إعـــــــلان

تقليص
لا يوجد إعلان حتى الآن.

طورطة مزينة بكريمة الزبدة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طورطة مزينة بكريمة الزبدة


    بواسطة أم آدم 2007 في تاريخه



    السلام عليكم و رحمة الله و بركاته

    اليوم بغيت نشاركوم بهاد الطورطة المتواضعة. كانت اول تجربة ليا مع كريمة الزبدة. كنت خايفة تجي ثقيلة بزاف داكشي علاش اكتفيت بتزيين الطورطة بها من الفوق صافي. و كان اختيار صحيح حيت هي كتجي زوينة و لكن ثقيلة. من الاحسن مانكتروش منها.

    و الان بسم الله

    هاد الحلوة كنحتاجو جنواز / كريم باتيسيير + قطع شكلاط للتزيين + كريم الزبدة


    مقادير الجنواز
    4 بيضات +قبصة الملح + 9 م ك سنيدة + 9 م ك دقيق مغربل + م ص خمارة الحلوى

    نخلطو البيض + الملح و السكر بالطراب الكهربائي مزيان من بعد نضيفو الدقيق و الخميرة و نخلطو بشوية.

    نكبو الخليط فلاطة مدهونة بالزبدة و مرشوشة بالدقيق.

    ندخلوها لفران سخون من قبل.

    فاش تخرج نخلوها تبرد مزيان. من الاحسن نديروها فالصباح الا بغينا نستعملوها العشية.




    نقسمو الجنواز على 2



    ندهنوها بالسيرو



    نوجدو كريم باتيسيير (انا ضفت ليه نكهة الخوخ جا غزال) كنظن الكل كيعرف يوجدو و لي عندها استفسار انا في الخدمة.

    نخلو الكريم يبرد و من بعد نوضعوه على الطبقة الاولى دالجنواز.




    نديرو شوية الكركاع و الشكلاط مفتت



    نوضعو الطبقة الثانية من الجنواز

    نسقوها بالسيرو

    نغطو بالكريم باتيسيير

    نوضعو قطع الشكلاط فالجوانب




    دابا ندوزو لكريم الزبدة باش غنزينو

    نوجدو سيرو كثيف . تقريبا 120 غ سكر مع شوية الما. نخلوه يغلي مزيييييييان
    ناخدو 2 بيضات كبار نطربوهوم شوية و نبداو نضيفو السيرو لي حصلنا عليه شوية بشوية و حنى كنطربو بالطراب الكهربائي.

    من بعد نبداو نضيفو الزبدة (125 غ خاص تكون لينة لازم نخرجوها من الثلاجة ساعة قبل و نقطعوها طريفات صغار) و نبقاو نخلطو حتى يتجانس الخليط مزيان ثم نضيفو الكاكاو ) الشكلاط غبرة.

    نعملو وريدات صغار و ندخلو الحلوة للثلاجة حتى تشد شوية













    و بالصحة و الراحة.





    كنتمنى تعجبكوم و تجربوها

    في امان الله حبيباتي








  • #2

    تعليق


    • #3
      جزاك الله خيرا اختي على الرد الطيب و التثبيت







      تعليق


      • #4
        الله يعطيك الصحة

        تعليق


        • #5
          الله يعطيك الصحة
          sigpicيَـآ رَب ُ ،’
          لآ تَجعَلْ آلدُنيَـآ ، تُفَرقُ بَينَ قلبيِنِ مَـآ تعَـآنقَـآ إلآ مِنْ أجْلِكْ ،’

          تعليق


          • #6
            تبارك الله عليك والله يعطيك الصحة
            http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

            تعليق


            • #7
              الله يعطيك الصحة

              تعليق


              • #8
                تبارك الله عليك اختي والله يعطيك الصحة
                جزاكي الله خيرا

                تعليق


                • #9
                  جاتك غزالة الله يعطيك الصحة






                  تعليق


                  • #10
                    تبارك الله عليك والله يعطيك الصحة
                    [
                    IMG][/IMG]

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X