كيك رااااااااااائع و لذيد للعيد يا الانيقات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيك رااااااااااائع و لذيد للعيد يا الانيقات

    تبث في 8/11/2010
    bent bladi



    السلام عليكم و رحمة الله تعالى و بركاته انيقاتي
    كيدايرين لاباس عليكم نتمنى من الله سبحانه و تعالى تكونو جميع فاحسن الاحوال يا ربي امين












    اليوم بغيت نقدم ليكم ان شاء الله هاد لحلوى لي كتجي لذيذة نتمنى من الله انها تعجبكم
    اذن على بركة الله

    مقادير الجنواز
    4 بيضات
    120 غ سنيدة
    120 غ طحين مغربل
    روح الفاني و روح اللوز

    مقادير المرينغ بالشكلاط
    5 ابيض البيض
    120 غ سكر
    روح اللوز و روح الفاني
    50 غ شكلاط غبرة مسوس

    بالنسبة لكريم

    2بيضات كاملات + اصفر بيضة
    60 غ سكر مقسوم على 2
    2 م ك كونفيتير دالفريز اختياري
    م و نص ديال الما
    180 غ شكلاط
    250 مل كريم فريش بارد
    للتزين
    سكر كلاصي
    اذن على بركة الله
    نحضرو الكيك
    شعلت الفران يسخن








    نطربو البيضو السكر و روح الفاني و روح الوز نطربو مزيان حتى كتولي لينا كريم باهت لونها بحال هاكا
    ثم كنضيفو الطحين بشوية بشوية

    انا هنا ستعملت 2 مقلاة ديال 15 سنتم درت فيهم العجينة ديالي
    دخلت الكيك للفران

    فهاد الاثناء بديت كنوجد المرينغ السويسري



    طربت البيض و السكر تقريبا 2 دقايق بالطراب العادي




    ثم حطيتو فبان ماري على نار مهيلة و بديت كنطرب(للاشارة اخواتي الما راه ماخاصوش يقيس لينا الزلافة و الا البيض غادي يقساح)
    كنستمرو فالتطراب تقريبا 15 دقيقة


    حتى كتسخن لينا المرينغ و كتصبح بحال هاكا



    كنزولوالمرينغ من على البوطا و نغربلو الشكلاط غبرة و نخلطو
    الحجم كينزل

    نخلطو مزيان و نديروه فالبلاستيك الخاص بالحلوى و نبداو نشكلوه بحال هاكا
    ندخلوه للفرن لى نار مهيلة و ندخلوهم يطيبو لمدة 2 سوايع او 3

    ها هو منين خرج مالفران
    فهاد الاثناء ندوزو للكريم ديالنا


    ندوبو الشكلاط ونخليوه يبرد فدرجة حرارة المطبخ

    نطربو البيض و اصفر البيض مع 2 م صغار دالسكر

    نديرو السكر لي بقا مع الما و نديروه على نار مهيلة حتى يدب السكر
    نكبو السكر على البيض بشوية و حنا كنطربو

    ثم نحطو الخليط على نار مهيلة و حنا كنخلطو حتى يتقال الخليط و البيض كيبدا يتلصق فالكاسرونا


    نديرو الخليط فزلافة كبيرة نبداو نطربو بسرعة كبيرة حتى يتضاعف لينا حجم الخليط و يبرد


    نضيفو الشكلاط لي غادي يكون بارد فدرجة حرارة المطبخ



    نطربو الكريم فريش و نضيفوه على الخليط
    ندخلوه للتلاجة حتى نحتاجوه
    اذن نمونطيو الكيك



    قسمت الكيكات ديالي و سقيتهم

    درت طبقة من الكريم

    حتى كملت الطبقات لي عندي

    ثم غطيتها كلها بالكريم

    خديت المرينغ ديالي لصقتو فالجناب بحال هاكا

    والمرينغ لي بقاقسمتو و درتو من الفوق
    رشيتها بسكر كلاصي و دخلتها للثلاجة تقريبا 6 دالسويع


