إعـــــــلان

تقليص
لا يوجد إعلان حتى الآن.

كيك جنواز بالفاني والكاكاو بالخطوات المصورة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيك جنواز بالفاني والكاكاو بالخطوات المصورة

    السلام عليكم ورحمة الله وبركاته

    المقادير:

    لاباط جنواز بيضاء (بالفاني):

    4 البيضات +120 غ الدقيق+ 120 غ سنيدة + 1 لباني + راس معلقة صغيرة الخميرة الحلوى.

    لاباط جنواز سوداء (بالكاكاو):

    4 البيضات +120 غ الدقيق+ 120 غ سنيدة + معلقة كبيرة الكاكاو + راس معلقة صغيرة الخميرة الحلوى.

    للتزيين:

    كريم شنتيي (أنا تنشريه جاهز عند محلات لي تتبيع أنواع العصير ومنها تنربح الوقت تنشري علبة وحدة ب 9 دراهم وتيكون فيه السكر وكإضافة يمكن ليك تنسميه بمعلقة صغيرة القهوة السريعة الدوبان أو الكاكاو وتخلطي بالملعقة، أنا هنا خليتو عادي مضفت ليه والو) + كريم بتسيير (حتى هو تنشريه تقريبا جاهز تنشري علبة كريم باتسيير ومكتوب عليها طريقة التحضير تندير في إناء 2 معالق كبار غبرة كريم باتسيير مع 3 معالق كبار سكر كلاصي في العلبة كاتبين سنيدة لكن أنا تنستعمل سكر كلاصي لأني تنشوف أنه ناقص في الحلاوة على السنيدة ونخلط ونضيف نص إطرو الحليب ونوضعهم على نار نهيلة مع التخلاط لمدة 2 دقايق وهو واجد)+ البنان مقطع دوائر + fruits confits+ لسقي الجنواز استعملت فانتا.
    كإضافة كذلك دائما نكونوا مغربلين الدقيق والكاكاو والخميرة من قبل
    الطريقة مع الصور:

    أول شيء إلا بغيتي كيك جنواز تطلع مزيانة وخفيفة لازم البيض تكوني خرجتيه قبل باش ياخذ حرارة المطبخ وأنا خرجتوا قبل ومنين بغيت نشرع في تحضيرها غسلتوا كيما العادة وشللتوا في الأخير بالماء الدافىء ومنين غطربيه غتلاحظي أنه يتكاثف بسرعة وتيساعد أن الكيك يجي هشيش وطالع.

    نبدأ على بركة الله:

    لتحضير الكيك بالفاني:
    في إناء نعملوا البيض ونضيفوا ليه السنيدة ولباني ونطرب بواسطة الطراب الكهربائي حتى يولي بحال الرغوة ويضاعف الحجم ديالو من بعد نضيف له الدقيق لي مخلط مع الخميرة معلقة بمعلقة ونخلط هاد المرة بمعلقة العود على شكل ثمانية كيفما قالت أستاذتنا الطيبة أم هداية.






    وفي صحن دائري ندهن بالزبدة ونرشو بالدقيق نصب الخليط وندخلها إلى الفرن يكون سخناه من قبل لمدة 45 دقيقة (على حسب فران كل وحدة)

    لتحضير الكيك بالكاكاو:
    في إناء نعملوا البيض ونضيفوا ليه السنيدة ونطرب بواسطة الطراب الكهربائي حتى يولي بحال الرغوة ويضاعف الحجم ديالو من بعد نضيف له الكاكاو ثم الدقيق لي مخلط مع الخميرة معلقة بمعلقة ونخلط هاد المرة بمعلقة العود على شكل ثمانية كما قالت دائماأستاذتنا الطيبة أم هداية.





    نفس الشيء وفي صحن دائري ندهن بالزبدة ونرشو بالدقيق نصب الخليط وندخلها إلى الفرن يكون سخناه من قبل لمدة 45 دقيقة (على حسب فران كل وحدة) .

    من بعدما نخرجوا الكيك وبعدما يبرد نقسموا كل كيك على النصف ونسقيوه بفانتا



    ونشرعوا في التزيين: علبة كريم باتسسير لي قلت ليكم عليها وعلبة كريم شنتي جاهز و نص إطرو الحليب باش نخلط غبرة كريم باتسيير مع سكر كلاصي لي نسيت مصورتوش.



    نوضع الدائرة الأولى ديال كيك الفاني ونعمل ليها كريم باتسيير لي صوبت.



