بلاطو مشكل(2) من مطبخي وبالصور دائما

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بلاطو مشكل(2) من مطبخي وبالصور دائما

    oum hedayah
    2-2-2011







    اليوم غادي نحط ليكم مقادير وطريقة البلاطو الثاني،اوا نبداو على بركة الله






    غريبة بالكاوكاو والكوك:

    100g كاوكاو محمر ومطحون

    100g كوك مطحون

    100g زنجلان محمر ومطحون

    100سكر

    3 بيض

    قشور الحامض

    1 لفاني

    1/2 بكية خمارة الحلوى

    سكر صقيل للتفنيد


    في كسرونة نوضعو السكر،لفاني والبيض فوق العافية على نار مهيلة حتى يدوب السكر ومع التحراك دائما لمدة 15د



    كنصبوهم في اناء ونضيفو باقي المقادير الاخرى ونخلطو الكل وندخلوه الثلاجة مدة 2 ساعتين



    من بعد نكوروه كويرات صغار نفندوهم في السكر كلاصي ونوضعوهم في كويغطات صغار وندخلوهم الفرن 180د مدة 15د




    سيكار باللوز والكراميل:


    500g دقيق

    120g زبدة

    1 بيضة


    ماء الزهر للجمع

    ملون اخضر+برتقالي

    الحشو:

    250g لوز مقلي ومهرمش

    250g كركاع محمر ومهرمش

    كراميل

    شكلاط واللوز مهرمش للتزيين


    كنخدمو مقادير العجين مزيان ونقسموها على2:وحدة نضيفولها ملون اخضر ونخلطو ووحدة نضيفولها ملون برتقالي ونخلطو ونخليوهم يرتاحو

    كنورقو العجينتين بزوج ونقطعوهم بالجرارة على شكل خيوط



    كناخدو عيدان من المعدن كندهنوم بالزيت وكنلفو العجين الاخضر 3 مرات ونقطعو العجين ونلفو العجين البرتقالي 3 مرات ونقطعو ونعاودو نلفو العجين الاخضر 3 مرات
    ونبقاو هكدا حتى نساليو العجين
    ديالنا،وندخلوهم فرن مسخن من قبل حتى يطيبو

    نزولوهم من القضبان ونعمروهم بخليط اللوز،الكركاع والكراميل

    من بعد نغمسولهم الريوس في الشكلاط وندوزوهم في اللوز




    كورني باللوز والعسل:

    500g دقيق

    50g زبدة

    1 م ك سكر كلاصي

    1 كاس اتاي ماء الزهر

    الحشو:

    كاوكاو محمر ومهرمش

    عسل حسب الخليط

    شكلاط للتزيين


    كنخدمو المقادير كلها ونخليوها ترتاح 15د

    من بعد نورقوها ونقطعوها بالجرارة على شكل خطوط،كندهنو المول ديالنا بالزيت ونلبسوه بخيوط من العجين







    ندهنوهم ببياض البيض وندخلوهم الفرن 180د حتى يطيبو

    من يبردو نزولوهم من المول ونعمروهم بخليط الكاوكاو والعسل

    ونغمسولهم الراس في الشكلاط دائب



    ملاحظة:بعض الصور تمسحاتلي عن غير قصد،استسمح


  • #2


    حلوة بالكورن فلكس:

    هده الحلوى ساهلة ماهلة وكتعجب لوليدات الصغار

    كورن فلكس+لوز محمر ومهرمش+شكلاط دائب
    كنخلطو الكل ونوضعوهم في كويغطات الحلوى ونخليوهم حتى يبردو



    langues de chat:

    هده الطريقة خديتها من عند واحد السيد خدام في واحد البتسري وراهم كيجيو بحالهم لا في المنظر ولا المذاق

    300g دقيق

    200g سكر

    200g ماركرين

    1 لفاني

    4 بيضات

    كونفتير وشكلاط دائب للتزيين


    كنخدمو الزبدة مع السكر ولفاني مزيان حتى يبيض اللون ديالهم



    كنضيفو البيض بيضة ببيضة ونخلطو مزيان



    وفي الاخير نضيفو الدقيق ونوضعو الخليط
    ديالنا في جيب الحلواني ويكون الراس ديالو رقيق بزاف







    وكنوضعوه في لاطة الفرن ملبسة بورق الطبخ على شكل طولي ورقيق حيت كيسيحو منين يطيبو



    وندخلوهم الفرن 180د خاصهم يبقى وجههم ابيض
    منين يبردو نلصقوهم بالكونفتير ونغمسو الراس فقط في الشكلاط دائب


    تعليق


    • #3
      شكرا اختي الله يعطيك الصحة

      تعليق


      • #4
        تبارك الله عليك
        سرعة الايام مخيفة!
        ما إن أضع رأسي على الوسادة إلا وأشرق نور الفجر..
        ما إن أستيقظ إلا وحان موعد النوم..
        تسير أيامنا و لا تتوقف !
        وأقول في نفسي : حقاً السعيد من ملأ صحيفته بالصالحات ..
        - والسؤال الذي أقف عنده بماذا ملئت صحيفتي !؟
        وهل أنا أسير للأمام أم للخلف !؟
        يا ترى ما هو وزني عند الله!؟
        أقف وأحاسب نفسي فالأيام تمشي بسرعة ولن يبقى إلا العمل الصالح
        فتن الدنيا تموج بنا والأحداث تتسارع من حولنا والأموات يتسابقون أمامنا..
        "
        " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

        تعليق


        • #5
          تبارك الله عليك أحبيبة ويخليلك دوك ليديدات كيعجبوني les langues des chats إنشاء الله نجربهم ورد ونحطلك تطبيقي لتقييمه
          sigpichttp://www.anaqamaghribia.com/vb/sho...d.php?t=400496

          تعليق


          • #6
            تبارك الله هادشي عندك غزال بحال ديما
            الله يعطيك الصحة
            sigpicاللهم احفظ لي ابنتي واجعلها من الذرية الصالحة وبارك اللهم لي فيها واجعلها من الشاكرات

            تعليق


            • #7
              تبارك الله عليك الله يعطيك الصحة

              تعليق


              • #8
                تبارك الله هادشي عندك غزال بحال ديما
                الله يعطيك الصحة
                sigpicاللهم احفظ لي ابنتي واجعلها من الذرية الصالحة وبارك اللهم لي فيها واجعلها من الشاكرات

                تعليق


                • #9

                  تعليق


                  • #10
                    السلام عليكم ورحمة الله وبركاته
                    تبارك الله وماشاء الله عليك اختي حليوات رائعين الله يعطيك الصحة
                    تستاهلين 10 نجمات

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X