إعـــــــلان

تقليص
لا يوجد إعلان حتى الآن.

كاطو كلاصي راقي ديال الباتسري

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كاطو كلاصي راقي ديال الباتسري

    oum hedayah
    ثبت بتاريخه



    [CENTER]السلام عليكم اخواتي ، نتمني تكونو بخير . هانا جيت اليوم نعطيكم الوصفة كاملة ديال الكاطو الي صوبت لبنتي حيت كتحماق علي Dora .
    هاد الكاطو تيجي راقي او تيصلاح لعيد الميلاد و حتي في المناسبات




    بسم الله نبداو المقادير
    نحتاجو ل 2 جنواز ، انا كل وحدة درت فيها 4 بيضات + 120g سنيدة + 120g فورص + نصف خمارة+ شوية الملح + ملعقة كبيرة كاكاو .... كنطربو السنيدة و الملح و البيض، نحبسو الباطور و نزيدو الفورص + نصف خمارة + الكاكاو شوية و شوية و نحركو غير بيدنا من الاسفل الي الاعلي

    هاهية ملي طابت .


    سقيتها مزيان بالسنيدة و الما ، من بعد درت البراليني praliné اللي عبارة عن 150g لوز محمر في الفران و 150g سكر كلاصي، يطحن الكل في المولينكس حتي يصبح هكذا ،


    تناخذو هاد praliné تنزيدو عليه 150g ديال الفيتين feuilletine الي ممكن تعوضوها بالكورن فلكس corn flakes مهرمش ، حتي هو تيجي مزيان :) ... + 150g شكلاط اسود ممتاز اللي فيه نسبة الكاكاو عالية . تنخلطو هاذ العناصر كلها حتي تنحصلو علي خليط متجانس ، من بعد كنسرحوه فوق لاجينواز الاولى اللي سقيناها من قبل



    دابا نبداو بتحضير لاموس ديال الشكلاط فيها 150g سنيدة + 4 معالق كبار ديال الما ، تنديرو الكل فوق البوطة حتي يبدا يعقاد غير شوية و نطفيو عليه . تناخدو 5 اصفر البيض كنطربوهم مزيان بالباطور و في نفس الوقت تنزيدو عليهم السيرو اللي حضرنا بالما و السنيدة، باش نعقمو البيض.. نبقاو بالباطورحتي يرجع الخليط ابيض



    هنا درت رابعة ديال شكلاط اسود ممتاز (نسبة الكاكاو عالية)*دوبتو في bain marie و زدتو علي الخليط الاول ، و في الاخير ضفت 450g كريم فريش مطلعة بالباطور بلا سكر



    من بعد درت هاد لاموس فوق الطبقة ديال praliné و دخلتها المجمد وبعد 2 او ثلاث ساعات ، عاد حطيت عليها لاجينواز الثانية لي بقات ..طبعا سقيتها حتي هي و رجعتها للمجمد


    دابا ندوزو للطبقة الثانية ديال القهوة


    "رابعة سنيدة + كاس العنبة فيه الما مع 2 معالق صغار نيسكافي + 3 بيضات مخلطين غير بالفورشيط + 350g كريم فريش مطلعة بالباطور بدون سكر + 4 اوراق الجيلاتين ."

    اولا تنديرو السنيدة تحرق علي نار مهيلة بلا منحركوها بحتى شي حاجة ( الى حركتوها بالملعقة كتفسد.. مكتبقاش صالحة) نخليوها حتي تدوب تماما



    نحيدوها من فوق البوطة و نزيدو عليها مباشرة داك الكاس ديال القهوة شوية بشوية مع التحراك السريع.( بعدو وجهكم من الكاسرونة ملي ديرو هاد العملية حيت تتكون واحد الكشكوشة سخونة )
    من بعد نردوها تاني فوق البوطة واحد 10 دقايق مع التحراك.


    هنا زولت الكاسرونةمن فوق البوطة و ضفت مباشرة البيض مع التحراك السريع، ثم رجعت الخليط مرة اخرى فوق نار مهيلة حتي بدا يعقاد



    ملي عقاد طفيت البوطة ، و ضفت الجيلاتين اللي رطبت فالما و عصرتها، او حركت الكل حتي نساجم او صفيتو او خليتو يبرد شوية




    هنا ضفت لاكريم فريش مطلعة بدون سكر و خلط مزيان. خرجت الكاطو من المجمد او غطيتو بهاد لاموس ، او رجعتها ثاني تجمد.



