حلوة الكوك ديال درهم & ميل فوي من مطبخي بالتفصيل لعيون أختي حسناء الرودانية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حلوة الكوك ديال درهم & ميل فوي من مطبخي بالتفصيل لعيون أختي حسناء الرودانية

    [frame="2 80"]



    كيف دايرين ألبنات ? إن شاء الله تكونو كلكم بخير
    واعدت أختي حسناء أنني نزل طريقة ماكرون الكوك هههه صافي لقيت لها سمية هههه ولكن راها فعلا تتجي فحال الماكرون و غادي نقدم معاها ميلفوي واخا راه وصفات الميلفوي تبارك الله كثيرة فمنتدانا الغالي و لكن بما أن الحلوة الأولى تتطلب غير أبيض البيض قلت نقدم فكرة باش نستغلو الأصفر فانتظار واحد الشهر يدوز على ما حنت علينا الأخت سوسو صاحبة الوصفة الأولى و فادتنا بالجائزة هههه
    ودابا نبداو على بركة الله

    ماكرون الكوك

    ( نصف المقادير)

    125g كوك
    75g طحين
    250g سكر
    1/2 ملعقة كبيرة عسل
    3 أبيض بيض



    الطريقة

    طحنت المقادير الجافة ( الكوك+ الطحين+ السكر) طحنة خفيفة فقط حتى اندمجو فالطحانة الكهربائية



    وحطيتهم فكاسرولة مباشرة (تفاديا لكثرة غسيل المواعن)
    و ضفت عليهم أبيض البيض و نصف ملعقة كبيرة عسل



    خلطت جيدا بملعقة خشبية حتى اندمجو



    وضعتهم فوق نار مهيلة مع التحريك المستمر حتى حسيت بالخليط سخن و أصبح شوية سائل



    زولتو من فوق النار و خليتو يبرد شوية على ما فرشت لاطة الفران بورق س
    ولفيريزي و درت الفران يسخن على200 درجة ,فالوصفة الأصلية خاص الخليط يتوضع فجيب الحلواني و نزلو الحليوات متباعدين فوق اللاطة ولكن أنا هاد المرة وضعتهم بمساعدة ملعقتين صغار



    متباعدين كفاية طبعا لأنهم تيزيدو شوية مع حرارة الفرن



    و دخلتهم للفرن وضعت اللاطة فالوسط و نزلت الحرارة ل 180درجة و خليتهم يطيبو لمدة 10 دقائق (و لكن تنصح بمراقبة النضج فالدقائق الأخيرة)



    و لما خرجت اللاطة صبيت شوية الماء بينها و بين الورق السولفيريزي باش تيزولو الحليوات بسهولة



    و لصقت كل 2 مع بعض لصقتهم كيفما هم يعني ما احتاجيتش نوضع بينهم لا مربى و لا عسل لأنهم تيكونو رطب بفعل الحرارة و منديين شوية بفعل الرطوبة ديال الماء





    و كنت جربتهم فوقت سابق بكاوكاو محمر و مطحون بقشورو وخرجت الخليط بمساعدة جيب الحلواني ولكن صاوبتم كبار شوية



    كنت وضعتها سابقا فقسم الوصفات المجربة الرابط
    http://www.anaqamaghribia.com/vb/showthread.php?t=78033

    و صاوبتم مرة أخرى باللوز ماشي محمر و مطحون



    و بصراحة طلعو راااائعين فالمرات الثلاث خسارة الصور ما واضحين
    ش مزيان

    ميل فويMille Feuilles

    المقادير

    3مستطيلات متساوية من العجين المورق

    كريم باتيسييرLa creme Patissiere

    3 أصفر البيض
    300ml حليب
    فاني
    40g سكر
    20g نشا

    التزيين

    100g سكر كلاصي
    قطرة عصير الحامض
    بضع ملاعق ماء ساخن
    شكلاط

    سخن
    ت الفرن على 220درجة حراة ثقبت3 مستطيلات العجين المورق



    و دخل
    تها للفرن وخفضت درجة الحرارة ل150 و خليتهم حتى تحمرو و خرجتهم



    فهاد الأثناء خلطت أصفر البيض مع السكر جيدا



    و ضفت عليهم الفاني خلطت الحليب بارد مع النشا



    مزجتو جيدا مع خليط البيض



    وضعتو فوق نار مهيلة مع التحريك المستمر بملعقة خشبية حتى عقدت الكريمة يعني لما مررت ملعقة أخرى فوق الملعقة الخشبية بقى الخط الفارغ واضح



    زولتو من فوق النار و لما دفى وضعت كيس بلاستيكي فزلافة و فتحتو



    وضعت فيه الكريمة



    سديتو و دخلتو للثلاجة ريثما يتحمرو مستطيلات العجين المورق



    ولما بردو وضعت مستطيل منهم فطبق التقديم



    قطعت بالمقص جانب من الكيس لي فيه الكريمة و حاولت نوزع
    عليه نصفها



    وضعت مستطيل ثاني فوق الكريمة ووزعت فوقو النصف الآخر ثم غطيتو بالمستطيل الثالث



    وبديت تنحضر فالكلاصاج أخذت السكر الصقيل و ضفت عليه قطرة عصير الحامض



    و ثلاث إلى أربع ملاعق تقريبا ديال الماء الساخن حتى اندمج و أصبح سائل و لكن ثقيل شوية
    من عجين البغرير
    و
    ضعت الإناء اللي فيه الخليط فحمام مريم حتى تطلق



