوك والكاكاو لصفار البيض


    ثم تنضيفو بياض البيض مطلع وتنخلطو ببطء


    ثم تنفرغو الخليط فوق الفواكه المعسلة

    وتنديرو لاطا فالفرن
    منين تطيب الحلوى تنديرو فوقها سكر كلاسي تنخليوها حتى تتبرد وتنقطعوها
    وبالصحة والراحة



    هاد الجوج لأول وحدة ترد على الموضوع:p


  • #2
    السلام عليكم ورحمة الله وبركاته
    غير واحد فيه البركة الثاني نخليه اللي من بعدي
    تبارك الله عليك و الله يحفظك من كل سوء و يحقق ليك كل ما تمناي

    تعليق


    • #3
      يم يم يعطيك الصحة فين هي الحلوة ديالي انا

      تعليق


      • #4
        المشاركة الأصلية بواسطة ya9in مشاهدة المشاركة
        السلام عليكم ورحمة الله وبركاته
        غير واحد فيه البركة الثاني نخليه اللي من بعدي
        تبارك الله عليك و الله يحفظك من كل سوء و يحقق ليك كل ما تمناي
        وعليكم السلام ورحمة الله وبركاته
        بصحتك وراحتك أختي يقين.بارك الله فيك عزيزتي

        تعليق


        • #5
          المشاركة الأصلية بواسطة rana_ana مشاهدة المشاركة
          يم يم يعطيك الصحة فين هي الحلوة ديالي انا
          السلام عليكم ورحمة الله وبركاته
          غير مدي يديك أختي وسمي الله ومرحبا بيك معانا فالمنتدى

          تعليق


          • #6
            حلوة ساهلة وغزالة في المنظر
            تبارك الله وجزاك الله خيرا

            تعليق


            • #7
              المشاركة الأصلية بواسطة bent bladi مشاهدة المشاركة
              حلوة ساهلة وغزالة في المنظر
              تبارك الله وجزاك الله خيرا
              السلام عليكم ورحمة الله وبركاته
              الله يبارك فيك أختي بنت بلادي ومشكورة على التثبيت

              تعليق


              • #8

                تبارك الله عليك
                والله الى حليوة كيشهي
                شكرا لك اختي على الوصفة
                كنت كنعتقد انني غا نكون انا الاولى ولا الثانية باش ناخذ حقي ولكن جيت معطلة ان شاء الله المرة الجاية
                sigpic]اللهم استرنا فوق الارض واسترنا تحت الارض واسترنا يوم العرض

                تعليق


                • #9
                  المشاركة الأصلية بواسطة المطيعة لله مشاهدة المشاركة

                  تبارك الله عليك
                  والله الى حليوة كيشهي
                  شكرا لك اختي على الوصفة
                  كنت كنعتقد انني غا نكون انا الاولى ولا الثانية باش ناخذ حقي ولكن جيت معطلة ان شاء الله المرة الجاية
                  السلام عليكم ورحمة الله وبركاته
                  الله يعطيك الصحة أختي .نورتي الموضوع عزيزتي.

                  تعليق


                  • #10
                    تبارك الله عليك ازين

                    الله يعطك صحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X