إعـــــــلان

تقليص
لا يوجد إعلان حتى الآن.

الاكلير مع طريقة تزيين الطبق ساااااااهلة ودائما من مطبخي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الاكلير مع طريقة تزيين الطبق ساااااااهلة ودائما من مطبخي

    السلام عليكم ورحمة الله تعالى وبركاته انيقاتي
    تقبل الله صيامكم و قيامكم و الله يجعلنا و اياكم من عتقاء هاد الشهر من النار


    انيقاتي اليوم درت ليكم الاكلير بلاكريم باتسيير والكلاصاج

    الجديد هنا انيقاتي هو الطريقة ديال التقديم و لي كتعطي منظر جميل و راااااائع و هي طريقة ساهلة بزاف
    انا هنا ستعملت لاباط اشو ل كاينة فهاد الرابط لي كنت نزلت من قبل و عمرتها بالكريم باتسييرurl]http://www.anaqamaghribia.com/vb/showthread.php?t=64809[/url]

    درت الما و الزبدة فوق من العافية

    حتى غلاو زدت عليهم السكر

    زدت لطحين و خلطت مزيان حتى تجمع لينا الخليط

    ثم بديت كنزيد البيض وحدة بوحدة


    من بعد درتو فالجيب ديال الحلواني بديت كنخرجو بحال هاكا

    من بعد دخلت المقلة للفران

    فهاد الاثناء حضرت لا كريم باتسيير
    و منين خرجت المقلة من الفران خليت الاكلير ديالي حتى برد و عمرتهم بلا كريم ديالي
    دابا غادي نحضرو الكلاصاج
    درت 2 انواع ديال الكلاصاج واحد بالقهوة و اخر بالشكلاط


    المقادير ديال الكلاصاج بالقهوة
    100 غ سكر كلاصي مغربل
    3 او 4 من قطرات الخل
    قهوة كحلة قاصحة شوية




    فزلافة غادي ندير سكر كلاصي و نيدو عليه القطرات ديال الخل و نبداو نزيدو القهوة كحلة بشوية بشوية حتى كيولي عندنا سائل ثقيل شوية
    الكلاصاج بالشكلاط
    100 غ سكر كلاصي مغربل
    2 م ص شكلاط اسود غبرة
    قطرات من الخل
    حليب بارد


    كنخلطو الشكلاط مع الشكلاط غبرة نضيفو كنضيفو الخل و لحليب بشوية بوية حتى كيولي عندنا سائل ثقيل شوية

    كندهنو الاكلير ديالنا بالكلاصاج لي صوبنا
    دابا غادي نجيو للتزيين
    اناخدو طبسيل لي غادي نقدمو فيه وكناخدو 2 اكياس ديال البلاستك الخاصة بالتزيين و كنديرو واحد فيه الكلاصاج ديل القهوة و واحد فيه الكلاصاج ديال الشكلاط


    كندير نقط بحال هاكا بالكلاصاج ديال القهوة و كنخليو فراغ ما بين النقط لي درنا

    و كناخدو الكيس لي فيه الكلاصاج ديال الشكلاط و كنديرو نقيطات فالفراغ لي خلينا ما بين النقط ديال القهوة

    و كناخدو عود ديال السنان و كنجرو خط من وسط اي نقطة بغينا وكنستمرو نحاولو منوقفوش حتى كنوصلو لنقطة لي بدينا منها

    و هاكا كيجي المنظر

    نتمنى اخواتي تكون هاد الطريقة عجبتكم و في امان الله
    [/QUOTE]

  • #2
    تبارك الله عليك وعلى الدوق ديالك
    هادشي معتبر

    تعليق


    • #3
      وعليكم السلام ورحمة الله وبركاته

      تبارك الله ماشاء الرحمة هذشي غزال الله يعطيك الصحة ويسلم هذوك ليديات

      عزيزة عليا اكلير وحتى وليداتي تبلاو بيها هههه

      بارك الله فيك على الوصفة المميزة

      تعليق


      • #4
        الله يعطيك الصحة انا كنعدلهم ولكن بمجرد ماكايخرجو من الفرن متبقاشي عارفة الوجه من الظهر
        كيهبطو بسرعة وحاولت بجميع الطرق والو وتقول غادى نحاول بطريقتك الى مزدقتشي كنواعدك عمري منعملهم هههههههههه
        مرة تانية الله يعطيك الصحة وطريقة التقديم منتهى الشياكة تسلم
        لاتجعل الله اهون الناظرين اليك

        تعليق


        • #5
          السلام عليكم ورحمة الله وبركاته
          الله يعطيك الصحة و اسهل امرك و افرحك يارب اميييين
          غاليتي طبق مميز و صور موضحة الطبق .....
          مميز جدا ....ثبت في تاريخيه


          وحي القبور

          http://www.anaqamaghribia.com/vb/sho...098&highlight=

          تعليق


          • #6
            بسم الله الرحمن الرحيم
            وعليكم السلام ورحمة الله وبركاته
            يارك الله فييييييييييك جزاك الله خيراً و جعله في ميزان حسناتك
            اذ لم تجمعنا الايام جمعتنا الذكريات
            و
            اذا العين لم تراكن فالقلب لن ينساكن

            يظل القلب يذكركن وتبقى النفس تشتاق

            فياعجباً لصحبتكن لها في القلب آفــــاق


            تعليق


            • #7
              جزاك الله خيرا
              لكن معطيتينهاش المقادير بالضبطشحال ديال الطحين والبيض وهكدا..
              عجبتني الوصفة ول كلاصاج
              شكرا جزيلا