    صبيتو فوق وجه الحلوة وحاولت نوزعو بسرعة بمساعدة ظهر ملعقة



    هنا تيتباع واحد الأنبوب فيه الشكلاط تنوضعوه كيفما هو فالماء الساخن شوية تنقطعو الطرف ديالو و تنستعملوه و لكن بالنسبة للأخوات لي ما تيتوفروش عليه يقدرو يوضعو الشكلاط فكيس بلاستيك غذائي يقفلوه و يحطوه فماء فوق النار حتى يذوب يقطعو شوية من طرف الكيس و يستعملوه.
    حاولت نرسم خطوط متوازية بالشكلاط مذوب



    ثم مررت فوقها سكين كل مرة فاتجاه معاكس ماشي البرنامج ديال
    قناة الجزيرة لا هههههه زعما مرة تندوزو من الفوق للتحت و مرة من التحت للفوق باش يخرجو لي هادوك الخطوط اللي تتميز بهم ميل فوي.






    و بالصحة و الراحة

    لا تنسوني و أهل بيتي من صالح دعائكم بظهر الغيب
    تحياتي

    [/frame]

  • #2
    السلام عليكم ورحمة الله وبركاته
    الله يوفقك اختي ام ادم وان شاء الله تكوني بخير عودتينا على التميز اختي بارك الله فيك
    نصائج :
    اختي المشرفة العضوة تنتظر تشجيعك فلا تحرميها اياه شجعيها بثتبيت موضوعها او بتقييمه او تقييمها
    اختي العضوة المشرفة تبدل جهدا كبيرا في تنظيم قسمها وهي ملتزمة بقانون المنتدى مثلك فحاولي تفهم ماتقوم به
    اختي العضوة القديمة
    العضوة الجديدة تنتظر منك تشجيعا وترحيبا فلاتبخلي عليها اجعليها تشعر وكانها قديمة مثلك
    مشرفة عضوة قديمة عضوة جديدة انتن جميعا فخر لاناقة فانتن اناقة واناقة انتن
    مهم جدا : المرجو من الاخوات عدم تقديم طلبات اشراف تفاديا للمشاكل


    تعليق


    • #3
      السلام عليكم ورحمة الله وبركاته ممم الله يعطيك الصحة هادشي دايزو الكلام الله يجازيك بالخير ويخللي ليك صحيحتك اممين
      [fot1]
      [blur]
      احبتي بعطفهم وحبهم لي اغلى من كنوز الارض فيارب ادمهم لي ولا تحرمني صحبتهم بالاخرة
      [/blur]
      [/fot1]

      تعليق


      • #4
        [frame="2 80"]

        تبارك الله عليك الله يعطيك الصحة امي الحبيبة ام ادم
        و اخا ديجا شفتهم هنا حطتهم و احد الاخت هههه ديال درهم كتجي رائعة
        دمتي بخير


        [/frame]
        [frame="9 80"]


        [/frame]

        تعليق


        • #5
          الله يعطيك الخير اختي كتحمقني هاديك الحلوئ ديال الكوك دابا غنبدا نصاوبها بلا ما نشريها ههههههههه
          الله يعطيك الصحة


          تعليق


          • #6
            المشاركة الأصلية بواسطة الواثقة بالله مشاهدة المشاركة
            السلام عليكم ورحمة الله وبركاته
            الله يوفقك اختي ام ادم وان شاء الله تكوني بخير عودتينا على التميز اختي بارك الله فيك
            وعليكم السلام ورحمة الله وبركاته
            بارك الله فيك مديرتي الكريمة السيدة الواثقة بالله
            إطلالتك شرفتني و نورت صفحتي
            شكرا

            تعليق


            • #7
              شكرا اختي على الوصفات
              الله يجازيك بخير ويخلي لك ادم
              sigpicاللهم احفظ لي ابنتي واجعلها من الذرية الصالحة وبارك اللهم لي فيها واجعلها من الشاكرات

              تعليق


              • #8
                المشاركة الأصلية بواسطة ayota مشاهدة المشاركة
                السلام عليكم ورحمة الله وبركاته ممم الله يعطيك الصحة هادشي دايزو الكلام الله يجازيك بالخير ويخللي ليك صحيحتك اممين
                وعليكم السلام ورحمة الله وبركاته
                بالصحة و الراحة أختي الكريمة ayota

                آمييين أالحبيبة
                مرورك نور صفحتي
                شكرا

                تعليق


                • #9
                  المشاركة الأصلية بواسطة بنت جابر مشاهدة المشاركة
                  [frame="2 80"]

                  تبارك الله عليك الله يعطيك الصحة امي الحبيبة ام ادم
                  و اخا ديجا شفتهم هنا حطتهم و احد الاخت هههه ديال درهم كتجي رائعة
                  دمتي بخير


                  [/frame]
                  وعليكم السلام ورحمة الله وبركاته
                  الله يبارك فصحيحتك حبيبتي بنت جابر
                  مرورك عطر صفحتي
                  شكرا
                  تحياتي

                  تعليق


                  • #10
                    المشاركة الأصلية بواسطة mama layla مشاهدة المشاركة
                    الله يعطيك الخير اختي كتحمقني هاديك الحلوئ ديال الكوك دابا غنبدا نصاوبها بلا ما نشريها ههههههههه
                    الله يعطيك الصحة
                    بالصحة و الراحة حبيبتي mama layla و بالتوفيق بحول الله
                    شكرا على المرور الكريم
                    تحياتي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X