تطبيق متقن ღ♥الكيكة الاسفنجية بالخطوات التفصيلية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تطبيق متقن ღ♥الكيكة الاسفنجية بالخطوات التفصيلية


    اليوم عملت كيكة اسفنجية على طريقة فراشة الربيع الله يذكرها بالخير
    والصراحة الكيكة رائعة بكل معنى الكلمة
    الله يجزاها الخير الاخت فراشة الربيع
    لانه كلمة شكر ما بتوفيها حقها الصراحة
    لاني واخيرا زبطت معي الكيكة وبكل جدارة
    حتى اليوم جبنا كيكة جاهزة
    وللامانة كل سلافي حكولي ما بتفرق عنها ولا باي اشي

    اليوم حابة اورجيكم الخطوات بالتفصيل
    لانه دمعات العيون (ام عبود)
    عيد ميلاد ابنها عبود الله يحميه كمان 10 ايام تقريبا
    بصير سنة عقبال ان شاء الله 100 سنة



    المقادير

    مقادير رقم 1

    كاسة سكر ناعم
    تلات ارباع الكاسة ماء
    نص كاسة زيت
    كاستين الا ربع طحين
    انا حطيت كاسة طحين للكيك وتلات ارباع الكاسة طحين عادي
    باكيت فانيلا
    باكيت باكنج باودر
    وازا ما حطيتي طحين كيك حطي بكيتين بكنج باودر
    برش ليمون
    صفار خمس بيضات





    هون فرح لقيتها دايرة السكر على الطحين هههههه
    منشان هيك مبينة كاسة السكر ناقصة معلش

    لما تفصلي البياض عم الصفار حطي على البياض بكيت فانيلا
    مع رشة ملح واتركيهم

    انا دهنت صينيتين مقاس 22 بشوية زيت وحطيت ورق زبدة






    حطي على الصفار الفانيلا وبرش الحامض
    وبلشي اخفقي









    بنضل نخفق لحد ما يصير الصفار فاتح








    بنضيف السكر والمي والزيت
    وبس ينخلطو منيح بنضيف الطحين على دفعات وبنضل نخفق
    بالخفاقة على سرعة واطية
    والطحين على فكرة نخلتو مرتين مع البكنج باودر





    شوفو كيف صار الخليط بعد ما خلصنا خفق

    هلأ بنيجي لمقادير رقم 2
    بياض خمس بيضات
    رشة ملح
    باكيت فانيلا
    ونص كاسة سكر ناعم

    ومعلقة عصير حامض بنحطها بس ينفش البياض منيح



    هاد شكل البياض بعد ما نفش



    بس بدي احكي شغلة لازم يكون الصحن اللي بتخفقي فيه جاف تماما
    والخفاقة انا غسلتها ونشفتها منيح
    لانه اي نقطة مي بتخرب البياض وما بعود ينفش

    وبعدين بنحط من البياض على خليط الصفار على دفعتين او تلاتة حسب
    وبنستخدم الاسباتولا وبنخفق من فوق لتحت منشان الهوا ما يطلع من الخليط




    هاد شكل الخليط النهائي




    وبنكون محميين الفرن طبعا
    وبندير الخليط بالصينيتين اللي حضرناهم




    وهاد شكل الكيكة لما طلعت من الفرن
    ما شاء الله



    انا خليتهم يبردو ربع ساعة زمان
    بعدين قلبتهم على بشكير لانه ما عندي شبك خصوصي
    وهاي شكل الكيكة عن قرب




    هلأ بنيجي للتزيين وهون انا بصراحة بخبص خبايص الدنيا
    ما بعرف شو بصرلي لما اجي ازين
    بكون حاطة ببالي افكار بس للاسف عند التطبيق بنعجق هههههه
    شو صرت اعمل بجيب صينية نفس المقاس وبحط عليها نايلون
    انا هاي الفكرة اخدتها من نور الهدى الله يقومها بالسلامة





    وعملت كريمة عادية




    وحمصت جوز هند لحتى صار لونه دهبي
    وقسمت كل كيكة لقسمين بس الصراحة تفتفتت معي
    لانها مخبوزة بنفس اليوم
    وجبت مية اناناس منشان اطريها شوي
    وصرت احط طبقة كيكة وكريما وجوز هند فوقيها وهيييييييييك لحت خلصت كل الكيكة






    وانا ضفت كريما حتى بقاع الكيكة وكمان حطيت بقاع الصينية




    وحطيتها بالفريزر ساعة زمان
    وبلشت اخبص قصدي ازين هههههه


    زينتها بجوز الهند والكريما وشوية شوكولاته مبشورة
    كان عندي لوح شوكولاته برشت شوية منه بمبشرة الخضار







    منقول
    sigpic

  • #2
    تبارك الله عليك

    تعليق


    • #3
      tabarekalah hadechi ghezaaaal alah yekhalilek beniyetak we yehfedeha ya rabe al 3alamin


      [/url][/IMG]

      تعليق


      • #4
        الله يحفظك و يسترك
        </blo

        تعليق


        • #5
          ماشاء الله

          تعليق


          • #6
            الله يعطيك الصحة

            تعليق


            • #7

              السلام عليكم ورحمة الله وبركاته

              ما شاء الله.. روعة
              تسلم الايادي
              :)
              بارك الله فيك اختي
              جزاك الله الفردوس الاعلى
              في رعاية الرحـــمان
              :)




              تعليق


              • #8
                sigpic

                تعليق


                • #9
                  تبارك الله عليك أختي العزيزة أجار الله يديك من النار

                  تعليق


                  • #10
                    تبارك الله عليك أختي العزيزة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X