إعـــــــلان

تقليص
لا يوجد إعلان حتى الآن.

حلويات باللوز من مطبخي المتواضع (صور)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلويات باللوز من مطبخي المتواضع (صور)

    تبث في 4/11/2010
    bent bladi







    أخواتي و حبيباتي في الله

    هاد البلاطو فيه حلويات باللوز منهم اللي كنت حطيتهم من قبل و غادي ندكركم بيهم و نحط الروابط ديالهم.و حلوة البيسكوي بالكونفتير و اللوز غادي نحطها بالمراحل المصورة.أما الحلويات الباقية نعطيكم المقادير و الطريقة و إن شاء الله ملي تتوفر عندي الصور نحطها ليكم بادن الله


    اضغط على الصورة لعرض أكبر.

الإسم:	P09-03-09_1724.JPG
مشاهدات: 1
الحجم:	69.4 كب
الهوية:	17424575


    اضغط على الصورة لعرض أكبر.

الإسم:	P09-03-09_1723[01].JPG
مشاهدات: 1
الحجم:	65.3 كب
الهوية:	17424574



    من اليسار إلى اليمين





    1/ كعب الغزال

    مقادير العجينة

    رابعة الدقيق الخاص بالحلويات
    ملعقة كبيرة زبدة لينة
    ملعقة كبيرة عسل
    رشة ملح
    ماء الزهر
    ماء للعجن

    تعجن و تدلك مزيان.نكورها و نغطيها و نخليها ترتاح.

    مقادير العقدة

    نصف كيلو لوز بلدي مفسخ و مطحون مع
    رابعة سنيدة
    شوية المسكة الحرة مدقوقة
    ماء الزهر
    ملعقة كبيرة الزبدة لينة

    نعمل من العقدة أصابع على حسب واش بغيت الكعب كبير أو متوسط أو صغير.

    نطلق العجين رقيق بزاااف بآلة سباكيتي.
    نحط أصابع العقدة على الطرف.نغطيهم بالعجين.نضغط على كل واحد باش نعطيه الشكل ديال كعب الغزال.ونقطع بالجرارة و نستفهم فوق لاطة مدهونة.لما نكمل ندهنهم بالزبدة دايبة و نغطيهم و نخليهم حتى للغد عاد نطيبهم في فرن معتدل الحرارة لمدة 10 دقائق.

    ممكن تحتافظي بكعب غزال في الفريزر قبل ما يطيب.يعني ملي تكملي تحضير دياله و تدهنيه بالزبدة.دخليه الكونجلاتور و خليه حتى يقصاح.جمعيه في علبة بلاستيك و رجعيه للكونجلاتور حتى للوقت اللي كتحتاجيه و عاد خرجيه و ستفيه في لاطة الفران و خليه حتى ياخد حرارة المطبخ و دخليه للفرن.بهاد الطريقة راه ممكن تحتافظي بيه لمدة شهور .و راني مجرباه و كيجي بحال إلا عاد حضرتيه.و أحسن ما تطيبيه عاد تحطيه في الكونجلاتور.



    2/ بسكوي بالكونفتير و اللوز



    المقادير:

    400غ زبدة عادية لينة
    250غ سكر كلاصي
    قشرة حامضة محكوكة
    بكية الخميرة الحلوة
    6 صفار البيض
    الدقيق الخاص بالحلويات(حسب الخليط)

    للتزيين

    أبيض البيض
    250غ لوز مفسخ و مقلي و مهرمش
    نصف علبة الكونفتير المشماش أو الفريز حسب الرغبة
    50غ سنيدة


    الطريقة:

    نخلط الزبدة مع السكر كلاصي مزيان حتى نحصل على كريمة

    اضغط على الصورة لعرض أكبر.

الإسم:	Photo060.jpg
مشاهدات: 1
الحجم:	25.9 كب
الهوية:	17424576



    نضيف أصفر البيض و نخلط


    اضغط على الصورة لعرض أكبر.

الإسم:	Photo061.jpg
مشاهدات: 1
الحجم:	26.3 كب
الهوية:	17424577


    نزيد القشرة الحامض و الدقيق و الخميرة


    اضغط على الصورة لعرض أكبر.

الإسم:	Photo062.jpg
مشاهدات: 1
الحجم:	27.0 كب
الهوية:	17424578



    نحصلو على عجينة لينة


    اضغط على الصورة لعرض أكبر.

