شوفو شنو وجت لبنتي فعيد الميلاد ديالها

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شوفو شنو وجت لبنتي فعيد الميلاد ديالها

    مقادير الجينواز:
    4 بيضات
    120 غ فرص
    120 غ سنيدة
    فنيلا
    2 خمارات
    قطرات روح اللوز



    الطريقة :
    يفصل ابيض البيض عن الاصفر ويخدم ابيض البيض مع شوية ديال الملح
    حتى يرغي تم نزيدو عليه نصف كمية سنيدة ونخدموه بالباتور حتى يولي متل
    المورانك و نحتفض به.
    يخدم اصفر البيض مع الباقي من سنيدة و الفاني وروح اللوز بالباطور
    حتى يبياض الخليط تم نضيف الدقيق مع الخميرة بشوية بشوية مرة نزيدو الدقيق
    ومرة ابيض البيض المطلع ونخلطو من تحت لفوق حى نسليو خليط ابيض البيض
    و الدقيق

    تم نفرغوها فالمول مغلف بابيي سورفيليزي ونعملوها في الفرن طيب واها مكتاخدش
    وقت طويل دغيا كطيب

    مني نعملوها فالفرن الطيب ناخد غير النص ديال المقادير اللي درنا قبايلة فالجينواز
    ونفس العملية غير الطحين كنقصو منو 2 معالق كبر ونعوضوهم بالكاكاو




    لتزين الحلوى :
    2كيسان حليب بارد
    باكية كريم شانتي
    1 فاني
    300 غ لوز
    300 غ سكر كلاصي
    ربع كاس زيت وممكن اقل حسب اللوز واش ميدم او لا
    السيرو:
    نصف لتر ماء
    120 غ سنيدة
    1 فاني
    الطريقة :
    نخدمو الحليب مع الكريم شانتي و الفاني ونتركه جانبا
    نحمرو اللوز بقشرتو في الفرن او مقلة ونطحنوة وهو
    سخون مع السكار الكلاصي حتى يتلين تم نفرغوه في
    زلافة ونزيدو عليه الزيت شوية بشوية حتى يخفاف شوية
    باش يولي براليني
    تم ناخد سنيد + الما +الفني ونحضرو بيهم السيرو (حتى يغليو مزيان)

    مني تخرج الحلوالاولى من الفرن نقصمها على 2 ونسقيوه بالسيرو
    وندهنه بالبراليني تم كريم شانتيي تم نحطو فوقه الحلوى 2 اللى فيها
    الشكلاط ونسقيوها ونعاودو نفس العملية الاولى تم نغطيو بالنص اللي
    بق لينا من الاول ونسقيوه كدلك بالسيرو وندهنوا بالبراليني تم لكريم
    شانتيي وندخلوه للمجمد

    الكلاصاج:
    300 غ شكلاط اسود
    نصف لتر من الماء
    40 غ سنيدة
    2 معالق كاكاو ملعقة صغيرة نسكافي
    3 اوراق جيلاتين مرطبين في الماء
    الطريقة:
    نعملو سنيدة مع الماء تغلي حتى تولي سيرو ونخويوه على الشكلاط و الكاكاو
    ونسكافي وهو سخون ونحركو حتى يدوب الشكلاط وممكن نعملو العملية فبان ماغي
    ونزيدو اوراق الجيلاتين ونحركوهم حتى يدوبو ونخليوه يبرد شوية ونجبو الحلوة
    من الكونجيلاتور ونصبوه فوقها ونزينو الجناب بالفرميسيل ديال الشكلاط او لوز
    او ما يحلو لك وبالصحة والراحة غير قبلو عليا راه اول مشاركة لي
    اضغط على الصورة لعرض أكبر.

الإسم:	27112010215955.jpg
مشاهدات: 1
الحجم:	78.9 كب
الهوية:	17427266



  • #2
    tbarkllah 3lik rbi ykhliha lik wtfarhi biha


    تعليق


    • #3
      الله يخليها ليك او تشوفيها كيف ما تمنيتي او تبارك الله عليك

      تعليق


      • #4
        lah ikhaliha lik raki n9asti liha 3am mn 3marha hram 3likkkkkkkkkkkkk

        تعليق


        • #5
          الله يخليها لك ان شاء الله وتفرحي بها
          وتبارك الله عليك اختى غزالة طورطة





          لا اله الا الله محمد رسول الله


          نادمة على ما فات سابقا

          تعليق


          • #6
            المشاركة الأصلية بواسطة issra09 مشاهدة المشاركة
            tbarkllah 3lik rbi ykhliha lik wtfarhi biha
            امين يارب العالمين يخليلك صحيحتك وماعز عليك وشكرا على المرؤر


            تعليق


            • #7
              المشاركة الأصلية بواسطة btisam مشاهدة المشاركة
              الله يخليها ليك او تشوفيها كيف ما تمنيتي او تبارك الله عليك
              اللهم آمين الحبيبة وشكرا على مرورك


              تعليق


              • #8
                المشاركة الأصلية بواسطة khadija2090 مشاهدة المشاركة
                lah ikhaliha lik raki n9asti liha 3am mn 3marha hram 3likkkkkkkkkkkkk
                شكرا حبيبتي على مرورك واش غدي ندير اختي هدا حال الدنيا


                تعليق


                • #9
                  المشاركة الأصلية بواسطة نادمة على ما فات مشاهدة المشاركة
                  الله يخليها لك ان شاء الله وتفرحي بها
                  وتبارك الله عليك اختى غزالة طورطة
                  شكرا حبيبتي على مرورك وتشجيعك


                  تعليق


                  • #10
                    تبارك الله عليك و الله يعطيك الصحة









                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X