حلويات العيد من مطبخ نهال خطوة خطوة بالصور مرحبا بيكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلويات العيد من مطبخ نهال خطوة خطوة بالصور مرحبا بيكم

    ثبت في 26/9/2009

    السلام عليكم ورحمة الله وبركاته

    عيد مبارك سعيد وخا جات معطلة
    تقبل الله صيامكم وقيامكم وصالح أعمالكم
    وشهر شوال مبارك الله يدخلوا عليكم بالصحة والسلامة وباش ما تمنيتوا إن شاء الله
    هذه حلوياتي لي صوبت في العيد نتمنى أنها تعجبكم











    حلوة الهلال باللوز والجنجلان:
    المقادير:
    500غ اللوز مصلوق ومقشر لو الجلوف+250غ السنيدة+ 200غ الزنجلان+ معلقة كبيرة زبدة مذوبة+ 2 معالق كبار ماء الزهر+ 2 بيض البيض.
    الطريقة:
    نطحنوا اللوز مع السنيدة تيولي بحال العجينة خاصها تكون مجموعة + الزبدة + 2 معالق كبار ماء الزهر وتعجن جيدا من بعد نصيبوا صبيعات ونشدوا كل صبيع ونديروه في أبيض البيض عاد ندردروه في الزنجلان من بعد نقوصوه على شكل هلال ونديروا الحلوى في طاوة مدهونة أو مفرشة بورق الزبدة وندخلوها الفرن وخاصها مطيبش بزاف حينت أصلا اللوز طايب وهاذ الحلوى تتجي بحال كعب غزال.
    إليكن الصور





    غريبة بكاوكاو:

    المقادير:
    300غ الزبدة+2 لباني+ 2 خمارات+ 2 بيضات+ رابعة السنيدة+الدقيق حسب الخليط للتزيين: بيض بيضة وكاوكاو محمر ومهرمش.

    الطريقة:
    نخلطوا الزبدة ولباني والخمارات والبيض والسنيدة ونعجنوا مزيان ونضيفوا الدقيق على حسب الخليط نكوروا العجين كورات صغار ونغطسوا الوجه ديالها في بيض البيض من بعد في كاوكاو مهرمش ونستفوها في لاطة وإلى الفرن.
    الصور:








    حلوة بالفلو:
    المقادير:
    500غ الزبدة+ 200غ سنيدة+ 1 خمارة+ 3 علب فلو التوت+ الدقيق حسب الخليط.
    الطريقة:
    نخلطوا الزبدة والسنيدة+ الفلو+ خمارة+ الدقيق حسب الخليط
    للتزيين: الشكلاط مدوب في حمام مريم+ عقيق ملون
    ونشكلوها على شكل قلوب ونزينوها بالعقيق الملون.







    هذا هو الفلو لي استعملت:



    قريشلات حلوين:
    المقادير: 200 الزبدة+ 200غ سكر كلاصي+ 2 بيضات+ 1 خمارة+ 1 لباني+ نص كيلو الدقيق+ ماء حسب الخليط. الكاكاو
    الطريقة:
    نوضعوا الدقيق+ السكر+لباني+ الزبدة+ البيض+ الخمارة ونعجن الخليط ونضيفوا الماء إلا خاصوا على حسب الدقيق واش تيشرب
    نقصموا العجين إلى كرتين الكرة الأولى نخليوها كما هي بيضة والثانية نضيفوا ليها الكاكاو ونبسطوا كورة صغيرة (باش نتحكموا في العجين) من البيضة ونبسطوا الكرة الثانية من الكرة السوداء نوضعوا العجين لي فيه كاكاو بعدما بسطناه على العجينة البيضاء ونلوو العجين كما في الصورة ونبقاو نلوو حتى نشكلو حبل ونقادوا الأطراف ديال الحبال بحيث نقطعوا بالسكين الجناب لي ممقادينش ونفرتوهم بيدينا حتى نشكلوا زخرفة ونعودوا نعجنوهم ونلووه على شكل حبل هو كذلك (انظري الصورتين ما قبل الأخيرتين لهذه الحلوى) وندخلو الكل للثلاجة لمدة 3 ساعات.
    من بعد نخرجوا حبل بحبل مخصناش نخرجوهم كاملين باش نتحكموا في التقطاع ديالهم ونقطعوهم كما هو مبين ونستفوهم في لاطة وإلى الفرن
    الصور:






















