إعـــــــلان

تقليص
لا يوجد إعلان حتى الآن.

كيك موس ڭلاصي باللوز و الشلاطة و نيسكافيه من مطبخي دائما بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيك موس ڭلاصي باللوز و الشلاطة و نيسكافيه من مطبخي دائما بالصور














    الحبيبات عواشركم مباركة

    العشر الاواخر قربات
    و رمضان قرب يهرب علينا
    فهـَـمَّـــتـْــكـُـم الغاليات
    الله يكتبك ليكم بكل طاعاتكم و اعمالكم
    الاجر المضاعف
    و يجعلكم ممن تغفر ذنوبهم و يعتقون من النار
    اللهم امين




    عرفت راسي مقصرة
    و عطلت عليكم الوصفات باش واعدتكم
    لكن المشاغل مكتساليش



    راني من بعد السحور و الفجر
    وانا كنعدل فالموضوع
    و إن شاء الله ينال إعجابكم


    هذا الموس ڭلاصي للي كنت عملت فالضيافة
    اخيرا ساليت نزلو




    و كيف عجبكم المنظر
    نتمنى يعجبكم قلبا و قالبا
    و يكون ساهل عليكم فالمقادير و التحضير
































    مقادير الكيك او الجينواز:





    ممكن تستخدمو اي جينواز كتنجح ليكم



    انا عملت:

    2 بيضات
    1 ملعقة كبيرة زبدة بحرارة المطبخ
    6 معالق كبيرة دقيق
    2 معالق كبيرة حليب بودرة
    1 ملعقة كبيرة مايزينة
    2 خمارات حمرين
    1 فاني
    2 ملاعق كبيرة كاوبيل ( بودرة الشكلاطة)
    1 كأس شاي حليب






    مقادير الحشوة او كريمة الموس:


    1 علبة كريمة الديسير (موس) بنكهة الشكلاطة و الفاني
    1/2 نصف لتر حليب بارد يقارب التجمد
    2 دانون مسوس (بدون سكر) بارد
    250 غرام قشدة طرية بارد
    لوز مقشر و مڭرمل و مهرش
    ملعقة كبيرة نيسكافيه
    و 2 ملاعق كبيرة شكلاطة سوداء محكوكة


    للتزيين :

    شكلاطة سوداء محكوكة
    شكلاطة سوداء باريط او اعمدة صغيرة
    حبات حلوى
    طبعا لكن الاختيار في التزيين بالمتوفر عندكم










    طريقة الكيك او الجينواز :






    كنفصلو بياض البيض عن الصفار
    و نطربو البياض مزيان مع قبصة ملح
    حتى يتكثف و يتضاعف حجمو
    و طبعا ملي نقلبو الإناء و يبقى البياض لاصق
    نعرفو اننا نجحنا فالتطلاع ديالو

    ملاحظة :

    المهم هو اننا نحافضو على نفس السرعة فالتطراب
    يعني منغيروش سرعات الطراب
    و ايضا نتاكدو ان الإناء للي غنطربو فيه يكون ناشف تماما
    و متكونش فيه قطيرة الماء



    كنوضعو بياض البيض على جنب
    و نجيبو إناء اخر
    نديرو فيه صفار البيض
    (عادة كنطربوه مع السكر لكن بما انني كنحاول نتفادا السكر فمعملتوش)
    كنضيف على الصفار 1 ملعقة كبيرة زبدة بحرارة المطبخ
    + 2 معالق كبيرة حليب بودرة
    و نطربهم مزيـــان حتى يبياض الصفار و يعقد



    ثم نضيف عليهم 2 ملاعق كبيرة كاوبيل ( بودرة الشكلاطة)
    + 1 فاني و نطربهم حتى يتمازج الخليط


    ثم نضيف 6 معالق كبيرة دقيق
    + 1 ملعقة كبيرة مايزينة
    + 2 خمارات حمرين
    + 1 كأس شاي حليب

    و نطربهم حتى يعقادو
    كيخص العجينة تكون عاقدة وثقيلة


    بعدها كنبدا نضيف على الخليط بياض البيض
    بشوية بشوية و كنحركها غير بشوية ماشي بالطراب
    و نحاول منهرسش البياض
    يعني كيبقاو طريفات ديالو باينين فالعجين
    باش كتجي هشيشة و رطيطبة و كطلع خفيفة
    كيف مبين فالصور


    و نكون وجدنا المول للي كيتفتح
    و دهناه بالزبدة و غبرناه بالدقيق
    و سخنا الفران على درجة 180 C°
    و ندخلو الكيك ديالنا يطيب بين 25 و 30 دقيقة
    الوقت كيختلف حسب انواع الفرارن و حفظهم للحرارة




