حلوة كورني باللوز من مطبخي المتواضع (بالصور)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلوة كورني باللوز من مطبخي المتواضع (بالصور)


    حبيباتي في الله


    هاد الكورني الشكل دياله زوين و ساهل في التحضير.
    غادي نعطيكم المبدأ الأساسي دياله و ممكن كل واحدة تغير فيه حسب دوقها.يعني ممكن تخلي العجينة بيضاء و تلوني اللوز أو تلوني العجينة بالشكلاط غبرة و تخلي اللوز طبيعي أو تلونيهم بزوج.
    هنا المجال مفتوح لابدعاتكم أخواتي و هدا معروف على الأنيقات ما شاء الله عليهم و ربي يحفظهم قولوا آمين.



    بسم الله و توكلنا على الله


    حلوة كورني باللوز


    المقادير:


    العجينة:
    300غ دقيق الحلويات
    100غ الزبدة مدوبة
    قبيصة الملح
    ملعقة كبيرة سكر كلاصي
    2 ملاعق كبار بودرة الشكلاط
    نصف كاس ماء الزهر
    الماء بارد للعجن

    حشوة اللوز:
    250غ لوز مصلوق و مطحون مع
    100غ سكر سنيدة
    قشرة حامضة محكوكة
    1 بيضة كاملة
    نصف كاس ماء الزهر



    الطريقة:


    نغربل الدقيق و الشكلاط غبرة و السكر كلاصي في القصعة و نزيد المليحة و الزبدة مدوبة.نخلط حتى يترمل الخليط مزيان عاد نضيف الماء الزهر و الماء.نجمع العجينة و لازم تكون قاصحة شوية.ندلكها مزيان حتى ترخف.نكورها و نغيطيها ببلاستيك غدائي و نخليها في الثلاجة ترتاح على الأقل نصف ساعة.



    في الوقت اللي العجينة كترتاح ,نحضر خليط اللوز.نطحن اللوز مع السكر و نضيف ليه القشرة الحامض (أو الفاني أو قشرة الليمون أو المسكة الحرة...حسب الرغبة والدوق) البيضة و الماء الزهر.نخلط مزيان و نخليه يرتاح شوية.

    نطلق العجينة رقيقة بالمدلك أو بآلة سباكيتي.نقطع بمرشم مدور و من الأحسن يكون مشنف.نلويها و نشكلها بحال كورني و نضغط مزيان باش تلصق و ما تتحل في الفران.



    ناخد كيس حلواني فيه دواز مشنف .نملأه بالخليط اللوز و نبدا نعمر الكورني بحال هكدا



    نستف الحلوة فوق لاطة ملبسة بالسولفيريزي.ندهن بأبيض البيض و نزوقها بالعقيق الفضي أو الملون.





    ندخلها لفرن متوسط الحرارة لمدة 15 حتى 20 دقيقة.لازم اللوز يبقى في لونه و ما يتحمرش بزاف.

    هدا شكلها ملي خرجتها من الفرن




    ممكن تغطسيها في العسل أو تدهنيها بالنباج .
    بالنسبة ليا كنفضل نخليها طبيعية لأني كنحتفظ بيها في الكونجلاتور .ملي كنبغيها عاد كنسخنها في الفرن و نعسلها أو ندهنها بالناباج و نعملها في الكويغطات .


    نتمنى تعجبكم و تجربوها.
    اللهم أدمها نعمة و بارك لنا فيها و احفظها من الزوال.

  • #2
    تبالرك الله عليك الحبيبة
    فاطمة22

    تعليق


    • #3
      السلام عليكم وو رحمة الله و بركاته
      جزاك الله خيرا
      تعلمنا الكثيير ...جعله الله في ميزان حسناتك
      تم التثبيت 5 نجمااااات


      وحي القبور

      http://www.anaqamaghribia.com/vb/sho...098&highlight=

      تعليق


      • #4
        تبارك الله عليك
        [frame="7 80"]

        اللهم اغفر لوالدتي وارحمها واعف عنها
        واكرم نزلها ووسَع مُدخلهاا واغسلها بالماء والثلجِ والبْردِ
        ونَقّهِا من الذنوب كما ينقى الثوب الابيض من الدنس،
        وارحمنا إذا صرنا إلى ما صارت إليه وجازها بالحسنات إحسانا
        وبالسيئات عفوا وغفرانا وافتح أبواب السماء لروحها برحمتك
        يا أرحم الراحمين.

        [/frame]

        تعليق


        • #5
          حلوة زوينة بزاف
          تبارك الله عليك

          تعليق


          • #6


            ان غبت عنكم
            و ساغيب في يوم من الايام
            فاتمنى من العلي القدير
            ان يكون لي نصيب خير بما خطته يدي
            يصلني بدعائكم لي
            اينما كنت فوق الارض او تحتها


            أمنارAmanarre
            أم ريان و كاميليا
















            فهرس اطباقي المصورة (متجدد ان شاء الله)




            ترقبن جديد وصفاتي المصورة بإذن الله



            تعليق


            • #7
              جاتك غزالة تبارك الله عليك

              تعليق


              • #8
                تبارك الله عليك كورني غزال ماشاء الله عليك

                تعليق


                • #9
                  غزالة تبارك الله عليك عندي واحد السؤال ابيض البيض كندهنو به الحلوى كلها ولا غير الحشوة وهاد المقادير شحال من حبة كتعطي والله يجازيك عنا خير الجزاء

                  تعليق


                  • #10
                    الله يعطيك الصحة جاو غزالين عطيني شي وحيدة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X