الإسم:	Photo063.jpg
مشاهدات: 1
الحجم:	16.5 كب
الهوية:	17424579


    نعمل منها كويرات بهاد الحجم


    اضغط على الصورة لعرض أكبر.

الإسم:	Photo065.jpg
مشاهدات: 1
الحجم:	14.2 كب
الهوية:	17424580


    ندوزهم في أبيض البيض


    اضغط على الصورة لعرض أكبر.

الإسم:	Photo066.jpg
مشاهدات: 1
الحجم:	10.5 كب
الهوية:	17424581



    من بعد نمرمدهم في اللوز مهرمش

    اضغط على الصورة لعرض أكبر.

الإسم:	Photo067.jpg
مشاهدات: 1
الحجم:	26.9 كب
الهوية:	17424582




    نحطهم في لاطة مغطية بالورق السولفيريزي

    نضغط عليهم بالأصبع من الوسط باش نعمل ثقب


    اضغط على الصورة لعرض أكبر.

الإسم:	Photo069.jpg
مشاهدات: 1
الحجم:	27.2 كب
الهوية:	17424583



    ندخلهم للفرن حتى يتحمر البسكوي

    في هاد الوقت ناخد كاسرونة نصب فيها الكونفتير و نزيد عليه السكر سنيدة.نحطها على نار مهيلة و مع التحراك حتى يتعلك.

    نزين الحلوى ديالنا بالكونفتير
    و هاهي واجدة بالصحة و الراحة

    اضغط على الصورة لعرض أكبر.

الإسم:	Photo039.jpg
مشاهدات: 1
الحجم:	27.8 كب
الهوية:	17424584




    3/غريبة باللوز و الكاوبيل

    المقادير:

    نصف كيلو لوز مفسخ و مطحون مع
    رابعة سكر سنيدة
    بكية و نصف خميرة الحلوة
    قشرة ليمونة برتقالة
    2 معالق كبار شكلاط غبرة
    3 أصفر البيض
    الماء الزهر
    ملعقة كبيرة الزبدة مدوبة

    للتزيين
    الماء الزهر
    السكر كلاصي


    الطريقة

    نطحن اللوز مع السكر .نضيف ليه الشكلاط غبرة مغربل,قشرة الليمونة,صفار البيضات الزبدة مدوبةو شوية الماء الزهر.نخلط مزيان نغطيه بالبلاستيك الغدائي و نخليه لمدة 12 ساعة على الأقل في الثلاجة.من بعد نزيد الخميرة و نخلط مزيان.ندهن يدي بالماء الزهر و نعمل كويرات ندوزهم في السكر كلاصي و نضغط عليهم شوية.
    نحطهم في لاطة مفروشة بالورق السولفيريزي

    ندخلهم لفرن ساخن و ننقص عليهم .نخليهم حتى تشقق مزيان الغريبة و تشد فراسها.و هاهي واجدة.



    4/الكورني باللوز


    هاد الحلوى كنت حطيتها في المنتدى في موضوع خاص مع الشرح بالصور .التغيير الوحيد أني هاد المرة خليت العجينة عادية و ما زدت عليها الشكلاط غبرة.
    هدا رابط الموضوع


    http://www.anaqamaghribia.com/vb/showthread.php?155191-%CD%E1%E6%C9-%DF%E6%D1%E4%ED-%C8%C7%E1%E1%E6%D2-%E3%E4-%E3%D8%C8%CE%ED-%C7%E1%E3%CA%E6%C7%D6%DA-(%C8%C7%E1%D5%E6%D1)&highlight=




    5/الياسمينة


    كل الحادكات اللي في المنتدى يعرفوا طريقة تحضير الياسمينة.بالنسبة للعجين كنستعمل نفس المقادير بحال العجينة ديال الكورني.


    اللوز بحال ديال كعب الغزال غير لونته بالوردي و نسمته بقشرة الحامض.
    و خديت شوية من العجينة و لونتها بنفس اللون ديال اللوز للتزيين.


    6/رزيمة العروسة

    حتى هي حضرتها من نفس العجين ديال الكورني.
    اللوز بحال ديال كعب الغزال غير قسمته على ثلاتة.ء لونته بالأخضر و جزء بالأحمر و جزء خليته في لونه

    ورقت العجينة و قطعتها لمثلتات.حطيت ثلات كويرات من العقدة كل واحدة من لون.و جمعت العجين.دهنتها بأبيض البيض و زينتها بالعقيق الفضي .