    فهذ الاثناء ندوزو نوجدو كريمة لاموس


    بعد مكيطيب الكيك
    و كنتاكدو انو طاب مزيان من الداخل
    كنديموليوه يعني نحيدوه من المول
    و نسقيوه بالسيرو
    انا عمل ملعقة نسكافيه و دوبتها فنصف كاس ماء
    مع شوية سكر راس ملعقة و قطرات من روح اللوز
    و سقيت بيها الكيك
    مدام انو بنكة الفاني و اللوز و النيسكافي و الشوكولا


    طريقة الحشوة او كريمة الموس:

    كنقسمو كل المقادير على 2

    كناخذو نصف لتر الحليب البارد كنقسموه على 2
    ربع لتر / ربع لتر
    و كنقسمو علبة القشدة الطرية او الكريم فريش 250 غرام على 2 ايضا
    يعني 125 غرام + 125 غرام
    و نبداو فتحضير الموس



    تحضير موس الفاني :







    كناخذو الساشي الاول ديال الموس بالفاني
    و نضيفو عليه ربع لتر حليب
    + 1دانون مسوس
    + 125 غرام كريم فريش = قشدة طرية
    مضفتش السكر لان الغبرة ديال الموس حلوة متحتاجش
    و نضربو الكل مزيان
    حتى تعقاد الموس و تولي قابطة فراسها و تخلي الخطوط باينين

    ملاحظة :

    باش تطلع معانا الموس مزيان
    لابد ميكون الحليب و دانون الكريم فريش بــــــــارديــن


    ملي كتعقد الكريمة كنضيفو ليها اللوز المهرمش
    و نكبوها فالمول على الكيك
    و ندخلوها للثلاجة (كونجولاتور) تبرد
    و نوجدو الطبقة الثانية فهاد الوقت



    تحضير موس الشكولاتة :





    و بنفس الطريقة



    كناخذو الساشي الثاني ديال الموس بالشوكولاتة
    و نضيفو عليه ربع لتر حليب المتبقي
    + ملعقة صغيرة نسكافيه مدوبة فالحليب
    + 1دانون مسوس
    + 125 غرام كريم فريش = قشدة طرية
    و نضربو الكل مزيان
    حتى تعقاد الموس و تولي قابطة فراسها و تخلي الخطوط باينين
    و نضيفو عليها :
    الشكلاط الاسود المحكوك و ملعقة صغيرة نسكافيه يابس
    باش كيعطي المذاق و كتحس بيه فالاكل

    و نكبوها فالمول على الكيك
    على الطبقة الاولى للي غتكون بدات كتجمد
    و نسويو السطح ديالها مزيان
    و ندخلوها للثلاجة (كونجولاتور) تبرد


    انا بيتها اكثر من 24 ساعة
    باشما بقات فالثلاجة باشما كتجي احسن
    لكن ممكن تخليوها 6 ساعات او 12 إلى مكانش عندكم الوقت


    ملاحظة:

    لو كان عندك المول كيلصق او صعب فالفك
    ممكن ديري البلاستيك الغذائي او الفيلم اليمونتير
    و تغلفي بيه المول عاد تكبي فيه الموس
    باش يسهال عليك تجبديها من بعد






    التزيين :












    بعد مكتجمد مزيان وكنبغيو نزينوها
    كنجبدوها من المجمد
    و نديموليوها من المولي عني نحيدوها من المول






    زيتها بالمتوفر عندي
    حكيت عليها الشكلاط الاسود
    و بقطع الشكلاطة الطويلة
    و بقطع حلوى كانت عندي



    ملاحظة :



    انا زينتها بساعة قبل التقديم و رديتها الكوجيلاتور
    و ملي بغيت نحطها
    خرجتها من الكوجيلاتور بشي 20 دقيقة تقريبة
    و قدمتها بعدها












    قدمتها بوحدها بدون مرفقات
    لاعصير لا موناضة
    بما ناها كلاصي فمتحتاجش








    للاسف مصورتهاش مقطعة
    حيت رجع الطبسيل خاوي الكوزينة ههههه

    لكن فالصور كيبانو الطبقات
    وكيبان اللوز و الشكلاط فالوسط ديال الموس

    جات خفيفة خصوصا انها محلواش بالزاف
    كيف لاحظتو مستعملتش السكر لافالعجين لا فالموس
    لان كاوبيل و غبرة الموس كتكون حلوة
    فللي متبع ريجيم او حمية صحية كتجيه زوينة

    و بالصحة والراحة






















    تم ولله الحمد إتمام الوصفة
    نتمنى تنال إعجابكم


    الله يجعل طعامكم و شرابكم حلال مبارك
    و لا يحرمكم من خيرات الدارين



    لأخذ الفواصل اللتي استعمل في تزيين الموضوع
    يمكنكن زيارت صفحات الموضوع اسفله :










    اللـــــــــهـــــــــــــم بارك لنا في رمضــــــــان


    ووفقنا لصيامه وقيامه
    و أعنا على ذكرك
    وشكرك
    وحسن عبادتك..