    كعيكعات صغار: (هادوا صاوباتهم ماما العزيزة) سمحوا ليا إليكن غير المقادير ديالهم حينت مصورتش المراحل كنت خدامة.
    المقادير:
    2 بيضات+ رابعة السنيدة+ كاس ونصف زيت+خمارة+ شوية الزنجلان والنافع محمرين تقريبا 2 معالق كبار الزنجلان ومعلقة ك ونصف النافع+ 2 كيسان الماء + الدقيق.
    الطريقة:
    نخلط جميع المقادير ونضيف الدقيق حسب الخليط ونشكلوا كورات من بعد حبال ونقطعوهم على شكل كعيكعات صغار وندخلوهم للفرن.
    الصورة:


    غريبة بالكركاع: 250 غ الزبدة+ 1 بيضة+ كاس السنيدة + نص كاس الزيت+ 1 ونصف خمارة+ 1 لباني+ معلقة كبيرة الكاكاو+الدقيق حسب الخليط
    للتزيين: بيض بيضة ورابعة الكركاع مهرمش+ شكلاط أسود مذوب.
    الطريقة:
    نخلط كل المقادير ونعملها على شكل غريبة صغيرة من بعد نمرمدها في بيض البيض ثم الكركاع ونستفها في اللاطة ونعمل حفرة في وسط كل كرة وندخلها للفرن، منين نخرجها وبعدما تبرد نعمل ليها الشكلاط مذوب في الوسط أو يمكن تعملي ليها نسلي في الوسط.
    الصور:








    أما الحلوة لي بقات وهي على شكل غريبة بالطابع ديال الوردة فهي خديتها من المنتدى للأخت أم ريان الله يجزيها بخير باسم حلوة الكوك ونسلي وهذا هو الرابط
    http://www.anaqamaghribia.com/vb/showthread.php?t=24421

    للأمانة: حلوة الفلو نقلتها من عند واحد الأخت الله يجازيها ألف خير وكذلك الأمر بالنسبة لغريبة بالككاع لي أول مرة نجربها وجات رووووووعة
    تنتمنى الحلويات يعجبوكم وأي استفسار أنا موجودة
    ومتنساونيش من الردود الطيبة والدعوات راني محتاجة لدعواتكم الله يجازيكم بخير

  • #2
    الله يعطيك الصحة اختي ويرزقك مانويتي فخاطرك ان شاء الله
    اللهم بارك لي في أولادي ووفقهم لطاعتك واهديهم وخذ بأيديهم إليك يارب






    تعليق


    • #3
      السلام عليكم ورحمة الله وبركاته
      جزاك الله خيرا و الله اسهل يارب امييين
      تبارك الله عليك موضوعك كامل مكموووول
      ثبت في تاريخيه


      وحي القبور

      http://www.anaqamaghribia.com/vb/sho...098&highlight=

      تعليق


      • #4
        تبارك الله عليك أ ختي والله يعطيك الصحة

        تعليق


        • #5
          المشاركة الأصلية بواسطة بسمة 2 مشاهدة المشاركة
          الله يعطيك الصحة اختي ويرزقك مانويتي فخاطرك ان شاء الله
          آمييييييييييين يا ربي
          شكرا أختي بسمة فرحت بمرورك الطيب

          تعليق


          • #6
            المشاركة الأصلية بواسطة ام الحلوين مشاهدة المشاركة
            السلام عليكم ورحمة الله وبركاته
            جزاك الله خيرا و الله اسهل يارب امييين
            تبارك الله عليك موضوعك كامل مكموووول
            ثبت في تاريخيه
            مشرفتي الحبيبة سعدت كثيرا بمرورك وردك الطيب
            أشكركِ غاليتي على الثتبيت الله يبارك فيك وينورك دائما وأبدا

            تعليق


            • #7
              المشاركة الأصلية بواسطة راجية رضى الله مشاهدة المشاركة
              تبارك الله عليك أ ختي والله يعطيك الصحة
              بارك الله فيك أختي راجية رضى الله ربي يخليك

              تعليق


              • #8
                تبارك الله و ماشاء الله الحبيبة نهال غزاااااااااالين الله يعطيك الصحة اختي و الله يسهل امرك فالدنيا و الاخرة ياربي امين و الله يعطيك كل كاكتمناي اختي بارك الله فيك الحبيبة
                [/QUOTE]

                تعليق


                • #9
                  تبارك الله عليك والله يعطيك الصحة ؛من حسن لأحسن بإذن الله٠
                  [CENTER]










                  فهرسة شهيواتي
                  http://www.anaqamaghribia.com/vb/sho...d.php?t=433526

                  تعليق


                  • #10
                    تبارك الله عليك ازين

                    حليوات بساط وغزالين

                    الله يوفقك وتحقي كل ما تمناي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X