طارط ساهلة ماهلة بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طارط ساهلة ماهلة بالصور

    السلام عليكم ورحمة الله وبركاته
    كيدرين الأنيقات لاباس عليكم نتمنى تكونوا بخير وعلى خير توحشتكم بزاااف
    بعد غياب جبت ليكم طارطة ساهلة ماهلة بمقادير بسيطة وتتجي رااائعة نتمنى أنكم تجربوها

    المقادير:

    4 البيضات
    7 المعالق كبار السنيدة
    7 المعالق كبار الزيت
    7 المعالق كبار الحليب
    1 فاني
    1 خمارة
    الدقيق حسب الخليط

    للتزين: 3 التفاحات مقطعين طراف على شكل طولي + القليل من العسل أو الكنفتير

    الطريقة:

    بواسطة الطراب الكهربائي نطربوا البيض + السنيدة + فاني + الزيت + الحليب ونطرب الخليط



    وفي إناء نصبوا الخليط ونضيفوا ليه القدر الكافي ديال الدقيق مغربل + الخمارة ونخلط



    وفي صحن دائري ندهنوه بالزبدة ونرشوه بالدقيق نصبوا الخليط





    ونستفوا قطع التفاح نبداوا من أطراف الدائرة إلى المركز





    وندخلوها للفرن نكونوا سخناه قبل ونديروها طيب تقريبا ساعة لروب (45 د)
    ومن بعد نخرجوها وهي سخونة نسقيوها بالعسل أو الكونفتير







    بالصحة والراحة

  • #2
    السلام عليكم و رحمة الله
    على سلامتك يا للا فين كتغبري علينا يا حبيبة
    تبارك الله عليك طارطة غزاااااااالة و كتشهي بالصحة و الراحة
    و 5 دنجمات من عندي يا للا
    ثبت بتاريخه
    [/QUOTE]

    تعليق


    • #3
      تبارك الله عليك

      تعليق


      • #4
        تبارك الله عليك اختي والله يعطيك الصحة
        كيكة فاعلة تاركة وكتشهي
        سلمت يداك غاليتي

        تعليق


        • #5
          تبارك الله عليك جاتك غزالة و بنينة

          كنعتقد حتى البوعوييددددد يجي فيها زوين

          الله يديمها عليك نعمة يا ربي
          [/CENTER]

          تعليق


          • #6
            تبارك الله عليك اختي والله يعطيك الصحة


            تعليق


            • #7
              تبارك الله عليك اختي
              باينة زوينة الله يعطيك الصحة

              اللهم اني استودعك ابنتي فاحفظها اللهم بحفظك واحرسها اللهم بعينك التي لا تنام واجعلها
              من الصالحات ومن حاملات كتابك الكريم اللهم امين

              تعليق


              • #8
                مشكوووووورة والله يعطيك الف عافيه
                :s8476:

                تعليق


                • #9
                  المشاركة الأصلية بواسطة oum hedayah مشاهدة المشاركة
                  السلام عليكم و رحمة الله
                  على سلامتك يا للا فين كتغبري علينا يا حبيبة
                  تبارك الله عليك طارطة غزاااااااالة و كتشهي بالصحة و الراحة
                  و 5 دنجمات من عندي يا للا
                  ثبت بتاريخه
                  عليكم السلام ورحمة لله وبركاته
                  كيديرة استاذتي الغزالة والطيبة لاباس عليك وكيديرين البنيات الفنات الله يحفظهم ويخليهم ليك يااااربي
                  والله أختي سمحو ليا بزاااف غبرت عليكم شوية لظروف وخا مسولتوش فيا
                  ولكن وخا هاكاك مرة مرة تندير طليلة راكم دائما في البال وفي القلب وخاصة نتيا والله شاهد على ما أقول
                  فرحت بزاااف حينت نتي الأولى لي ردتي على موضوعي منوراني دائما الله ينورك أحبيبة دنياوآخرة وشكرا بزاااف على التقييم والتثبيت

                  تعليق


                  • #10
                    المشاركة الأصلية بواسطة نرجس 19 مشاهدة المشاركة
                    تبارك الله عليك
                    الله يبارك فيك أختي نرجس دائما منوراني لله يجازيك بخير

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X