    عَلَى الوَجْهِ الّذِي يُرْضِيكَ عَنَّا



    وَصَلِّ اللَّهُمَّ وَسَلِّمْ وزِد وَبَارِكْ عَلَى سَيِّدِنَا مُحَمَّدٍ وَعَلَى آلِهِ وسلِم.
    يا ارحم الرحمين



    وكل عاام وانتم إلى الله أقرب..
    *
    *
    و لا تنسوني من صالح دعواتكمن يا طيبات
    اختكن أمـنـار
    أم رَيـَّـان
    *
    *
















    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    الله يعطيك الصحة طلعت كاتحمق
    و الطبقات باينين و المقادير سهلة غير هي فيها شوية تمارة ههههههههه

    تعليق


    • #3
      المشاركة الأصلية بواسطة جميلة ام يحيى مشاهدة المشاركة
      الله يعطيك الصحة طلعت كاتحمق
      و الطبقات باينين و المقادير سهلة غير هي فيها شوية تمارة ههههههههه

      الله يسلمك و عافيك احبيبة
      راه غير كتبان ليك صعيبة
      اما فالتطبيق ساهلة
      خصوصا للي عندو الطراب الكهربائي
      يعني مكيديرش مجهود فالتطراب
      غير زعمي و جربيها
      و ردي عليا الخبار

      الله يطعمك من الجنة الزين


      ان غبت عنكم
      و ساغيب في يوم من الايام
      فاتمنى من العلي القدير
      ان يكون لي نصيب خير بما خطته يدي
      يصلني بدعائكم لي
      اينما كنت فوق الارض او تحتها


      أمنارAmanarre
      أم ريان و كاميليا
















      فهرس اطباقي المصورة (متجدد ان شاء الله)




      ترقبن جديد وصفاتي المصورة بإذن الله



      تعليق


      • #4
        ما شاء الله غزالة
        لا تحرمينا من جديدك اختي امنار





        اللهم احفض لي ابنائي اميمة ومحمد ادريس واجعلهم درية صالحة بارة طيبة هم وابناء المسملين

        تعليق


        • #5
          تبارك الله كيكة زوينة خاص غير شوية دالحداقة .شكرا على مجهودك الكبير اختي امنار.
          اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
          اللهم احفظ زوجي وأبنائي من كل شر وأقر عيني بهم آمين.




          تعليق


          • #6
            السلام عليكم ورحمة الله وبركاته
            ماشاء الله عليك اختي امنار طرطة رااائعة الله يعطيك الصحة
            تحياتي
            في رعاية الرحمن

            تعليق


            • #7

              الذين يشاهدون محتوى الموضوع الآن : 8 ( الأعضاء 6 والزوار 2) amanarre, ‏didou86, ‏lo2lo2anadira,‏nour elhouda, ‏رسالتي, ‏zohra881966

              الله يجعل طعامكم و شرابكم حلال مبارك
              و لا يحرمكم من خيرات الدارين



              ان غبت عنكم
              و ساغيب في يوم من الايام
              فاتمنى من العلي القدير
              ان يكون لي نصيب خير بما خطته يدي
              يصلني بدعائكم لي
              اينما كنت فوق الارض او تحتها


              أمنارAmanarre
              أم ريان و كاميليا
















              فهرس اطباقي المصورة (متجدد ان شاء الله)




              ترقبن جديد وصفاتي المصورة بإذن الله



              تعليق


              • #8
                تبارك الله و ماشاء الله و لا قوة الا بالله غزااااااااااالة ماشاء الله و كتشهي تبارك الله عليك ام منار الله يجعلها فميزان حسناتك اختي تقبلي مروري
                [/QUOTE]

                تعليق


                • #9
                  روووعة ماشاء الله تبارك الله
                  مشكوورة سلمت يداك
                  **حملة نـحــن بــنــاتــهـــا للــدفـاع عن أم المؤمــنــين عـــائــشة رضي الله عنها**

                  تعليق


                  • #10
                    تبارك الله عليك الله يعطيك الصحة
                    راني متبعة معاك وحاضياك امتى تحطي المقادير
                    واش هاد الكاطو متلج؟

                    تعليق


                    • #11
                      تبارك الله عليك غاليتي أمنار دائما متميزة في وصفاتك ثبت في تاريخه

                      تعليق


                      • #12
                        تبارك الله عليك هاشي دايزو الكلام الله يعطيك الصحة
                        اللهم أدمها نعمة وإحفظها من الزوال





                        تعليق


                        • #13
                          تبارك الله و الصلاة على النبي عليك طريقة الشرح غزالة وجد مفصلة شكرا

                          تعليق


                          • #14
                            tbaark lah 3lik akhti kika tatchiiii

                            تعليق


                            • #15
                              تبارك الله عليك اختي
                              والله اعطيك الصحة

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X