إعـــــــلان

تقليص
لا يوجد إعلان حتى الآن.

طارط بالبسكوي ديال tostada (مممممممم)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طارط بالبسكوي ديال tostada (مممممممم)

    السلام عليكم ورحمة الله وبركاته
    كيف حالكم حبيباتي الانيقات
    اليوم وجدت طارط بالبسكوي ساهلا وخفيفة ودريفة :D
    وقلت نوريهالكم وتقولولي راي ديالكم وتوجدوها لوليداتكم

    في الاول هاهو واحد الكاس ديال العصير وواحد المورصو ديال البسكوي او الطارط سميوها كيف بغيتو :rolleyes:
    جربوها
    الا عجباتكم هودو لتحت وشوفو الطريقة
    والا معجباتكم غير قبلوها مني وصاف:D


    والكريما اللي استخدمنا هنا هي
    فلان مع خيزو"الجزر"
    و كريم باتسيير


    غنبداو على بركة الله الطريقة

    غنحتاجو (-انا غندير المقدار اللي درت انا و انتم ديرو على حسب اللي بغيتو_)
    4 بكيات ديال بسكوي tostada

    كريما ديال خيزو غنحتاجو فيها

    10 جزرات متوسطات======))...( الا بغيتي تنقصي هاداك شغلك والذوق ديالك ولكن من الاحسن تكتريه لان الجزر صحي )
    1 فاني
    1 ملعقة كبيرة سكر
    1 فلان (ونطيبوه على الطريقة اللي مكتوبة في الغلاف ديالها اللي كتكون من فلان +حليب+سكر)
    الطريقة
    كنطيبو الجزر في الماء

    ملي يطيب خيزو نديروه فالخلاط مع الماء اللي طاب فيه حتى يولي سائل

    و نصبوه فكسرونة ونظيف عليه 1 م ك سكر + 1 فاني



    ونخليوه على نار هادئة حتى يغلي ونحيدوه على النار

    وفنفس الوقت نطيبو فلان مع الحليب والسكر


    و نخلط الخليط ديال خيزو مع فلان





    ودبا ننتقل للخليط ديال كريم باتسيير
    كنطيبو الكريم باتسيير بالطريقة اللي مكتوبة ف الغلاف ديالها
    (كريم باتسيير+الحليب+سكر) وكديريه على النار حتى يعقاد

    ولك الاختيار تزيدي او تنقصي في الخليط

    دبا ناخدو واحد الصينية ونستفو عليها البسكوي

    ونصبو عليها من فوق نصف داك الخليط ديال الجزر وفلان وندوزوها على البسكوي كله

    ونرد عليها طبقة اخرى ديال البسكوي ونصب عليها طبقة ديال كريم باتسيير

    ونرد عليها طبقة ديال البسكوي ونرد عليها طبقة ديال كريم ديال الجزر وفلان
    ونستمر بهاد الطريقة حتى نكمل كلشي لي عندي
    و يمكن ليك تزيدي فالطبقات على حسب اللي بغيتي
    ويمكن ليك ديري الكريم بكمية كبيرة الا بغيتي تبان الكريمة كطبقة غليظة حيت البسكوي كتشرب الكريما
    وتزوقي بالشكلاللي بغيتي

    انا هادا هو الزواق اللي درت ليه ( غير قبلو عليه وصاف)

    هادي الطبقة الاخيرة ديال الكريم باتسيير
    ودرت ليها خطوط بالشكلاط







    فالجناب درت حبيبات ديال الكورن فليكس وهادي الصورة ديالو
    ويمكن ليك ديري اللوز مهرمش
    او الكركاع
    او كوكو
    او او او ........:cool:


    وهادي شكلاط من بعد مدوبتها زوقت بيها على الكاغيط ودخلتهاللتلاجة باش تشد فراسها
    (وملي خديتها باش نزوق كاع تهرسات لي اول مرة كنديرها ودرت فيها غير شوي ديال الشكلاط و تهرسات كلها :p)


    و ها احنا سليييييييينا
    وها هي واجدا


    كتشوفو دوك الطبقات مبانوش مزيان حيت شرباتها البسكوي
    حيت مدرتش بزاااف


    ولكن راها كدووووووووب فالفم
    وكتولي طرييييييييييية
    لا تحاول أن تعيد حساب الأمس وما خسرت فيه ...
    فالعمر حين تسقط أوراقه
    لن تعود مرة أخرى...ولكن مع كل ربيع جديد سوف تنبت أوراق أخرى...
    فأنظرإلى تلك الأوراق التي تغطي وجهه السماء ...
    ودعك مما سقط على الأرض فقد صارت جزاء منها ...

  • #2
    تبارك الله عليك جاتك غزالة

    تعليق


    • #3
      رائعة أختي و الفكرة ديال الجزر أول مرة كنشوفها الله يعطيك الصحة

      تعليق


      • #4
        المشاركة الأصلية بواسطة اكرام70 مشاهدة المشاركة
        تبارك الله عليك جاتك غزالة


        الله يبارك فيك الغزالة ديالي
        نورتي الموضوع
        الله يحفظك
        لا تحاول أن تعيد حساب الأمس وما خسرت فيه ...
        فالعمر حين تسقط أوراقه
        لن تعود مرة أخرى...ولكن مع كل ربيع جديد سوف تنبت أوراق أخرى...
        فأنظرإلى تلك الأوراق التي تغطي وجهه السماء ...
        ودعك مما سقط على الأرض فقد صارت جزاء منها ...