    من بعد نوضع فوق منها الكيك بالكاكاو ونوضع كريم شنتيي



    من بعد كيك الفاني وكريم باتسيير



    ثم في الأخير كيك الكاكاو وندهنوا بالكريم فريش كامل



    في التزيين عملت الشكلاط أسود يدوب وعملت عصيان وخزعبيلات هههههه ووريدات وهكذا بقيت غير تنخطط والفكرة ديال الأخت الطيبة أم هداية أكيد غير الفكرة أما التصميم لي درت لا علاقة بداكشي لي عملات حبيبتي أم هداية هههههه المهم دخلتو للثلاجة باش يجمد من بعد زوقت بيه الكيك



    نخليكم مع التزيين:

    زينت الدائرة ديال الكيك بالعصيات ديال الشكلاط






    عملت البنان دوائر في جوانب الكيك ووضعت على كل دائرة البنان fruits confits



    وضعت باقي الأشكال فوق الكيك



    ودردت عليه الكاكاو



    هنا تيبان الطبقات






    نتمنى أنكم تجربوها لأنها تتجي هشيشة ولذيذة
    لكم مني أطيب المنى
    أختكن نـهـــال لا تنسوها من صالح دعائكن

  • #2
    يييمممممممممم لذيذة يعطيك الصحة و يحفظك حبيبتي في الله






    تعليق


    • #3
      ربي يخليك أختي ويطول في عمرك بالصحة والراحة ونورتي الموضوع حبيبتي

      تعليق


      • #4
        ما شاء الله سلمت يمناك اختي ولا تحرمينا من جديدك...










        تعليق


        • #5
          السلام عليكم ورحمة الله وبركاته
          الله اجزيك بالخير و اسهل امرك يارب امييين
          مميز و لذيذ
          ثبت و خمس نجماااااات


          وحي القبور

          http://www.anaqamaghribia.com/vb/sho...098&highlight=

          تعليق


          • #6
            كيك غزاااااااااال و تيشهي
            الله يعطيك الصحة يا حبيبة
            اللهم إني أسألك بأني أشهد أنك أنت الله لا إلاه إلا أنت الواحد الفرد الصمد الذي لم يلد و لم يولد أن تسهل أمر أحبتي و تفرج همهم و تيسر غايتهم.



            تعليق


            • #7
              المشاركة الأصلية بواسطة lilas مشاهدة المشاركة
              ما شاء الله سلمت يمناك اختي ولا تحرمينا من جديدك...
              بارك الله فيك أختي lilas دائما تنوري مواضيعي جزاكِ الله خيرا

              تعليق


              • #8
                المشاركة الأصلية بواسطة ام الحلوين مشاهدة المشاركة
                السلام عليكم ورحمة الله وبركاته
                الله اجزيك بالخير و اسهل امرك يارب امييين
                مميز و لذيذ
                ثبت و خمس نجماااااات
                عليكم السلام ورحمة الله وبركاته
                وأنت من أهل الجزاء أختي الطيبة أم الحلوين
                ألف شكر على التثبيت والتقييم
                الله ينصرك أختي وينور طريقك ذنيا وآخرة

                تعليق


                • #9
                  المشاركة الأصلية بواسطة أم أيمن1 مشاهدة المشاركة
                  كيك غزاااااااااال و تيشهي
                  الله يعطيك الصحة يا حبيبة
                  مرورك لي غزااااال وردك الكريم أثلج صدري
                  بارك الله فيك أختي أم أيمن الله يخليك دائما منورة

                  تعليق


                  • #10
                    sigpic

                    تعليق


                    • #11
                      تبارك الله عليك

                      تعليق


                      • #12
                        تبارك الله عليك

                        تعليق


                        • #13
                          تبارك الله عليك

                          تعليق


                          • #14
                            تبارك الله عليك والله يعطيك الصحة

                            كيك رائع جدا

                            وقولي اختي واش فانتا تنسقيوها بيها باستعمال الشيتة ياك

                            بحال السيرو

                            واشمن ماركة الكريم لي شريتي؟
                            الا ممكن تورينا صورتو

                            تعليق


                            • #15
                              تبارك الله عليك اختي جاتك ممتازة وروعة
                              لا تحاول أن تعيد حساب الأمس وما خسرت فيه ...
                              فالعمر حين تسقط أوراقه
                              لن تعود مرة أخرى...ولكن مع كل ربيع جديد سوف تنبت أوراق أخرى...
                              فأنظرإلى تلك الأوراق التي تغطي وجهه السماء ...
                              ودعك مما سقط على الأرض فقد صارت جزاء منها ...

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X