    فهاد الوقت حضرت الكلاصاج
    300g شكلاط اسود ممتاز (ضروري يكون غني بالكاكاو ، اكثر من %57 حيت كيعطي نكهة خاصة) + 200g شكلاط عادي اسود ،هنا ممكن ديرو ديال 4 دريال، + 4 اوراق الجيلاتين + 2 كسان العنبة دالحليب جاري + 2 معالق كبار كليكوز.
    تنديرو جميع العناصر فوق نار مهيلة حتى ينساجم ، تنطفيو عليه عاد نزيدو الجيلاتين تنخلطو او نصفيوه


    تنخرجو الكاطو نعدما جمد كنخويو فوقو هاد الكلاصاج او تنرجعوه مرة اخرى للمجمد.

    اخر مرحلة هي التزيين اللي طبعا تيبقا ليكم الاختيار ، كل وحدة وذوقها.
    انا ختاريت لبنتي هاد الصورة ديال Dora ، اللي عبارة عن ورق كيتسمى بالباسطا خاص للحلويات و اللي تيستعملوه ف الباتيسريات. و راه مجود فالمحلات اللي خاصة بلوازم الحلوى.


    او هاد الباسطا ساهلة الاستعمال ،تبعو معايا
    غنحتاجو غير للناباج فقط ، كندهنو الضهرديال الورق مزيان مزززيااان بالناباج او الوجه كذالك مزيااان ،و في الاخير تنوضعوها فوق الكاطو.



    تتمة التزيين نخليكم مع الصور



    صورة داخل المجمد


    وهاهي واجدة




    هاد الكاطو تيبغي شوية ديال الدقة او شوية دالخاطر، لكن صدقوني تيجي راقي فالمداق.








    ]
    [/CENTE




  • #2
    تبارك الله عليك
    من السهل أن يحترمك الناس .. ولكن من الصعب أن تحترم نفسك

    تعليق


    • #3
      الله يعطيك الصحة رائع جدا عيد ميلاد ابني قرب انشاء الله غادي ندير بحالها

      تعليق


      • #4
        تبارك الله عليك جاتك غزالة الله إعطيك الصحة

        تستاهلي 5 نجمات


        تعليق


        • #5
          السلام عليكم و رحمة الله تعالى و بركاته
          اختي غزاااااااااالة ماشاء الله الله يعطيك الصحة








          أحبكن في الله

          تعليق


          • #6
            شكرا اختي مغربية معتزة .
            اختي oum maryama عيد ميلاد سعيد لولدك ، او غير زعمي او جربي هاد الكاطو راه تيصدق %100 و اي استفسار انا في الخدمة
            اختي hij ها الصورة دايرة بحال الورقة ماشي بلاستيك و صالحة للاكل ملي تتدهن بالناباج ، غتلقايها في المحلات اللي خاصة بلوازم الحلويات
            شكرا بزاف romaysati على النجمات هدا شرف لي ، لهلا يخطيك.*



            تعليق


            • #7
              فرحني مرورك اختي badiakh ، و شكرا على التشجيع



              تعليق


              • #8
                تبارك الله عليك
                اللهم اشفي أمي شفاءا لا يغادر سقما اللهم عجل لها بتفريج الكرب اللهم وارزقها الصبر على الابتلاء وارفع درجاتها فى الجنان بصبرها اللهم البسها ثوب الصحة والعافية واقر اعيننا بشفاءها سبحانك اللهم وبحمدك نشهد أن لا إله إلا أنت نستغفرك ونتوب إليك اللهم إنا نسألك الصبر على البلاء في الدنيا اللهم ارزقنا قلوباً خاشعة وأعيناً دامعة وألسناً ذاكرة وأجساداً على البلاء صابرة

                تعليق


                • #9
                  السلام عليكم
                  أختي انا كنشكرك بززززززززززززززاف او نعطيك كع النجوم ************************************ تستاهلي كل نجمة عالية تضوي طريقك الله ينورك ويعطيك اللي في بالك والله يحفظ ليك وليداتك
                  اختي هاد المشاركة ديالك ان كانت تنم عن شيء فهي تنم عن مدى سخائك وعطائك الله يجعلها ليك في ميزان حسناتك
                  والله حتى فرحت بها انا تنموت على صنع الحلويات راني مبتدئة والحمد لله استفدت بزززززززاف من اخوات منتدانا الاناقة المغربية
                  اختي راك بلا شك غتكوني من عشاق الاخت ام هداية اللي حتى هي بسخاء تتعطينا الوصفات لكنني اجدها صعبة لانها اخت محترفة ربي يحفظها
                  الى قدرت تجربيها ففدينا اختي الله يرزقكم الجنة مع اعلى عليين اختك في الله ام يحيى وياقوت

                  تعليق


                  • #10
                    تبارك الله عليك جاتك غزالة الله إعطيك الصحة
                    sigpic


                    اللهم اعني على ذكرك وشكرك وحسن عبادتك
                    اللهم ارحم والدي واسكنه فسيح جناتك
                    فداك نفسي يا حبيبي يا رسول الله ,صلى الله على محمد وعلى آله وسلم

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X