برونيز بالشكلاط غزال

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • برونيز بالشكلاط غزال

    المقادير

    300g الشكلاط الاسود
    125g الزبدة
    200g سنيدة
    5 بيضات
    40g غبرة الشكلاطة المر
    100g دقيق فورص
    1 معلقة صغيرة ديال الخميرة ديال الحلوة
    قليل من الملح

    الطريقة

    ناخد الشكلاط ندوبه مع الزبدة فحمام مريم انخليه ايدفى شوية
    نطرب البيض مع السنيدة حتى يصبح الخليط ابيض تم نضيف الشكلاط الدائب او نخلط مزيان
    تم نضيف غبرة الشكلاط ومن الاحسن تدوزيه فالصفاية بش ميتكور او نخلط مزيان
    تم نضيف الدقيق مع الخميرة والملح او نخلط مزيان

    نديرو الخليط فمول مدهون بالزبدة ومرشوش بالدقيق

    تم الى الفرن تقريبا 40 دقيقة

    انا ستعملت مول مدور ديال البسطيلة فيه 40 cm
    افاش طاب دردرت عليه كابيل او قطعتو مربعات

    ممكن تديروا مول طويل باش ايجي بحال الكيك بالحق ايكون كبير

    مجرباه شهال من مرة

    النصيحة المهمة متكتروش الخميرة cuilliere à café rasé de levure

    اوبالصحة او الرحة

  • #2
    مشكورة

    تعليق


    • #3
      باين فيه غيكون زوين خصوصا الى زتي ليه شوية الكركاع مع صوص الشكلاط من الفوق.



      تعليق


      • #4
        تبارك الله عليك اختي و لكن الوصفة الكلاسيكية المعروفة للبراونيز ضروري كيكون فيها الكركاع مهرمش شي 100 غ .كتجي هائلة......

        تعليق


        • #5
          بارك الله فيك أختي و جزاك الله كل خير









          تعليق


          • #6
            السلام عليكن
            شكرا لمروركن الكريم

            بالنسبة علاش مدرتش الكركاع حيت هوالاصل ديال الوصفة كيك extrat chocolat

            ولاكن ممكن اضافته لبغات

            وبالنسبة للتزين حتى هو ممكن التنويع

            مرة تندير شكلاط غبرة

            مرة تندوب الشكلاط فالحليب او نزيد عليه المايزنة باش ايعقاد او يجي بحال لكريم اندهنو به

            اومرة تندهنو بالسيرو -الماءو السكر- باش ايجي تيلمع فقط

            وانتم انيقاتي مبدعات في هدا الشآن

            وجزاكم الله خيرا

            تعليق


            • #7
              شكرا على الوصفة أختي roche_noir باينة غزالة

              الله يعطيك الصحة

              تعليق


              • #8
                السلام عليكم

                تيشرفني مرورك مشرفتنا ام ادم

                الله ايبارك فيك وفجميع الانيقات

                تعليق


                • #9
                  السلام عليكم شكرا أختي على هاد الوصفة جربتها جات غزالة و بنينة انا سقيتها من الفوق بالسيرو و الله إجازيك بخير نتسناو المزيد من الوصفات من عند الأنيقات ديال منتدانا

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  شاركي الموضوع

                  تقليص

                  يعمل...
                  X