إعـــــــلان

تقليص
لا يوجد إعلان حتى الآن.

الحلويات لي درت فالعقيقة ديال ولد خويا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الحلويات لي درت فالعقيقة ديال ولد خويا


    ثبت الموضوع بتاريح 20/06/2010
    بواسطة نور الاسلام




    السلام عليكم ورحمة الله وبركاته

    صورت ليكوم بعض الحلويات لي درت فالعقيقة ديال ولد خويا الله يجعلو من الذرية الصالحة.ولكن للأسف ما صورتش المراحل كلها لأني كنت كنصور غير بالكاميرا ديال الحاسوب .اوا غير قبلو عليا:s11903:


    حلوة الليمونة لي كانت صاوبات الضيفة ديال شوميشة ولكن أنا درت المقادير لي موالفة نصاوب بيها كعب غزال




    125 جرام ديال الزبدة
    كيلو ديال الدقيق
    مسكة حرة
    ملح
    ماء الزهر
    ملون أحمر وأصفر والملون الأخضر
    نكهة الليمون أو قشرة ديال الليمون محكوكة
    2ملاعق ديال العسل

    بالنسبة للحشو
    كيلو داللوز
    500 جرام سكر كلاسي
    مسكة حرة
    وكنجمعوها بالزبدة

    الطريقة كنخلطو المقادير ديال العجين وكنقسمو العجينة الثلتين نلونوهوم باللون البرتقالي والثلت باللون الأخضر .
    كنبسطو العجينة البرتقالية وكنقطعو دوائر لي تنحطو ليها فالوسط كرة ديال عجين اللوز كنكوروها وكنمرروها فوق مشطة جديدة ومغسولة باش كتعطي المنظر ديال الثقابي لي فالليمون(هادي اضافة من عندي هههه)
    وكنقطعو العجينة الخضراء بالقطاعة ديال النجمة وتنلصقوها فوق الكورة و تنديرو ليها فالوسط قرنفلة















    كنديروها طيب وتندهنوها بالناباج أو لعسل

    حلوة الكوكياجة
    نفس المقادير والطريقة مشروحة بالصور





    هذا المرشم لي ستعملت



    كويرات داللوز وكاوكاو والجنجلان


    هاد الحلوة كتجي هشيييييييييييشة وبنييييينة سنييييين وأنا تنديرها كلشي كيحماق عليها
    المقادير
    زلافة داللوز مسلوق ومقشر ومحمر
    زلافة دكاوكاو محمر ومقشر
    زلافة دالجنجلان محمر
    زلافة صغيرة ديال سكر كلاسي
    خمارة
    رابعة الزبدة
    زلافة الفرص





    كنطحنو اللوز وكاوكاو والجنجلان وكنخلطو جميع المقادير وكنبقاو نضيفو الدقيق بشوية حتى كتجمع العجينة. كنصاوبو كويرات صغار لأنها كتكبر فاش كطيب
    منين طيب الحلوة كنخليوها حتى كتبرد عاد كنحيدوها من الطاوة لأنها كتكون هشيشة



    ثم كنلصقوها بالشكلاط الأبيض







    الياسمينة

    لي كتفكرني ديما بحبيبتي أم الحلوين وهذا الرابط ديالها



    http://www.anaqamaghribia.com/vb/sho...C7%E1%D5%E6%D1......

    سابلي بالشكلاط





    نص كيلو زبدة
    4ملاعق كبيرة سكر كلاسي



    نصف خمارة
    الدقيق حسب الخليط
    الشكلاط الأسود
    والفيرميسيل
    كنخلطو الزبدة وسكر كلاسي ونصف خمارة والدقيق كنبسطو العجينة و كنقطعوها دوائر كنديروها طيب
    ثم كنلصقو كل 2 بالشكلاط ونغطسو النصف ديالهوم فالشكلاط وندردرو عليهوم الفيرميسيل



    أما كعب غزال والحلوة المدورة والبحلاوة راه ختي أماني3لي صاوباتهوم الله يعطيها الصحة .ان شاء الله ناخد من عندها مقادير البحلاوة ونحطهوم ليكوم


    الحلوة المدورة كتنقشها بالنقاش ودارت ليها فالوسط اللوز مقطع على 4





    وصاوبت غريبة ديال كاوكاو للأسف تسالات هههههههه ما لحقتش نصورها
    فيها نص كيلو كاوكاو محمر ومطحون
    رابعة ديال سكر كلاسي
    شوية ديال القرفة
    خمارة ونصف
    نصف كيلو دقيق
    وكنجمعوها بالزيت بحال الغريبة البهلة. كنصاوبو كويرات ونمررو الوجه ديالهوم فسنيدة ثم تطهى .حتى هي كتجي هشيييشة وبنينة


    وهادي صورة جماعية للحلويات ههههه


  • #2




















    تعليق


    • #3
      تبارك الله عليك


      تعليق


      • #4
        المشاركة الأصلية بواسطة amal63 مشاهدة المشاركة




        وجزاك الله الجنة عزيزتي أمال

        تعليق


        • #5
          المشاركة الأصلية بواسطة أم ايمي مشاهدة المشاركة
          تبارك الله عليك
          الله يبارك فيك أختي أم ايمي

          تعليق


          • #6
            الله يعطيك الصحة

            تعليق


            • #7
              الله يعطيكم الصحه هادشي غزال

              تعليق


              • #8
                ماشاء الله
                باينة لذيذة تسلم الايادي حبيبتي
                الله يحفظك اختي الكريمة
                في انتظار جديدك



                تعليق


                • #9
                  الله يعطيك الصحة

                  تعليق


                  • #10
                    chokran

                    تعليق


                    • #11
                      بسم الله ما شاء الله حلويات غزالين تسلم يمينك










                      عِندمَا تُمسكُ سَيفاً لِتقْتُلني ..

                      إحذرْ أن يَجْرَح يَدُكَ فتُؤلمُنِي ..

                      تعليق


                      • #12
                        تبارك الله عليك










                        تعليق


                        • #13
                          تبارك الله عليك هادشي غزال الله يعطيك الصحة

                          تعليق


                          • #14
                            غزالين تبارك الله عليك اختي والله يجعل ابن اخيك من الدرية الصاليحة ومن حفظة القران يارب

                            تعليق


                            • #15
                              السلام عليكم ورحمة الله وبركاته
                              منورين أخواتي ومشكورين على الردود الطيبة
                              مشكورة عزيزتي ام آية على الدعاء والله يحفظ ليك آية من كل شر يارب

                              تعليق

                              يعمل...
                              X