إعـــــــلان

تقليص
لا يوجد إعلان حتى الآن.

جبتلكم اسهل كيك من مطبخي وبنين بزاف وعلى ضمانتي كيك بالكريما وهرنيس ف

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جبتلكم اسهل كيك من مطبخي وبنين بزاف وعلى ضمانتي كيك بالكريما وهرنيس ف

    جبتلكم اسهل كيك من مطبخي وبنين بزاف وعلى ضمانتي كيك بالكريما وهرنيس فقط


    نبدا اولا بالمقادير
    8- بكيات هرنيس
    1- زبدة ماركرين
    1- فاني
    1- كاس شاي سنيدة
    ½ - كاس شاي زيت
    ½- ليتر حليب بارد
    1- دانون فانيلا

    دابا الطريقة ديال الكريما
    ناخدو الزبدة نخدموها مزيان فشي قصعة مع السانيدة تا تولي بحال البوماد pomade نزيدو عليها الزيت ونخلطو مزيان تا ماتبقاش الزيت تبان , من بعد نزيدو الفانيلا ودانون ونخلطو مزيان تا يتجانس كل شي مع بعضو. من بعد نبقاو نزيدو الحليب شوية ب شوية منزيدوهش كولو فخطرة غادي يضيع لينا كولشي نزيدو غير شوية ونحركو مزيان تا ميبقاش ابان الحليب من بعد نزيدو شوية عاود تا نحصلو على الكمية اللي تكفينا من الكريما ماشي ضروري نكملو الحليب كامل انا ماكنكملوش كولو .
    وها هي الكريما ديالنا وجدات.
    من بعد كاناخدو اللي شاط لينا من الحليب نخويوه فشي كاسرونا ونديروه على العافية غير ادفا شوية وصافي ماشي يفيض
    كنجيبو طبق اللي نبغيو نفدموها فيه ونبداو نرصيو حيت هاد الحلوة كتجي رطبة خاصنا نقادوها في طبق التقديم مباشرة .
    كانجيبو هرنيس كنغمسو قطعة واحدة في الحليب ونحطوها في طبق التقديم ونغامسو القطعة التانية في الحليب ونحطوها حدا الاولى في طبق التقديم وهكدا تا نديرو الحجم اللي بغينا ديال الحلوى واش مربع الا مستطيل ملي نساليو من الطبقة الاولى ديال هرنيس كنديرو فوق منها طبقة من الكريما نحاولو باش مايتهزوش لينا هرنيس اللي درنا في الاول من بعد نعاودو نفس العملية الاولى طبقة اخرى من هرنيس وطبقة من الكريما وهكدا دواليك تا نكملو في العلو اللي بغينا ديال الحلوى ويلا شاط لينا الكريما كنطليو الحلوى كلها بالكريما ونزوقوها على حسب الدوق انا مرا كنغطيها كولها بالشكلاط الاسود ومرا كنطليها كولها بالكريما وشوي ديال شرائح اللوز اللي كتباع المهم حسب الرغبة .
    ونمسحو جناب ديال الطبق الى توسخو بالكريما وصافي نحطوها تبرد في الثلاجة عادية ماشي في المجمد والله يا بنات الا ساهلة ماهلة في التحضير واقتصادية مافيهاش بزاف ديال الخدمة وعاد دغيا توجديها والطعم ولا اشهى من دلك .
    ملاحضة نسيت ما قلتها انا درتها فهاد العيد اللي فات زدت ليها فكرة اخرى اني ملي ندير طبقة ديال هرنيس وطبقة ديال الكريما كنرش عليها شوية ديال اللوز شرائح اللي فالسوق اللي حمرتهم شوي في الفران والله الا ملي نديرها دغيا تسالا
    سمحولي مدرتش الصور مكنعرفش نزلهم في الموضوع وسمحولي الا طولت في الشرح بغيتكم تفهوني كتر واللي عندها شي تساؤل مرحبا على راسي وعني والله الا ديما كنديرها وكتصدق وماتنساونيش من صالح دعائكن الله اسهل علي باللي في بالي قولو امين وشكرا ليكم وسمحولي الا طولت.والله اجعلكم جميعا نت اصحاب الجنة .
    انتظر ردودكن واتمنى تجربوها والله ماتدمو كيجي منظرها زوين ومداقها احلى والله كاتجي بحال ديال الباتيسري
    :s12229:


  • #2
    الله يعطك الصحة
    http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

    تعليق


    • #3
      تبارك الله عليك اختي كيك باينة عليها لذيذة شكرا جزيلا لك
      [/QUOTE]

      تعليق

      المتواجدون الآن 1. الأعضاء 0 والزوار 1.

      أكبر تواجد بالمنتدى كان 2,525, 26-09-2016 الساعة 21:58.

      يعمل...
      X