طارط بالفريز....أممممممممم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طارط بالفريز....أممممممممم

    السلام عليكم و رحمة الله تعالى و بركاته

    البارح أخواتي صايبت واحد الطورطة و جات زوينة و بغيت نوريهالكم باش اللي عجباتها تصايب بحالها و راها كتصدق.

    مقادير الجنواز
    5بيضات
    200gسنيدة
    200gدقيق
    1فاني و 2 خمارات حمر
    قبصة ملح
    60gزبدة مدوبة
    التزيين
    السيرو
    1 علبة كريم شانتيي
    فريز
    كريمة الزبدة
    الشكلاط محكوك
    تحضير الجنواز
    كنطربو ابيض البيض مع قبصة ملح حتى يرجع بحال الثلج ثم نضيفو السكر شويا بشويا حتى نحصل على ميرنغ ثم نضيفو أصفر البيض و الفاني و نخلطو بملعقة خشبية من الأسفل للأعلى ثم الطحين و الخميرة مخلطين و نخلطو بنفس الطريقة ثم نصبو الخليط فمول مدهون بالزبدة و مرشوش بالطحين و ندخلوها لفرن ساخن على درجة حرارة ضعيفة و مانخليوش الجنواز تتحمر بزاف.
    طريقة تحضير كريما الزبدة
    200gزبدة لينة+150gسنيدة+3أصفر
    البيض+كاس صغير نتاع الماء
    نطربو أصفر البيض حتى يميل لونو للأبيض ثم نغلي سنيدة مع الماء حتى تدوب ونضيفها شويا بشويا لأصفر البيض مع التطريب ثم نضيف الزبدة شويا بشويا مع التطريب حتى نحصلو على كريما متجانسة و نحطوها فالثلاجة الى حين الاستعمال.
    مين نجيو نستعملوها غادي ناخد 10 فريزات و نطحنهم بفرشيطة و نخلطهم مع الكريما.
    طريقة التزيين
    نقطعو الجنواز فالوسط باش نحصلو على 2 دوائر واحدة فوق الأخرى .نبلل الدائرة اللي فالأسفل بالسيرو(عصير حامضة+كاس نتاع الماء+4معالق كبار سنيدة نديروهم فكاسرونة ونخليوهم يغليو حتى تدوب سنيدة) ثم نوضعو طبقة نتاع كريما الزبدة بالفريز ثم طبقة من كريم شانتيي ثم نضع الدائرة الثانية نتاع الجنواز مقلوبة(الجهة الي كانت فالأسفل مين قطعناها هي الي غاترجع من الفوق) ثم نتبعو نفس الطريقة السابقة السيرو ثم كريما الزبدة بالفريز ثم كريم شانتيي و نقادو جوانب الطورطة بكريم شانتيي و نزينهم بالشكلاط محكوك . أما وجه الطورطة نزينو بشرائح الفريز والشكلاط .

    بالصحة و الراحة وسمحولي حيت نسيت ما صورت الطريقة أثناء التحضير .
    اوا قولولي كيف جاتكم الطورطة مع اعتبار أن هدي أول مشاركة ليا فمنتدى المطبخ.

  • #2

    تعليق


    • #3
      الله يخليكم نسول مشرفات منتدى المطبخ علاش الصور ما طلعوش ?

      تعليق


      • #4
        السلام عليكم ورحمة الله وبركاته
        اختي اعيدي التحميل من مركز اناقة يوجد اعلى الصفحة ......بالتوفيق


        وحي القبور

        http://www.anaqamaghribia.com/vb/sho...098&highlight=

        تعليق


        • #5
          للاسف ماكاينينش الصور ...على العموم مشكورة أختي

          تعليق


          • #6
            machkoura 3la lmajhoud

            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            شاركي الموضوع

            تقليص

            يعمل...
            X