كيك بالبنان و اللوز و مغلفة بالباستياح و دائما لاغلى انيقات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيك بالبنان و اللوز و مغلفة بالباستياح و دائما لاغلى انيقات

    ثبت بتاريخه
    من طرف amanarre



    السلام عليكم و رحمة الله تعالى و بركاته انيقاتي
    نتمنى من الله تكونو جميع فاحسن الاحوال ياربي امين



    هاد الكيك حبيباتي ساهلة ولذيذة بزاااااف نتمنى من الله سبحانه وىتعالى انها تعجبكم
    هاد المقادير ديال 2مقالي ديال 15 سنت او وحدة ديال 18 سنتم
    اذن على بركة الله المقادير

    2 بنانات
    ربع كاس ديال اللبن
    160 غ طحين
    2م ص خميرة دالحلوة
    ربع م ص بيكاربونات الصوديوم
    شوية دالملح
    60 غ زبدة فحرارة المطبخ
    80 غ سكر
    نص م فاني
    ربع م ص روح اللوز
    2 بيضات صغار او بيضة حجمها كبير
    30 غ لوز مطحون اختياري
    نسخنو الفرن على 350 درجة (متوسط)
    ندهنو المقالي ديالنا و نرشوهم بالطحين


    نطحنو البنان
    ثم نزيدو عليه اللبن ثم نخلطوهم مزيان و نحطوهم على جنب

    نغربلو الطحين و الملح و الخمائر

    فالطراب نطربو الزبدة حتى تكريما ثم نضيفو السكر بشوية بشوية
    نطربو مزيان
    ثم نضيفو الفاني و روح اللوز و حنا كنطربو

    نضيف البيض و نطربو مزيان

    ثم نضيف دفعة من الطحين المغربل

    و دفعة من البنان المخلط مع اللبن
    ثم دفعة ديال الطحين و دفعة ديال البنان


    ثم كنضيفو اللوز المطحون
    كنديرو الخليط فالمقالي ديالنا


    وندخلوهم للفرن ل 30 حتى ل40 دقيقة

    ها هما منين خرجتهم

    منين خرجتهم من الفران زولت داك الشي لي كان وايد من الفوق باش تكون عندي كيك مقادة

    منين بردت قسمت الكيكات ب 2 و سقيتهم بللسيرو


    طربت الكريم فريش وزدت عليه غاناش ديال الشوكولا كانت واجدة عندي و زدت عليه اللوز محمر و مطحون


    عمرت بهادىالكريم الكيك ديالي دخلتها للتلاجةباش تشد راسها مزيان

    منين خرجتها دهنت وجها بالكريم و رجعتها للثلاجة




    وجدت الباستياج ديللي طلقتو بالمدلك و حطيتو على الكيك

    قطعت الجناب


    خديت طرف دالباستياج وغلقت اللون اكثر
    قطعت 2 ديال الاشرطة بحال هاكا

    و حطيتهم على الكيك

    قطعت 2 اشرطة تانيينو شكلت منهم البابيون

    الطريقة مشروحة اكثر فهاد الرابط
    http://www.anaqamaghribia.com/vb/sho...%CA&highlight=

    ثم درت طرف دالقطن باش تنشف البابيون


    درت كويرات صغار بهاد الحجم و لصقتهم علىالجناب بحال هاكا





    ثم خديتىالغبرة لي كتلمع فالالوان و صبغت بيها الكيك كاملة





    لصقت زهرة الاوركيد لي كاينة طريقتها فهاد الرابط و ها هي الكيك واجدة
    http://www.anaqamaghribia.com/vb/sho...%CA&highlight=
    هاهي منين قسمتها
    نتمنى نكون فدتكم اخواتي و في امان الله
    [/QUOTE]

  • #2
    ماشاء الله ماشاء الله ماشاء الله عليك الزين
    لك مني 5 نجمات امتياز
    للاسم معنديش الحق نعطيك تقيم هههه استهلكتو فموضوع الاركيد



    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله



    تعليق


    • #3
      المشاركة الأصلية بواسطة amanarre مشاهدة المشاركة
      ماشاء الله ماشاء الله ماشاء الله عليك الزين
      لك مني 5 نجمات امتياز
      للاسم معنديش الحق نعطيك تقيم هههه استهلكتو فموضوع الاركيد

      الله يبارك فيك الحبيبة مروروك بالصفحة ديالي هو احسن تقييم والله العظيم اختي
      الله يبارك فيك و الله يجازيك بكل خير يا ربي امين و شكرا جزيلا على التثبيت
      نورتيني شكرا جزيلا لك
      [/QUOTE]

      تعليق


      • #4
        السلام عليكم ورحمة الله
        مممممممممممممممممممم هادشي كيشهي و ماتسخايش تاكليها تخليها غير ديكور ههههههههههه
        ماشاء الله تبارك الرحمان الله يعطيك الصحه اختي العزيزه
        روووووووووعه
        تقبلي مروري

        تعليق


        • #5
          تبارك الله عليك أكنهنك على هاد لعمل رائع :s8476: أنا هادي نخليها غير ديكور ماغن قيسها
          ههههه

          تعليق


          • #6
            ماشاء الله تبارك الرحمان الله يعطيك الصحه اختي

            تعليق


            • #7
              تبارك الله ما شاء الله عطاك الله الصحه

              تعليق


              • #8
                مشكوووووور والله يعطيك الف عافيه

                تعليق


                • #9
                  khti tbarkalah 3lik raki fanana khashom i3tok jaiza dial lcake lahi 3tik saha khti bghit nsowolk ana mali kanzid lmolawin 3la lfondon kisradklia wo ki3od jari mafhamtch 3lach
                  sigpic

                  تعليق


                  • #10
                    ماشاء الله عليك ما خليتيلى منقول حلوى جميلة و راقية فى المنظر و باينة المداق الد, الله يحفظك و ينجيك اختى الحبيبة ام هداية و لهلا يخطيك علينا راه عندك اجر كبير عند الله لانك تتفدينا بزاف, الله يجزيك بكل ما اتمنيتى , انا لازم نتعلم ندير الباستيج اولا و من بعد عاد نقدر نعملها هههههههه, 5 نجيمات من عندى الحبيبة














                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X