    7/أصابع اللوز بالفواكه المعسلة


    هاد الحلوة حتى هي سبق ليا و حطيتها في موضوع .

    هدا رابط الموضوع


    http://www.anaqamaghribia.com/vb/showthread.php?156194-%CD%E1%ED%E6%C9-%C8%C7%E1%E1%E6%D2-%E1%E1%E3%E4%C7%D3%C8%C7%CA-%D1%C7%C6%DA%C9-%E3%E4%D9%D1-%E6-%E3%CF%C7%DE-(%D5%E6%D1%C9)&highlight=




    نتمنى نكون توفقت في شرح طريقة تحضير هاد الحلويات.و اللي عندها أي استفسار .أنا دائما في الخدمة.

    اللهم أدمها نعمة و بارك لنا فيها و احفظها من الزوال


    دمتن في رعاية الله و حمايته

  • #2
    اممممممممممممممممممم
    شفتي انا الاولى يعني البلاطو مكتاب لي
    تبارك الله عليك ويعطيك الخير والصحة اختي وردة مغربية

    تعليق


    • #3
      lah ye3etike seha
      sigpic




      تعليق


      • #4
        تبارك الله عليك انشاء الله نجرب بعضها فهاد العيد ممممم شهيتني هههه





        اللهم يامسهل الشديد و يا ملين الحديد و يا منجز الوعيد و يا من هو كل يوم في أمر جديد أخرجني من حلق الضيق إلي أوسع الطريق بك أدفع ما لا أطيق و لا حول ولا قوة إلا بالله العلي العظيم ، يارب ضاقت بي السبل فمن لي سواك يفرجها

        تعليق


        • #5
          الله يعطيك الصحة اختي

          تعليق


          • #6
            تبارك الله عليك طبسي تيشهي بزاف

            تعليق


            • #7
              بلاطو غزاال اختي
              لكي مني 5 نجوم


              «أتاني جبريل فقال يا محمّد: عِشْ مَا شِئْتَ فَإِنَّكَ مَيِّتٌ، وَأَحْبِبْ مَا شِئْتَ فَإِنَّكَ مُفَارِقُهُ، وَاعْمَلْ مَا شِئْتَ فَإِنَّكَ مَجْزِيٌّ بِهِ»، ثمّ قال: «يا محمد شَرَفُ المُؤْمِنِ قِيَامُهُ بِاللَّيْلِ، وَعِزُّهُ اسْتِغْنَاؤُهُ عَنِ النَّاسِ».


              تعليق


              • #8
                السلام عليكم و رحمة الله و بركاته
                تبارك الله عليك بلاطو كيشهي مممممممممممممممممممممم
                قواعد السعادة القلبيــة : لا تكره أحدا مهما أخطأ في حقك – لا تقلق أبدا وأكثر من الدعاء - عش في بساطة مهما علا شأنك - توقع خيرا مهما كثر البلاء وأحسن الظن بربك - أعط كثيرا وإن حرمت - ابتسم ولو قطر القلب دما
                ---------------------------------------------------------------------------------------------------------


                لا تملكين العربية وتريدين التخلص من اللوحة؟ تفضلي من هنا..
                http://www.anaqamaghribia.com/vb/sho...9246&highlight

                تعليق


                • #9
                  تبارك الله عليك بلاتو كيشهي الله اعطيك الصحة
                  اللهم اعنا على ذكرك وشكرك وحسن عبادتك

                  تعليق


                  • #10
                    تبارك الله حليوات رائعة ومميزة
                    جزاكي الله خيرا والله يعطيك الصحة

                    تعليق


                    • #11
                      تبارك الله عليك ماشاء الله

                      تعليق


                      • #12
                        بلاطو غزال الله يعطيك الصحة
                        5 النجوم من عندي
                        sigpic

                        تعليق


                        • #13
                          الله يعطيك الصحة اختي




                          سبحانك اللهم وبحمدك ، أشهد أن لا إله إلا أنت أستغفرك وأتوب إليك
                          sigpic

                          تعليق


                          • #14
                            chokran jazilan

                            تعليق


                            • #15
                              ماشاء الله حادكة الله يخلي لك ايدياتك
                              علمت بأن رزقي لن يأخذه غيري فاطمأن قلبي له و علمت بأن عملي لا يقوم به غيري فاشتغلت به و علمت أن الله مطلع علي فاستحييت أن أقابله على معصية و علمت أن الموت ينتظرني فأعددت الزاد للقاء الله

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X