إعـــــــلان

تقليص
لا يوجد إعلان حتى الآن.

حلوياتي*المتواضعة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلوياتي*المتواضعة

    ارجو ان تقبلن مني هذه الحلويات المتواضعة



    بالنسبة لمقادير الحلوى اللي بين الياسمينة والفلفلة :
    الحشوة : زلافة كركاع مطحون ـ زلافة لوز مطحون بالقشور ـ زلافة بسكوي مطحون ـ نص زلافة زبيب أو فواكه معسلة ـ حليب مركز أو عسل باش تجمع الخليط ـ عجينة اللوزو ملونات غذائية.
    الطريقة : كتجمع مقادير الحشوة كلها وتصاوبي منها حرابل وغلفهم بعجينة اللوز من
    بعد
    ما تطلقها بالمدلك و قطع الحجم والشكل اللي بغيتي وزوقهم بظفيرة بعجينة اللوزالملونة حسب الرغبة



    2-
    حلوى الكاوكاو و الشكلاط الأسود :
    نصف كيلو كاوكاو مقلي ومطحون ـ معلقة صغيرة قرفة ـ نص كاس ماء الزهر ـ العسل باش يتجمع الخليط ـ شكلاط أسود مدوب باش تغمس الحلوى .
    تعجن جميع المكونات ثم تبسط العجين بالمدلك و تقطع الأشكال للي بغيتي و دخلهم للمجمد . من بعد خرج شوية بشوية وغمسهم في الشكلاط الأسود وحطيهم فبلاطو مغلف بالبلاستيك . وملي يبس الشكلاط خدي شوية الشكلاط أسود و زيد عليه طرفات الشكلاط أبيض ودوبهم وزين الحلوى بخطوط حسب الرغبة.




    حلوى المروحة :
    الحشوة :
    زلافة لوز مطحون بالقشور ـ زلافة كركاع مطحون ـ زلافة بسكوي مطحون ـ حليب مركز .
    التغليفة :
    زلافة لوز مصلوق ـ زلافة و نص سكر كلاصي ـ ملونات غذائية .
    الطريقة :
    تجمع مكونات الحشوة ثم تبسطها بالمدلك وتقطعها نصف دوائر بكاس أو بمرشم وتكون سميكة شوية .
    تطحن اللوز وسكر كلاصي مزيان حتى تحصلي على عجينة اللوزطلقيها رقيقة على طابلة مرشوشة بسكر كلاصي وقطعها بنفس المرشم ثم خد نص دائرة من عجينة اللوز ودهنها بشوية ناباج وحط عليها نص دائرة الحشوة ثم نص دائرة ثانية عجينة اللوز بنفس الطريقة ثم خد ظهر سكين و عمل خطوط على شكل مروحة ف وجه الحلوى ودهنيها بالناباج وزينيها بوريدات ووريقات من عجينة اللوزالملونة



    حلوى الكادو :
    ربع كيلو زبدة ماشي مدوبة ـ ربع كيلو لوز مصلوق و مقلي ومطحون ـ
    ربع لتر حليب بارد ـ كأس زيت ديال العنبة ـ 2 خميرات ديال الحلوى (الخميرة الحمرا) ـ 2 فلان عادي ـ لفني ـ الدقيق حسب الخليط ـ نستلي مطيب ف كوكوط للتلسيق ـ شكلاط مدوب للتغميس ـ عجينة اللوز و ملونات للتزيين .
    تخلط جميع المقادير حتى تحصلي على عجينة بسطيها و قطعيها بمرشم مربع و عمليها ف الفران تطيب وملي تخرجها لصق كل جوج بنستلي وغمسيهم ف الشكلاط دايب و خليهم حتى يبسو مزيان ثم بداي تزوقيهم بعجينة اللوز حسب الرغبة .
    ملحوظة : هد الحلوى مافيهاش السكر و حلاوتها من نستلي و الشكلاط فقط
    الملفات المرفقة

  • #2
    تبارك الله عليك اختي
    http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