        تعليق


        • #5
          المشاركة الأصلية بواسطة myriama مشاهدة المشاركة
          رائعة أختي و الفكرة ديال الجزر أول مرة كنشوفها الله يعطيك الصحة

          شكرا اختي على المرور
          والفكرة ديال الجزر غزالة
          بالخصوص لوليدات الصغار اللي مكيحملوش الجزر
          تحياتي لك غاليتي
          لا تحاول أن تعيد حساب الأمس وما خسرت فيه ...
          فالعمر حين تسقط أوراقه
          لن تعود مرة أخرى...ولكن مع كل ربيع جديد سوف تنبت أوراق أخرى...
          فأنظرإلى تلك الأوراق التي تغطي وجهه السماء ...
          ودعك مما سقط على الأرض فقد صارت جزاء منها ...

          تعليق


          • #6
            تبارك الله عليك أختي غزالة الله يعطيك الصحة
            احبكن في الله

            تعليق


            • #7
              تبارك الله عليك اختي .باينة لديدة غادينجربها انشاء الله.

              تعليق


              • #8
                السلام عليكم ورحمة الله وبركاته
                جزاك الله خيرا اختي عيون بريئة
                باين لذيذ
                ثبت في تاريخيه


                وحي القبور

                http://www.anaqamaghribia.com/vb/sho...098&highlight=

                تعليق


                • #9
                  جزاك الله خيراً و جعله في ميزان حسناتك
                  اذ لم تجمعنا الايام جمعتنا الذكريات
                  و
                  اذا العين لم تراكن فالقلب لن ينساكن

                  يظل القلب يذكركن وتبقى النفس تشتاق

                  فياعجباً لصحبتكن لها في القلب آفــــاق


                  تعليق


                  • #10
                    تبارك الله عليك باين لذيذ

                    تعليق


                    • #11
                      المشاركة الأصلية بواسطة jiji12 مشاهدة المشاركة
                      تبارك الله عليك أختي غزالة الله يعطيك الصحة

                      شكراا لكي غاليتي على المرور
                      اسعدني تواجدك
                      لا تحاول أن تعيد حساب الأمس وما خسرت فيه ...
                      فالعمر حين تسقط أوراقه
                      لن تعود مرة أخرى...ولكن مع كل ربيع جديد سوف تنبت أوراق أخرى...
                      فأنظرإلى تلك الأوراق التي تغطي وجهه السماء ...
                      ودعك مما سقط على الأرض فقد صارت جزاء منها ...

                      تعليق


                      • #12
                        المشاركة الأصلية بواسطة تودا مشاهدة المشاركة
                        تبارك الله عليك اختي .باينة لديدة غادينجربها انشاء الله.
                        الله يبارك فيك اختي
                        و انا نصحك تجربيها حيت غادي تجي زويييينة
                        لا تحاول أن تعيد حساب الأمس وما خسرت فيه ...
                        فالعمر حين تسقط أوراقه
                        لن تعود مرة أخرى...ولكن مع كل ربيع جديد سوف تنبت أوراق أخرى...
                        فأنظرإلى تلك الأوراق التي تغطي وجهه السماء ...
                        ودعك مما سقط على الأرض فقد صارت جزاء منها ...

                        تعليق


                        • #13
                          المشاركة الأصلية بواسطة ام الحلوين مشاهدة المشاركة
                          السلام عليكم ورحمة الله وبركاته
                          جزاك الله خيرا اختي عيون بريئة
                          باين لذيذ
                          ثبت في تاريخيه

                          و عليكم السلام ورحمة الله وبركاته
                          وششكرا لكي على التثبيت فهذا يشجعني كثييييرا:d
                          اسعدني تواجدك
                          لا تحاول أن تعيد حساب الأمس وما خسرت فيه ...
                          فالعمر حين تسقط أوراقه
                          لن تعود مرة أخرى...ولكن مع كل ربيع جديد سوف تنبت أوراق أخرى...
                          فأنظرإلى تلك الأوراق التي تغطي وجهه السماء ...
                          ودعك مما سقط على الأرض فقد صارت جزاء منها ...

                          تعليق


                          • #14
                            المشاركة الأصلية بواسطة حسناء الرودانية مشاهدة المشاركة
                            جزاك الله خيراً و جعله في ميزان حسناتك

                            جزاك الله الجنة غاليتي
                            شكرا لمرورك العطر
                            لا تحاول أن تعيد حساب الأمس وما خسرت فيه ...
                            فالعمر حين تسقط أوراقه
                            لن تعود مرة أخرى...ولكن مع كل ربيع جديد سوف تنبت أوراق أخرى...
                            فأنظرإلى تلك الأوراق التي تغطي وجهه السماء ...
                            ودعك مما سقط على الأرض فقد صارت جزاء منها ...

                            تعليق


                            • #15
                              المشاركة الأصلية بواسطة bent bladi مشاهدة المشاركة
                              تبارك الله عليك باين لذيذ

                              الله يبارك فيك اختي
                              شكرا لكي غاليتي للمرور العطر
                              لا تحاول أن تعيد حساب الأمس وما خسرت فيه ...
                              فالعمر حين تسقط أوراقه
                              لن تعود مرة أخرى...ولكن مع كل ربيع جديد سوف تنبت أوراق أخرى...
                              فأنظرإلى تلك الأوراق التي تغطي وجهه السماء ...
                              ودعك مما سقط على الأرض فقد صارت جزاء منها ...

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X