ثلاث أشكال من حلوة اللوز بنفس المكونات من مطبخي بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ثلاث أشكال من حلوة اللوز بنفس المكونات من مطبخي بالصور










    كيف دايرين أالبنات تنتمنى تكونو بخير هادو 3 شكيلات صاوبتهم بنفس العجين و عقدة اللوز اللي قدماتهم مشرفتي الغالية أم الحلوين الرابط

    http://www.anaqamaghribia.com/vb/showthread.php?t=71304


    مع بعض التغيير لتنسيم عقدة اللوز عوض الفاني استعملت قطرات من روح ماء الزهر و شوية المسكة حرة مدقوقة بالطبع و أخذت شوية من العجين قسمتو على حسب الألوان لي عندي و لونت كل قسم على حدة

    نبداو على بركة الله


    1)
    المروحة اليدوية /l`eventaille

    اخدت القدر لي غادي يلزمني من العجين و العقدة (كمية العقدة نصف كمية العجين أو حسب السمك لي بغينا)



    و احتفظت بالبقية فأكياس بلاستيك طلقت بالمدلك كرة من العجين بين 2 بلاستيك غذائي و نفس الشيء بالنسبة للعقدة




    قطعتهم بدائرتين : العجين دائرة متوسطة كاس صغير مثلا و العقدة دائرة أصغر منها شوية فقط وقسمت دوائر العقدة نصفين بالسكين



    وضعت فكل دائرة عجين نصف دائرة عقدة



    طويت عليه العجين على شكل نصف دائرة ضغطت عليها شوية بيدي



    و عملت فالوسط دائرة بواسطة غلاقة صغيرة ديال قرعة روح الزهر ثم نقشت هاد الأشكال بواسطة نتاف عادي مخصصاه للمطبخ باش نعطيها شكل مروحة يدوية
    / eventaille



    ثم علمت بواسطة العجين العادي و الأخضر فحال حبات روز صغيرة و ببقية الألوان دوائر صغيرة أيضا



    وضعت فكل دائرة حبة عجين بيضاء و لفيتها من جهة و حدة ولصقت فجوانبها حبتين خضر عطاني شكل وريدة صغيرة لصقتها تحت الدائرة بأصفر البيض



    و زينتها بحبة مفضضة ووضعتها فلاطة الفرن مفرشاها بورق سولفيريزي واستمريت بنفس العملية مع تغيير لون الوردة حتى كملت الكمية لي بغيت.




    2)
    القبعة / le chapeau

    بنفس الكأس الصغير السابق عملت دوائر من العجين وضعت وسطها كرة صغيرة من عجين اللوز



    ودهنتها بأصفر البيض من الجوانب



    ثم غطيتها بدائرة عجين أخرى ضغطت على الجوانب و عاودت قطعتها بدائرة أصغر ولكن مشنفة من الجناب



    نقشتها بنفس النتاف حتى حصلت على شكل قبعة زينتها بشرائط وورود صغيرة من العجين الملون لصقتهم بأصفر البيض طبعا و لصقت فوق كل وردة حبيبة مفضضة و وضعتهم فلاطة مفرشة أيضا بورق سولفيريزي

    3)
    المعينات الموردة /les losanges fleuris

    عملت حرابل من عقدة اللوز و ضعتها فطرف شريط من العجين دهنت طرفو بأصفر البيض



    ثم لفيتو على عقدة اللوز ثم ضغطت عليه قليلا بيدي حتى انبسط و قطعتو معينات دهنتها بأصفر البيض و زينتها بعريشات من العجين الأخضر ووريدات من العجين الأحمر+ الأبيض = عطاني وردي و لصقت فوقهم حبيبات مفضضة دائما بمساعدة أصفر البيض ووضعتهم كالسابق فلاطة الفرن مفرشة بورق سولفيريزي سخنت الفرن على 180 درجة لمدة ربع ساعة و دخلت الحلوة تطيب لمدة ربع ساعة أخرى تقريبا و مني خرجتها وضعتها فالعسل و هي مازالة سخونة صفيتها و قدمتها بالصحة و الراحة





    لا تنسوني و أهل بيتي من صالح دعائكم رجاء

  • #2
    غزااااااالين الله يعطيك الصحة

    و الله يحفظك و يحفظ اهل بيتك، يارب

    تعليق


    • #3
      تبارك الله أم آدم راكي فنانة وخلاص
      الله يعطيك الصحة
      لا إله إلا الله محمد رسول الله

      اللهم لك الحمد والشكر يا رب العالمين
      اللهم إني استودعتك طفلي فاحفظه من كل شر وسوء إنك أنت خير الحافظين



      [IMG]
      [IMG]

      تعليق


      • #4
        تبارك الله عليك الله يعطيك الصحة

        تعليق


        • #5
          السلام عليكم تبارك الله عليك و اللهيحفضك انت وعائلتك
          اللهم لا اله الا انت لك الحمد و لك الشكر على نعمتك

          اللهم احفظ ابني من كل الشرور وارزقنا و المسلمين الخير من عندك

          امين يا رب

          تعليق


          • #6
            الله يعطيك الصحة


            تعليق


            • #7
              تبارك الله عليك والله يعطيك الصحه
              sigpic

              تعليق


              • #8
                الله يعطيك الصحة
                sigpic

                تعليق


                • #9
                  ما شاء الله هادشي غزال و دايزو الكلام الله احفظك و احفظ ليك آدم

                  تعليق


                  • #10
                    السلام عليكم ورحمة الله وبركاته
                    ماشاء الله عليك اختي ام ادم حلويات كلمة رائعة قليلة في حقهم
                    الله يعطيك الصحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X