    ها هي الكيك



    و هادا منين قسمتها سمحو لي راه على مامشيت نجيب الكاميرا لقيت هاد الطرف لي بقا
    اي استفسار انا فالخدمة اخواتي
    في امان الله
    [/QUOTE]

  • #2
    تبارك الله عليك دائما الجديد كيكون عندك وكنتعلمو من عندك الكتير الله يعطيك ما تمنيتي وينولك لي فبالك وعندي واحد الطلب الى عنك شي كيك براوني ساهل الله يرحم والديك فدينا

    تعليق


    • #3
      المشاركة الأصلية بواسطة chennane sara مشاهدة المشاركة
      تبارك الله عليك دائما الجديد كيكون عندك وكنتعلمو من عندك الكتير الله يعطيك ما تمنيتي وينولك لي فبالك وعندي واحد الطلب الى عنك شي كيك براوني ساهل الله يرحم والديك فدينا
      الله يبارك فيك الحبيبة والله يطول لي عمرك شكرا جزيلا اختي على كلامك الطيب فحقي و كنفرح دائما ملي كنحس راه شي حد كيستفيد من هادى الشي لي كنصيب شكرا جزيلا لك
      بالنسبة لبراوني اختي ان شاء الله نزل احلى مجموعة من البراونيز باذن الله فهاد اليومين لي جايين
      شكرا جزيلا لمرورك الكريم
      [/QUOTE]

      تعليق


      • #4
        ما شاء الله ولا قوة الا بالله
        شكلها غزال وكتشهي
        الله يعطيك الصحة وجزاك الله خيرا على مجهوداتك

        تعليق


        • #5
          الله يعطيك الصحة


          تعليق


          • #6
            ام هداية كلشي كتقدميه صراحة رائع جدا انا دائما كنتسنى الجديد ديالك و كنفرح ملي كنشوف شي حاجة جديدة ديالك تبارك الله عليك سوؤال واش عندك محل لبي او صنع الحلويات ام هية هواية و حب لفن الحلويات
            sigpic

            فهرس وصفاتي المتواضعة هدية لكل أنيقة

            http://www.anaqamaghribia.com/vb/showthread.php?t=341505&highlight=



            اعتذر لقلة تواجدي

            تعليق


            • #7
              تبارك الله عليك رائع رائع الله يعطيك الصحة

              تعليق


              • #8
                المشاركة الأصلية بواسطة amina_l_2009 مشاهدة المشاركة
                ما شاء الله ولا قوة الا بالله
                شكلها غزال وكتشهي
                الله يعطيك الصحة وجزاك الله خيرا على مجهوداتك
                بارك الله فيك اختي و شكرا جزيلا لمرورك الكريم
                [/QUOTE]

                تعليق


                • #9
                  المشاركة الأصلية بواسطة romaysati مشاهدة المشاركة
                  الله يعطيك الصحة
                  شكرا جزيلا لمرورك اختي دائما منوراني
                  [/QUOTE]

                  تعليق


                  • #10
                    المشاركة الأصلية بواسطة om zein31 مشاهدة المشاركة
                    ام هداية كلشي كتقدميه صراحة رائع جدا انا دائما كنتسنى الجديد ديالك و كنفرح ملي كنشوف شي حاجة جديدة ديالك تبارك الله عليك سوؤال واش عندك محل لبي او صنع الحلويات ام هية هواية و حب لفن الحلويات
                    بارك الله فيك اختي و شكرا جزيلا لكلماتك الطيبة و الله يكبر بيك فالدنيا والاخرة يا ربي امين
                    بالنسبة للسؤال ديالك اختي هي فالاول كانت غير هواية و حب للحلويات و من بعد دخلت درست و تخصصت فالباتيسري شكرا جزيلا لك
                    [/QUOTE]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X