إعـــــــلان

تقليص
لا يوجد إعلان حتى الآن.

طرطة هدية من زوجة لزوجها

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طرطة هدية من زوجة لزوجها

    بسم الله الرحمان الرحيم
    و السلام عليكم و رحمة الله تعالى و بركاته
    سمحوليا اخواتي الحبيبات نشارككم هاد الطرطة لي درت و هادي اول تجربة ليا بغيت نشاركها معا الاخوات المبتدئات بحالي
    هاد الطرطة درتها مفاجآة لزوجي حيت تتعجبو بزاف الحلوة لي فيها لاكريم و قلت علاش لي منصايبهاش ليه انا فدار و الحمد لله عجباتو بزااااااف و فعلا هاد الهدية واخا بسيطة و لكن جاتو فعينيه كبيرة
    قلت نشاركها معا حبيباتي ليبغيو حتى هما يجربوها
    ايوا واقيلا باراكا من قوة الهدرة و نبدا فالمعقول ياكو هههههه
    يالاه بسم الله
    هادي هيا صورة الطرطة






    اولا القالب ماكانكسابووووووووش جاتني فكرة طرطة على شكل قلب و لكن القالب معنديش وانا نبدا نفكر اش غندييييييييير و ميمكنش نخرج نشريه بلا ميعرف راجلي ايوا هاهوا القالب لي درت


    صابيتو من ورق الالومينيوم و غلفتو من الداخل بورق سولفيريزي و دهنتو بالزبدة و درت فراني يسخن على 180 درجة لفوق و لتحت
    بالنسبة لاجينواز سمحولي معنديش الصور بالتفصيل حيت كيف قلت ليكم هادي اول مرة ماكانش فبالي غتصدقلي هههههههه
    غتحتاجو 4 بيضات 125 غرام سكر سنيدة 125 غرام طحين
    اولا نخلطو 4بيضات مع 125 غرام من السكر نطربوهم بالطراب الكهربائي لمدة 20 دقيقة حتا يولي الخليط ملي كتهزي لحديدة ديال الطراب خيط واحد
    من بعد نضيفو الطحين بشوية شوية و نحركو بملعقة خشب من لتحت لفوق ماشي بطريقة دائرية باش تهوى و ميتهرسش البيض
    فاش الخليط ديالنا يولي متجانس نكبوه فالقالب ديالنا و نحطوه فالفرن لمدة 20 دقيقة ممكن دخلي سكين فلاجينواز الى خرج ليك ناشف عرفيها طابت
    خرجيها حيديها من القالب و خليها تبرد
    ملي تبرد قسميها على 3ديال الطبقات كل طبقة سقيها بالسيرو (خليط السكر و الماء نحطوه فوق البوطة يعقد شوية و نحيدوه نخليوه يبرد عاد نستعملوه)و نخليوها تشرب السقية
    لاكريم : نطربو ساشي شونتيي معا ربع لتر حليب بارد و نحطوها فالمجمد تبرد ملي تبرد نديرو شوية فطاسة و نخلطوه معا الشوكلاط غبرة نسكويك لتزيين
    تزيين : لوز نفزكوه و نفركوه و نقليوه و نطحنوه
    ايوا حبيباتي ملي كيوجد هادشي كامل كتبقى نتي و كيف باغا تزييني
    انا كل طبقة درت فيها شونتيي بيضة و لوز و حطيت وحدة فوق وحدة و غطيت طرطة ديالي من الفوق بالشونتيي بيضة شرطتها بفرشيطة باش تقاد لكريمة و رشيتها باللوز مهرمش و شديت لاكريم بنسكويك و زوقتها بيها من الجناب و كتبت ما كتبته فوسط الكيكة كل وحدة و باش بغات تعبر لزوجها لكن واسع النظر هههه
    و حطيتها فالثلاجة تبرد و ملي جا زوجي حطيتها ليه بالصحة و الراحة
    نتمنى تقبلو عليا و تعجبكم
    السلام عليكم
    الملفات المرفقة
    للهم لك الحمد و لك الشكر كما ينبغي لعظيم وجهك و جلال سلطانك
    اللهم لك الحمد حتى ترضى و لك الحمد اذا رضيت و لك الحمد بعد الرضى
    اللهم بارك لي في ابنتي حفصة و اجعلها لي اللهم من الصالحات الشاكرات التقيات العابدات الله كثيرا
    اللهم ارزق كل اخت فرحة رؤية مولودها سليما معافى بين يديها

  • #2
    تبارك الله عليك
    الله يسعدكم يا رب

    تعليق


    • #3


      ان غبت عنكم
      و ساغيب في يوم من الايام
      فاتمنى من العلي القدير
      ان يكون لي نصيب خير بما خطته يدي
      يصلني بدعائكم لي
      اينما كنت فوق الارض او تحتها


      أمنارAmanarre
      أم ريان و كاميليا
















      فهرس اطباقي المصورة (متجدد ان شاء الله)




      ترقبن جديد وصفاتي المصورة بإذن الله



      تعليق


      • #4
        تبارك الله عليك ما عندي ما نقول و حتى الافكار عندك
        اللهم ادمها نعمة و احفظها من الزوال






        تعليق


        • #5
          بارك الله فيكم حبيباتي
          الله يجعل ربي يملأ كل عش زوجية بالسعادة و المحبة و لهنا و راحة البال
          للهم لك الحمد و لك الشكر كما ينبغي لعظيم وجهك و جلال سلطانك
          اللهم لك الحمد حتى ترضى و لك الحمد اذا رضيت و لك الحمد بعد الرضى
          اللهم بارك لي في ابنتي حفصة و اجعلها لي اللهم من الصالحات الشاكرات التقيات العابدات الله كثيرا
          اللهم ارزق كل اخت فرحة رؤية مولودها سليما معافى بين يديها

          تعليق


          • #6
            تبارك الله عليك و الله يديمها عليكم نعمة
            sigpic

            تعليق


            • #7


              تعليق


              • #8
                تبارك الله عليك اختي رااااااااااااااااائع متميز ماشاء الله و لا قوة الابالله
                مبدعة الله يعطيك الصحة
                لو كان حطيتي لينا الطريقة من الاول اختي كون ثبتنا ليك الموضوع
                فانتظار المزيد من اطباقك اختي شكرا جزيلا لك و احسن تقييم من عندي
                5 دنجمات تبارك الله عليك مرةاخرى و الله يديم المحبة بينك و بين زوجك يا ربي امين اختي
                [/QUOTE]

                تعليق


                • #9
                  السلام عليكم ورحمة الله تعالى وبركاته
                  تبارك الله عليك اختي والله يعطيك الصحة

                  تعليق


                  • #10
                    بارك الله فيكم اخواتي على التشجيع والله فرحتوني بزاف ملي قريت كلماتكم الطيبة و اللهم آآآمييييين على دعواتكم
                    اختي ام هداية النجمات لي حطيتيلي وسام على صدري بارك الله فيك و ان شاء الله المرة الجاية نحط حتى صور الطريقة راه غير باقة مبتدئة و متقتشاي فراسي ههههههههه
                    للهم لك الحمد و لك الشكر كما ينبغي لعظيم وجهك و جلال سلطانك
                    اللهم لك الحمد حتى ترضى و لك الحمد اذا رضيت و لك الحمد بعد الرضى
                    اللهم بارك لي في ابنتي حفصة و اجعلها لي اللهم من الصالحات الشاكرات التقيات العابدات الله كثيرا
                    اللهم ارزق كل اخت فرحة رؤية مولودها سليما معافى بين يديها

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X