              تعليق


              • #8
                تبارك الله عليك اختي
                لا تحرمينا من جديدك





                اللهم احفض لي ابنائي اميمة ومحمد ادريس واجعلهم درية صالحة بارة طيبة هم وابناء المسملين

                تعليق


                • #9
                  تيارك الله عليك

                  تعليق


                  • #10
                    المشاركة الأصلية بواسطة القلب الطاهر مشاهدة المشاركة
                    تبارك الله عليك وعلى الدوق ديالك
                    هادشي معتبر
                    ربي يخليك ليا اختي القلب الطاهر لهلا يخطيك عليا و الله يعطيك كل ما كتمناي يا ربي امين شكرا اختي على المرور الجميل يا ربي امين شكرا
                    [/QUOTE]

                    تعليق


                    • #11
                      المشاركة الأصلية بواسطة أم أيـــوب مشاهدة المشاركة
                      وعليكم السلام ورحمة الله وبركاته

                      تبارك الله ماشاء الرحمة هذشي غزال الله يعطيك الصحة ويسلم هذوك ليديات

                      عزيزة عليا اكلير وحتى وليداتي تبلاو بيها هههه

                      بارك الله فيك على الوصفة المميزة
                      الله يبارك فيك مشرفتي ام ايوب و بارك الله فيه على المرور الجميل ديالك اختي و يا الحبيبة انا من نهار درتهم اول مرة كان عمري يلاه 14 العام و انا مبلية بيهم الى يومنا هدا اختي و بليت بيهم دارنا و راجلي و عائلتو و لي كايج عندي كيبغي المقادير الحمد لله بلية زوينة
                      [/QUOTE]

                      تعليق


                      • #12
                        المشاركة الأصلية بواسطة الراجية عفوربها مشاهدة المشاركة
                        الله يعطيك الصحة انا كنعدلهم ولكن بمجرد ماكايخرجو من الفرن متبقاشي عارفة الوجه من الظهر
                        كيهبطو بسرعة وحاولت بجميع الطرق والو وتقول غادى نحاول بطريقتك الى مزدقتشي كنواعدك عمري منعملهم هههههههههه
                        مرة تانية الله يعطيك الصحة وطريقة التقديم منتهى الشياكة تسلم
                        الله يجزيك بكل خيراختي على المرور ديالك اختي والله العظيم اختي ال هاد الطريقة هي لي كنصيب هادي كتر من 15 العام و عندي بزاااااف ديال الطرق اخرى و انا وااااوكنديرغير هادي ولكن اختي خاص واحد الحاجة ضروريةة بالنسبة ل باط اشو و هي اولا البيض خاصنا نديرو وحدة بوحدة حتى كتجمع العجينة ثم هاداك التخلاط منين كنبقاو نخلطو بالمعلقة ديال لخشب او فالمكينة ديال العجين خاصنا نعطيوه حقو مزيان لان هادك التخلاط هو لي كيخلي الهوا يدخل للعجينة باش كينفخها منين كندخلوها للفران و عنصر اخر مهم و هو الفران خاصو يكون سخوووووون اختي و منين ندخلو المقلة للفرن نقصومن العافية واحد الشوية ان شاء الله نكون فدتك اختي و اي سؤال انا رهن الاشارة اختي
                        [/QUOTE]

                        تعليق


                        • #13
                          المشاركة الأصلية بواسطة ام الحلوين مشاهدة المشاركة
                          السلام عليكم ورحمة الله وبركاته
                          الله يعطيك الصحة و اسهل امرك و افرحك يارب اميييين
                          غاليتي طبق مميز و صور موضحة الطبق .....
                          مميز جدا ....ثبت في تاريخيه
                          و عليكم السلام و رحمة الله و بركاته مشرفتي الغالية ام الحلوين
                          الله يبارك فيك مشرفتي و الله يسر امورنا و امورك و امورجميع العباد شكرا جزيلا مشرفتي و الله يعطيك كل ما كتمناي يا ربي امين و الله يجمعنا و اياكم فالجنة يا ربي امين و الله يجزيك بكل خير على التثبيت يا ربي امين
                          [/QUOTE]

                          تعليق


                          • #14
                            المشاركة الأصلية بواسطة حسناء الرودانية مشاهدة المشاركة
                            بسم الله الرحمن الرحيم
                            وعليكم السلام ورحمة الله وبركاته
                            يارك الله فييييييييييك جزاك الله خيراً و جعله في ميزان حسناتك
                            الله يبارك فيك اختي حسناء و اللهم امين الله يتقبل منا و منكم صالح الاعمال يا ربي امين و الله يجمعنا و اياكم فجنات الفردوس يا ربي امين شكرا غاليتي على المرور الراااااائع
                            [/QUOTE]

                            تعليق


                            • #15
                              المشاركة الأصلية بواسطة halawato.arroh مشاهدة المشاركة
                              جزاك الله خيرا
                              لكن معطيتينهاش المقادير بالضبطشحال ديال الطحين والبيض وهكدا..
                              عجبتني الوصفة ول كلاصاج
                              شكرا جزيلا
                              الله يبارك فيك اختي حلاوة الروح و شكرا جزيلا على المرور ديالك اختي و انا اختي حطيت الرابط لي فيه المقادير حيت كنت حطيت وصفة اخرى ديال لا بط اشو و هي لي كنستعمل دائما و ها هو الرابط مرة اخرى اختي

                              http://www.anaqamaghribia.com/vb/showthread.php?t=64809
                              [/QUOTE]

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X