كيكة بالشكلاط والبنان مممممم بنينة هههه

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيكة بالشكلاط والبنان مممممم بنينة هههه

    السلام عليكم ورحمة الله
    كيفكم ياأحلى أنيقات
    اليوم حبيت نوريكم واحد الحلوة
    فنة عملتها وصدقات لى
    زوينة بزاف قالت نشارك
    خوتاتى بيها
    بالحق التصاور ماشى ديالى
    للإمانة
    راه برطابلى خاسر بالحق لو صلحتو غادى نبقا نقدم ليكم إن شاء الله وصفات من مطبخى بإديا ههههههههههه
    نبداو على بركة الله
    أنا رانى عملت ليكم الترجمة ههههه من لغتها الأم لدارجة ديالنا باش كلشى إفهم
    نبداو
    ونقولو بسم الله
    المقادير
    1 كاس وربع دقيق الفورص مغربل مزيان
    (ملاحضة الدقيق أنا تنخدم عينى ميزانى)
    2 بيضات كبار بدرجة حرارة المطبخ باش تطلع لينا الكيكة مزيان
    1 كاس سكر
    2 خمارة حمرين
    خمارة بيضة
    قبصة ديال الملح
    كاس إلى ربع حليب
    (ملاحضة أنا درت نيدو لموجود عندى )
    3 المعالق كبار كاكو
    (أنا درت كوبيل)
    معلقة صغيرة نشا (ميزينا)
    3 ديال البنانات مقطعين شرائح
    4 تال 5 معالق زبدة سايحة أو زيت
    الطريقة
    تنحطو المواد الجافة كلها مع بعضياتها لى هيا الدقيق + كوبيل +الملح+الخمارة حمراء فى إناء
    وتناخدو داك الكاس ديال الحليب لدكرناه قبيلة تنضيفو لو النشا ونخلطوه والحليب إكون من الأفضل بارد
    وفى إناء أخر تندوبو الزبدة أنا درت الزبدة مع السكر تنبقاو نحركوها من بعد تنزيدو البيض والفانى مع التحراك ونزيدو الحليب لدوبنا فيه النشا وتنبقاو نحركو من بعد تنضيفو داك الدقيق لى مخلط بكوبيل والملح .... لصلحنا فى الأول ونحركوه مزيان مزيان لحد ماجميع العناصر تتمتازج مزيان

    من بعد تنقبطو المول ديالتا وندهنو بالزبدة ورشة الدقيق
    وتنقطعو البنان دوئر ونحطوه فى المول على هاد الشكل
    أو كيف مابغيتى نتيا أكيد كل وحدة منا راه تتضيف الإضافات ديولها


    من بعد تنخويو الخليط عليه

    وتندخلوه الفران تنشعلو للفوق أولا
    من بعد التحت أكيد هدشى الجميع عارفو هههه

    وهدا الشكل ديالها من بعد ماطابت



    إوا بصحتكم الحبيبات
    متنسونى من دعائكم


    [CENTER]

    [CENTER]

  • #2
    مشكوووووورة والله يعطيك الف عافيه

    تعليق


    • #3
      tbarkallah 3lik okhti
      لا تحاول أن تعيد حساب الأمس وما خسرت فيه ...
      فالعمر حين تسقط أوراقه
      لن تعود مرة أخرى...ولكن مع كل ربيع جديد سوف تنبت أوراق أخرى...
      فأنظرإلى تلك الأوراق التي تغطي وجهه السماء ...
      ودعك مما سقط على الأرض فقد صارت جزاء منها ...

      تعليق


      • #4
        المشاركة الأصلية بواسطة afafe10 مشاهدة المشاركة
        مشكوووووورة والله يعطيك الف عافيه
        شكراااا لك غاليتى
        أسعدتنى مشاركاتك
        نورتينى والله
        [CENTER]

        [CENTER]

        تعليق


        • #5
          المشاركة الأصلية بواسطة عيون بريئة مشاهدة المشاركة
          tbarkallah 3lik okhti
          الله إبارك فيك غاليتى
          نورتينى
          [CENTER]

          [CENTER]

          تعليق


          • #6
            اختي تبارك الله عليك

            و لكن ابغيت نسولك واش هاد الصور من مجهودك الشخصي...


            تعليق


            • #7
              تبارك الله عليك كيكة غزالة و باينة فيها لديدة

              تعليق


              • #8
                تبارك الله عليك اختي
                التوقيع

                ياربي تشفي ماما وا جميع المسلمين


                ياربي تشفي ماما وا جميع المسلمين



                لربح فلوس من الانترنيت شوفو http://www.neobux.com/?r=sounods

                تعليق


                • #9
                  المشاركة الأصلية بواسطة ام رزان مشاهدة المشاركة
                  اختي تبارك الله عليك

                  و لكن ابغيت نسولك واش هاد الصور من مجهودك الشخصي...
                  شكراااا ربى إحفضك
                  نورتينى والله
                  بالنسبة للصور راه قلتها فى بداية موضوعى للأمانة ورانى مراعيا ربى لا الصور ماشى دياولى
                  ولكن الكيكة أنا مجربها وطلعات غزالة جربوها ومعندكم مناش تخافو
                  ردك شرف ليا بارك الله فيك غاليتى
                  [CENTER]

                  [CENTER]

                  تعليق


                  • #10
                    المشاركة الأصلية بواسطة amanisa مشاهدة المشاركة
                    تبارك الله عليك كيكة غزالة و باينة فيها لديدة
                    بارك الله فيك الحبيبة
                    نورتينى
                    [CENTER]

                    [CENTER]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X