    تعليق


    • #3
      غزآآآالين الله يعطيك الصحة

      تعليق


      • #4
        شكرا لكن اخواتي هذه اول مشاكة لي في المنتدى واحتاج اراءكن و تشجيعاتكن

        تعليق


        • #5
          تبارك الله عليك اختي روعة روعة روعة شكيلات متقونين

          تعليق


          • #6
            يلا كان ممكن المقادير والطريقة ديال الحلوة لي بين الياسمينة والفلفلة الله يجازيك بخير

            تعليق


            • #7
              تبارك الله عليك اختي حليوات غزالين ممكن المقادير والطريقة اختي الله يخليك

              تعليق


              • #8
                حليوات في منتهى الروعة الله خليك بغيت نسولك حلوة الفلفلة كيفاش درتي ليه باش صاوبتي العود ديالها

                تعليق


                • #9
                  تبارك الله عليك اختي حليوات غزالين ممكن المقادير والطريقة اختي الله يخليك:

                  تعليق


                  • #10
                    بغيت نسولك حلوة الفلفلة كيفاش درتي ليه باش صاوبتي العود ديالها

                    Read more: http://www.anaqamaghribia.com/vb/sho...#ixzz1CjmFeLCr عندي نفس سؤال الاخت sania2 كنصايبها ولكن العود كنصايبو غير باعواد القرنفل كيحي باين لون ديالو وشكرا اختي

                    تعليق


                    • #11
                      المشاركة الأصلية بواسطة hananejouha مشاهدة المشاركة
                      يلا كان ممكن المقادير والطريقة ديال الحلوة لي بين الياسمينة والفلفلة الله يجازيك بخير
                      شرفني مرورك أختي الكريمة بالنسبة لمقادير الحلوى :
                      الحشوة : زلافة كركاع مطحون ـ زلافة لوز مطحون بالقشور ـ زلافة بسكوي مطحون ـ نص زلافة زبيب أو فواكه معسلة ـ حليب مركز أو عسل باش تجمع الخليط ـ عجينة اللوزو ملونات غذائية.
                      الطريقة : كتجمع مقادير الحشوة كلها وتصاوبي منها حرابل وغلفهم بعجينة اللوز من
                      بعد
                      ما تطلقها بالمدلك و قطع الحجم والشكل اللي بغيتي وزوقهم بظفيرة بعجينة اللوزالملونة حسب الرغبة
                      نتمنى نكون عرفت نشرح ليك و إذا كاين شي سؤال أنا دائما في الخدمة

                      تعليق


                      • #12
                        المشاركة الأصلية بواسطة sania2 مشاهدة المشاركة
                        حليوات في منتهى الروعة الله خليك بغيت نسولك حلوة الفلفلة كيفاش درتي ليه باش صاوبتي العود ديالها
                        شكرا لك أختي على مرورك صاوبت العود بالعجينة درت حريبلات صغار من العجينة الخضراء وخليتهم ليلة كاملة حتى يبسو و ملي كنت غنطيب الحلوى عاد لصقتهم

                        تعليق


                        • #13
                          تبارك الله و ما شاء الله عليك الحبيبة
                          حلويات قمة في الروعة و الاتقان.الله يعطيك الصحة .
                          كملي خيرك أختي و اعطينا المقادير و الطريقة الله يجازيك كل الخير.

                          تعليق


                          • #14
                            المشاركة الأصلية بواسطة وردة مغربية مشاهدة المشاركة
                            تبارك الله و ما شاء الله عليك الحبيبة
                            حلويات قمة في الروعة و الاتقان.الله يعطيك الصحة .
                            كملي خيرك أختي و اعطينا المقادير و الطريقة الله يجازيك كل الخير.
                            الله يبارك فيك أختي الكريمة وشرفتيني بمرورك أما بالنسبة للطريقة و المقادير فسأقوم بتنزيلها قريبا إن شاء الله

                            تعليق


                            • #15
                              الله يعطيك صحة أختي حليوات غزالين ممكن المقادير الله يخليك

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X